កីឡា

មនត្រស ផានសុវណ្ណអារុន ទទួលលទ្ធផលល្អនៃ Arena Swimming Champions 2020 Thailand

បានផុស

៦ years មុន

នៅ

ថ្ងៃអង្គារ ២៧ តុលា ២០២០

ដោយ

លោក ហែម គីរី អគ្គលេខាធិការនៃសហព័ន្ធខ្មែរហែលទឹកបានប្រាប់ឲ្យដឹងថា កីឡាករហែលទឹកកម្ពុជា មនត្រស ផានសុវណ្ណអារុន ដែលចូលរួមការប្រកួតកីឡាហែលទឹក Arena Swimming Champions 2020 Thailand នៅប្រទេសថៃទទួលបានលទ្ធផលល្អប្រសើរ ទោះបីកីឡាកររូបនេះ មិនទទួលបានមេដាយក្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអគ្គលេខាបានបន្តថា កីឡាករហែលទឹក មនត្រស ផានសុវណ្ណអារុនចូលរួមការប្រកួតខាងលើចំនួន៤វិញ្ញាសា គឺហែលចម្ងាយ៥០ម៉ែត្រ និង១០០ម៉ែត្រផ្ងារ ព្រមទាំងវិញ្ញាសាហែលចម្ងាយ ៥០ ម៉ែត្រ និង១០០ម៉ែត្រសេរី ។លោកថា នេះគឺជាការប្រកួតសាកល្បងសមត្ថភាពរបស់កីឡាកររូបនេះ។

កីឡាករហែលទឹកវ័យក្មេងមួយរូប ទៅធ្វើការហ្វឹកហាត់ព្រមទាំងបណ្តុះបណ្តាល រយៈពេលមួយឆ្នាំ ដើម្បីពង្រឹងសមត្ថភាព និងបច្ចេកទេសបន្ថែមទៀត នៅខេត្តភូកេត ប្រទេសថៃរយៈពេលមួយឆ្នាំពេញ ក្រោមអាហារូបករណ៍ FINA “FINA Scholarship” ។ កីឡាករហែលទឹកវ័យ ក្មេង ផានសុវណ្ណណារុន ម៉ុងត្រុស គឺជាកីឡាករស្ថិតក្នុងក្រុមជម្រើសជាតិរបស់សហព័ន្ធ ប្រសិនបើរូបគេទទួលបានហ្វឹកហាត់ល្អប្រសើរនោះ យើងនឹងបន្តឲ្យគាត់ធ្វើការរហូត ដល់ឆ្នាំ ២០២៣ដែលកម្ពុជាធ្វើជាម្ចាស់ផ្ទះការប្រកួតកីឡា SEA GAMES ២០២៣។ សាលាដែល ផានសុវណ្ណណារុន ទទួល ការបណ្តុះបណ្តាល គឺជាសាលារបស់អត្តពលិកកីឡាករ-កីឡាការិនីហែលទឹកឆ្នើមរបស់កម្ពុជា គឺកីឡាករហែម ថុនពន្លឺ និង កីឡាការិនីហែម ថុនវិទីនី៕