កីឡា

ចប់ជុំទី៣ ព្រះខ័នរាជស្វាយរៀង នៅតែសង្ឃឹមខ្ពស់ក្នុងការឈ្នះជើងឯកលីគ

បានផុស

៤ years មុន

នៅ

ថ្ងៃចន្ទ ២៤ តុលា ២០២២

ដោយ

ព្រះខ័នរាជស្វាយរៀង នៅតែមានភាគរយខ្ពស់ជាងគេក្នុងការគ្រងជើងឯកលីគកំពូលកម្ពុជារដូវកាល២០២២នេះ បន្ទាប់ពីចប់ជុំទី៣នាំមុខ៦ពិន្ទុលើគូប្រជែងវិសាខាដែលស្ថិតនៅចំណាត់ថ្នាក់លេខ២ ខណៈភ្នំពេញក្រោន និងបឹងកេតនៅលេខ៣ និង៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចុងក្រោយនៃជុំទី៣កាលពីថ្ងៃសៅរ៍កន្លងទៅនេះ ម្ចាស់ផ្ទះ វិសាខា និង ព្រះខ័នរាជស្វាយរៀង ចែកគ្នា១ពិន្ទុម្នាក់តាមរយៈលទ្ធផលស្មើគ្នា១-១។ ចំណែក បឹងកេតធ្លាក់ទៅចំណាត់ថ្នាក់លេខ៤ បន្ទាប់ពីចាញ់ភ្នំពេញក្រោនដែលបានរំកិលខ្លួនឡើងលេខ៣ដោយលទ្ធផល ៣-០ នៅក្រៅដី។

បច្ចុប្បន្ននេះ ព្រះខ័នរាជស្វាយរៀង មាន៤៦ពិន្ទុ ឈរលើកំពូលតារាង តាមរយៈការជ័យជម្នះ១៤ដង ស្មើ៤ដង និងចាញ់៣ដងប៉ុណ្ណោះ ខណៈ វិសាខា លេខ២ មាន៤០ពិន្ទុ ពីការឈ្នះ១២ដង ស្មើ៤ដង និងចាញ់៥ដង។ ចំណែកភ្នំពេញក្រោនលេខ៣ មាន៣៦ពិន្ទុ ពីការឈ្នះ១០ដង ស្មើ៦ដង និងចាញ់៥ ហើយបឹងកេតលេខ៤មាន៣៥ពិន្ទុ ពីការឈ្នះ១០ដង ស្មើ៥ដង និងចាញ់៦ដង។

ក្រុមកំពូលទាំង៤ ត្រូវមានភារកិច្ចប្រកួតវិលជុំសន្សំពិន្ទុ៦ប្រកួត (ក្នុងដីនិងក្រៅដី) ដូចគ្នាទៀតទើបរកឃើញជើងឯក។ យ៉ាងណា សម្រាប់ព្រះខ័នរាជស្វាយរៀងមាន៦ពិន្ទុនាំមុខស្រាប់ ក្នុងករណីឈ្នះ៤ប្រកួតទៀត ក្នុងចំណោម៦ប្រកួតគឺនឹងក្លាយជាជើងឯក។

គិតចាប់តាំងពីបើករដូវកាល២០២២រហូតដល់ចប់ជុំទី៣ និងបន្តឈានចូលជុំទី៤នៃវគ្គសន្សំពិន្ទុ៤ក្រុមចុងក្រោយ ព្រះខ័នរាជស្វាយរៀង តែងតែឈរលើកំពូលតារាងរហូត បើទោះជាចាញ់៣ប្រកួតក៏មិនដែលធ្លាក់ចេញពីចំណាត់ថ្នាក់លេខ១ឡើយ៕

អត្ថបទ៖ វីរបុត្រ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា