កីឡា
Conor Nestor ក្រោយឈ្នះគីរីវង់ ១០-០ កីឡាករមានអារម្មណ៍មិនល្អក្រោយពីការចាញ់សប្ដាហ៍មុន
ក្លិបបាល់ទាត់ព្រះខ័នរាជស្វាយរៀង បានត្រលប់មករកជ័យវិញ ក្នុងពានរង្វាន់ខេមបូឌានព្រីមៀរលីគ (Cambodian Premier League) ឆ្នាំ ២០២២ ដោយលទ្ធផល ១០-០ លើគីរីវង់សុខសែនជ័យ នាជំនួបសប្ដាហ៍ទី ១៥ កាលពីចុងសប្ដាហ៍កន្លងទៅ ក្រោយចាញ់ វិសាខា កាលពីសប្ដាហ៍មុន។
១០ គ្រាប់របស់ព្រះខ័នរាជស្វាយរៀង រកបានដោយកីឡាករ មិន រតនៈ ៤ គ្រាប់, Marcus Haber ២ គ្រាប់, គឹម សុខយុទ្ធ ២ គ្រាប់ និង នី សុខរី ជាមួយ សុខ សំណាង ម្នាក់ ១ គ្រាប់។
គ្រូបង្វឹកព្រះខ័នរាជស្វាយរៀង លោក Conor Nestor បានបញ្ជាក់ក្រោយចប់ការប្រកួតថា៖ «ជារឿងល្អមួយ ដែលយើងត្រលប់មកតាមការចង់បានវិញ បន្ទាប់ពីបរាជ័យកាលពីសប្ដាហ៍មុន ពិតជាការបង្ហាញទម្រង់លេងដ៏ល្អមួយ និងបានបង្ហាញការលេងដ៏អស្ចារ្យមួយ ហើយខ្ញុំគិតថាការរក្សាសំណាញ់ទីក៏ជារឿងមួយល្អដែរ ខ្ញុំពិតជាពេញចិត្តនឹងទម្រង់លេងរបស់កូនក្រុម។»
«កីឡាករមានអារម្មណ៍មិនល្អក្រោយពីការចាញ់សប្ដាហ៍មុន ប៉ុន្តែពួកយើងត្រួតពិនិត្យការលេងរបស់យើងឡើងវិញ ហើយខ្ញុំគិតថាយើងបានបង្កើតឱកាសល្អបានច្រើនជាង អាចជាក្រុមដែលមានភាពល្អប្រសើរជាង។ នេះគឺជាបាល់ទាត់ អ្នកអាចមានឱកាសល្អជាច្រើន ប៉ុន្តែពុំអាចចាប់យកវាបាន ពួកយើងប្រហែលបង្កើតកំហុសតិចតួច ជាងការបង្កើតកំហុសធំ ប៉ុន្តែអ្វីដែលអ្នកចង់ឃើញនោះគឺកូនក្រុមមានប្រតិកម្មបានល្អ និងអ្វីដែលគួរឆ្លើយតបចំពោះកូនក្រុមថ្ងៃនេះ។» គ្រូបង្វឹកសញ្ជាតិអៀរឡង់ខាងជើងរូបនេះបានសង្កត់ធ្ងន់។
សូមបញ្ជាក់ថា ព្រះខ័នរាជស្វាយរៀង នៅកាន់កាប់កំពូលតារាងនៃលីគកំពូលកម្ពុជា ឆ្នាំ ២០២២ ត្រឹមសប្ដាហ៍ទី ១៥ ដោយមាន ៣៨ ពិន្ទុ ហើយក្រុមលេខ ២ វិសាខា តាមពីក្រោយ ១០ ពិន្ទុ។ សប្ដាហ៍ក្រោយ ព្រះខ័នរាជស្វាយរៀង នឹងត្រូវជួប ភ្នំពេញក្រោន៕
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត