កីឡា

លោក ស៊ន អេលីត ហួសចិត្តនឹងអ្នកយកកីឡាករខ្មែរទៅវ៉ៃនៅថៃឲ្យតម្លៃទាប

បានផុស

២ years មុន

នៅ

ថ្ងៃពុធ ២១ កញ្ញា ២០២២

ដោយ

លោក ស៊ន អេលីត ដែលជាគ្រូបង្វឹក និងអ្នករៀបចំការប្រកួតប្រដាល់គុនខ្មែរដ៏ល្បីម្នាក់នៅក្នុងប្រទេសកម្ពុជាបានហួសចិត្តនឹងអ្នកផ្គូផ្គង (ប្រូម៉ូទ័រ) ដែលបានទាក់ទងលោកដើម្បីយកកីឡាករទៅប្រកួតនៅកម្មវិធីធំប្រទេសថៃ ប៉ុន្តែបានផ្តល់តម្លៃខ្លួនទាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា ៖«ប្រហែល២សប្ដាហ៍មុន មានប្រូម៉ូតទ័រម្នាក់ទាក់ទងមកខ្ញុំ សុំសិស្សក្លិប នាយកដ្ឋានអង្គរក្ស ប្រកួត នឹងង ប៉.ត.ថ នៅ Thai Fight។ តែខ្ញុំតបថា ខ្ញុំគ្មានពេលទំនេរ នាំកីឡាករខ្មែរទៅឲ្យគេវាយបំបាក់ទេ»។

លោកបានបន្តថា ៖«ស្រាប់តែថ្ងៃនេះ មានគេទាក់ទងមកម្ដងទៀតសុំ មឿន សុខហ៊ុច ទៅប្រកួតនឹង សែនឆ័យ ដោយផ្ដល់តម្លៃខ្លួន២ម៉ឺនបាត ប្រមាណ $540»។

«ខ្ញុំអង្គុយគិត ហួសចិត្ត ហេតុអីយកលំដាប់ជួរមុខយើង ទៅប៉ះ legend ស្រុកគេ តែឲ្យតំលៃខ្លួនសឹងមិនលើសប្រកួតក្នុងស្រុក។ ថៃមិនឲ្យតម្លៃខ្មែរ ឬមានក្រុមមេខ្យល់ទម្លាក់តម្លៃ? ត្រឹម $540 នៅវាយស្រុកខ្មែរក៏បាន។ កិត្តិយសនរណាមិនចង់បាន តែបន្ថោកតាំងពីដំបូងយើងម្ដេចព្រមលូនក្រាប»។

សម្រាប់ការប្រកួតនៅក្នុងស្រុករបស់កីឡាករគុនខ្មែរជួរមុខមួយចំនួនក៏ទទួលបានប្រាក់តម្លៃខ្លួនខ្ពស់ដែរអាចចន្លោះពី៤០០ទៅ៦០០ដុល្លារ ហើយលោក ស៊ន អេលីត ក៏ធ្លាប់បានប្រាប់ថា គ្រោងនឹងផ្តល់តម្លៃខ្លួនរហូតដល់១០០០ដុល្លារសម្រាប់កីឡាករជួរមុខដែលជាម្ចាស់មេដាយមាសស៊ីហ្គេម៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ