កីឡា

ភ្ញាក់ផ្អើល! Messi និង Neymar អវត្តមានពីបញ្ជីបេក្ខភាពប្រជែងពាន Ballon d’Or ទាំង៣០

បានផុស

៤ years មុន

នៅ

ថ្ងៃសៅរ៍ ១៣ សីហា ២០២២

ដោយ

កីឡាករអាហ្សង់ទីននឹងមិនចាំបាច់ប្រជែងដើម្បីឈ្នះពាន Ballon d’Or ទេ នៅឆ្នាំនេះ បន្ទាប់ពីពុំមានឈ្មោះក្នុងបញ្ជី ជាលើកដំបូងចាប់តាំងពីឆ្នាំ២០០៦មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនាវដ្ដី France Football បានបង្ហាញបេក្ខភាពទាំង ៣០នាក់ សម្រាប់ពានរង្វាន់ Ballon d’Or ឆ្នាំ២០២២ ដែលនឹងប្រគល់ជូននៅថ្ងៃទី១៧ ខែតុលា ឆ្នាំ២០២២ នៅទីក្រុងប៉ារីស ប៉ុន្តែតារាឆ្នើមរបស់ PSG គឺ Leo Messi មិនស្ថិតក្នុងចំណោមកីឡាករទាំង ៣០នាក់ គួរឱ្យភ្ញាក់ផ្អើល រួមទាំងមិត្តរួមក្រុម Neymar។

Messi គឺកំពុងកាន់ពានរង្វាន់ (CONMEBOL–UEFA Cup of Champions) នាពេលបច្ចុប្បន្ន ហើយមិនស្ថិតក្នុងការប្រជែងយករង្វាន់ដែលនឹងត្រូវផ្តល់ឱ្យមុនការចាប់ផ្តើមការប្រកួត World Cup នៅប្រទេសកាតា។

ម្ចាស់ជ័យលាភី Ballon d’Or ៧សម័យកាល ដែលច្រើនជាងគេក្នុងប្រវត្តិសាស្ត្រ Messi មិនបានខកខានក្នុងបញ្ជីចុងក្រោយដើម្បីលើកពានចាប់តាំងពីឆ្នាំ២០០៦មក។

ការធ្លាក់របស់ក្រុមគេ PSG នៅក្របខណ្ឌ Champions League ក្រោមដៃក្រុម Real Madrid ក្នុងវគ្គ១៦ក្រុមចុងក្រោយ គឺជាកត្តាមួយដែលធ្វើឱ្យខកខានឱកាសនេះលើកីឡាករអាហ្សង់ទីន ដែលបានទាត់បាល់ប៉េណាល់ទីក្នុងការប្រកួតនោះមិនចូល។

Neymar ក៏បាត់ខ្លួនពីបញ្ជីដែលកំពុងនាំមុខដោយ Karim Benzema ជាមួយការគាំទ្រដ៏លើសលប់ក្នុងការឈ្នះពាន Ballon d’Or ដំបូងរបស់ខ្លួន បន្ទាប់ពីបានដើរតួយ៉ាងសំខាន់ក្នុងការជួយ Real Madrid ឈ្នះ LaLiga និង Champions League កាលពីរដូវកាលមុន។

Real Madrid មានបេក្ខភាព៦នាក់ក្នុងបញ្ជីសម្រាំងដូចគ្នានឹង Manchester City និង Liverpool ខាងក្រោមគឺជាបញ្ជីឈ្មោះកីឡាករទាំង ៣០រូប៖

Benzema, (Real Madrid)

Courtois, (Real Madrid)

Vinicius, (Real Madrid)

Casemiro, (Real Madrid)

Modric, (Real Madrid)

Rüdiger, (Real Madrid)

Salah, (Liverpool)

Trent Alexander-Arnold, (Liverpool)

Luis Díaz, (Liverpool)

Fabinho, (Liverpool)

Darwin Núñez, (Liverpool)