កីឡា
ថៃ ទទូចកម្ពុជា ឲ្យដាក់ប្រភេទកីឡាបាល់ឱប ទៅក្នុងកីឡាស៊ីហ្គេម ឆ្នាំ២០២៣
លោក Kunthon Prachuapmoh ប្រធានសហព័ន្ធនៃកីឡាបាល់ឱបថៃ បានទទូចកម្ពុជា ដើម្បីនាំយកកីឡាបាល់ឱបទៅក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា។
យ៉ាងណាមិញ សំណើនេះត្រូវបានកម្ពុជា ពុំធានាបានដោយសារតែពុំមានទៅលាន និងសម្ភារៈហ្វឹកហាត់គ្រប់គ្រាន់។ ថៃ ទទូចដូច្នេះគឺនៅក្នុងកិច្ចប្រជុំកាលពីពេលថ្មីៗនេះ នៅប្រទេសថៃ ជុំវិញការត្រួតពិនិត្យការរៀបចំស៊ីហ្គេមរបស់កម្ពុជា នៅទីស្នាក់ការសហព័ន្ធកីឡាអាស៊ីអាគ្នេយ៍។
ថៃ យល់ឃើញថាដោយសារតែបាល់ឱបជាកីឡាអន្តរជាតិ វាត្រូវបានដាក់បញ្ចូលក្នុងការប្រកួតកីឡាអូឡាំពិក។ លើសពីនេះ ជាងពាក់កណ្តាលនៃប្រទេសអាស៊ានមានការប្រកួតកីឡាបាល់ឱបក្នុងប្រទេស ហើយក៏បានដាក់ប្រកួតនៅស៊ីហ្គេម មានប្រភេទកីឡាបាល់ឱបស្ទើរគ្រប់ពេល។ រហូតដល់ការប្រកួតកីឡាស៊ីហ្គេមលើកចុងក្រោយនៅប្រទេសវៀតណាម គ្មានកីឡាបាល់ឱបត្រូវបានដាក់បញ្ចូលទេ ហើយប្រសិនបើកម្ពុជាមិនរៀបចំវាម្តងទៀត វាគឺជិតប្រាំមួយឆ្នាំ ចាប់តាំងពីការប្រកួតបាល់ឱបចុងក្រោយឆ្នាំ២០១៩ ត្រូវបានធ្វើឡើងនៅប្រទេសហ្វីលីពីន។
ប្រសិនបើកម្ពុជា មិនដាក់បញ្ចូល នោះនឹងត្រូវរង់ចាំរហូតដល់ឆ្នាំ២០២៥ នៅដែលថៃខ្លួនឯងផ្ទាល់តែម្តងទើបមានដាក់បញ្ចូល។
លោក Ekachaipak Siriwat អនុប្រធានគណៈកម្មាធិការប្រតិបត្តិស៊ីហ្គេម និងជាប្រធានក្រុមប្រឹក្សាស៊ីហ្គេម បានយកបញ្ហានេះមកប្រជុំម្តងទៀត ហើយកម្ពុជាបានយល់ព្រមយកវាទៅពិចារណា ដោយបញ្ហានៅពេលនេះ គឺមិនមានទីលានកីឡាបាល់ឱប និងឧបករណ៍ស្តង់ដារ។
ថៃ ចង់ឲ្យកីឡាបាល់ឱបចូលរួមក្នុងស៊ីហ្គេម រួមទាំងហ្វូតសាល ព្រោះប្រភេទកីឡាទាំងពីរនេះអាចបង្កើតមេដាយមាសដល់ខ្លួន។ អត់មានកីឡាបាល់ឱប និងហ្វូតសាល ថៃ ត្រូវខាតមេដាយមាស ៤គ្រឿង ប៉ុន្តែសិទ្ធិសម្រេចដាច់ខាតគឺអាស្រ័យលើម្ចាស់ផ្ទះ៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)