Messi នាំមុខ CR7 នាមជាកីឡាករដែលរកគ្រាប់បាល់បាន ១៨ រដូវកាលជាប់ៗគ្នា​ក្នុង Champions League

Lionel Messi និងការបង្កើតកំណត់ត្រា បានក្លាយទៅជាទម្លាប់នៅក្នុងអាជីពដ៏ភ្លឺស្វាងរបស់តារាឆ្នើមនៃក្លិប Paris Saint-Germain រូបនេះ បន្ទាប់ពីយប់មិញរកបាន ១ គ្រាប់ ធ្វើឱ្យ​រូបគេ​បាន​ក្លាយជា​កីឡាករ​ដែល​រក​គ្រាប់​បាល់​បាន​ក្នុង ១៨​ រដូវ​កាល​ជាប់​គ្នា​នៃ​ក្របខ័ណ្ឌ Champions League​។​

Messi បាន​ទាត់​ចូល​ជា​លើកដំបូង​នៅក្នុង​ក្របខ័ណ្ឌ Champions League នៅ​រដូវ​កាល​នេះ នៅក្នុង​ការប្រកួត​ក្រុមទី​ ២ របស់ PSG ជាមួយ​ក្រុម​អ៊ីស្រាអែល Maccabi Haifa កាលពី​យប់មិញ​។​

​គ្រាប់​បាល់​របស់គេ​ទល់នឹង Maccabi Haifa មានន័យថា កីឡាករ​ដែល​ឈ្នះ Ballon d’Or ៧ សម័យកាល​មួយ​នេះ នឹង​ក្លាយជា​កីឡាករ​ដំបូង​គេ​ដែល​ស៊ុត​បញ្ចូល​ទី ក្នុង UEFA Champions League ១៨ រដូវ​កាល​ជាប់ៗ​គ្នា​។​

​ប្រធាន​ក្រុម​អា​ហ្ស​ង់​ទីន ក៏​ក្លាយជា​កីឡាករ​ដំបូង​គេ​ដែល​រក​គ្រាប់​បាល់​បាន​ទល់នឹង​ក្រុម​ចំនួន ៣៩​ផ្សេងគ្នា​ក្នុង UEFA Champions League ច្រើនជាង​កីឡាករ​ផ្សេងទៀត​នៅក្នុង​ការប្រកួត ដោយបាន​វ៉ា​ដាច់​គូប្រជែង​ដ៏​យូរអង្វែង Cristiano Ronaldo ដែល​បាន​ស៊ុត​បញ្ចូល​ទី​ទល់នឹង ៣៨ ​ក្រុម​ផ្សេងៗ​គ្នា​។​

Messi ដែល​ធ្លាប់​ឈ្នះ​ជើងឯក Champions League ៤​ សម័យ​កាលនោះ ក៏​នឹង​កំណត់​គោលដៅ​របស់ខ្លួន លើ​កំណត់ត្រា​ស៊ុត​បញ្ចូល​ទី​ច្រើនជាងគេ​បំផុត ដែល​បច្ចុប្បន្ន​ត្រូវបាន​កាន់កាប់​ដោយ​ខ្សែប្រយុទ្ធ​របស់ Manchester United កីឡាករ Cristiano Ronaldo (១៤១​គ្រាប់​) ខណៈ Messi មាន ១២ ៥​គ្រាប់​។​

​គួរ​ដឹង​ដែរ​ថា ជ័យជម្នះ​យប់មិញ​គឺជា​ជ័យជម្នះ​លើក​ទី​ ២ របស់ PSG ក្នុង​ពានរង្វាន់ Champions League រដូវ​កាល​នេះ ដែលនាំឱ្យ​ឈរ​កំពូល​តារាង​ពូ​ល H មាន ៦ ​ពិន្ទុ​ស្មើគ្នា​ជាមួយ Benfica ដែល​បានឈ្នះ Juventus កាលពី​យប់មិញ​ដូចគ្នា​។ Juventus កំពុង​យ៉ាប់យឺន ដោយ​លេង ២​ ប្រកួត​ចាញ់​ទាំង ២ ​ប្រកួត​។

​លទ្ធផល​គូ​ផ្សេងទៀត​មាន​ដូចខាងក្រោម​៖

​អត្ថបទ​៖ មន្នី​រ័ត្ន​