កីឡា

កីឡាជាតិលើកទី៣មានមេដាយមាស៤០៥គ្រឿងដាក់ឲ្យអត្តពលិកប្រជែងគ្នា

បានផុស

១ year មុន

នៅ

ថ្ងៃពុធ ២៦ តុលា ២០២២

ដោយ

ការប្រកួតកីឡាជាតិលើកទី៣ នាខែវិច្ឆិកា ខាងមុខនេះនឹងមានវិញ្ញាសាចំនួន៤០៥ ស្មើនឹងមេដាយមាសចំនួន៤០៥គ្រឿង លើកីឡាចំនួន៣៨ប្រភេទ ដែលចាប់បើកនៅថ្ងៃទី២១ វិច្ឆិកា និងបិទបញ្ចប់នៅថ្ងៃទី៣០ ខែវិច្ឆិកា នៅពហុកីឡដ្ឋានជាតិមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានបញ្ជាក់ក្នុងលិខិតផ្លូវការរបស់លោកថា ក្រសួងបានសហការជាមួយគណៈកម្មាធិការជាតិអូឡាំពិកកម្ពុជា ( NOCC) គណៈកម្មាធិការជាតិប៉ារ៉ាឡាំពិកកម្ពុជា ព្រមទាំងសហព័ន្ធកីឡាជាតិចំនួន៣៨ ដោយគ្រោងរៀបចំការប្រកួតលើ៣៨ប្រភេទកីឡា និងប្រភេទកីឡាប៉ារ៉ាឡាំពិកចំនួន៧ ដែលមានវិញ្ញាសាសរុប៤០៥។

ឯកឧត្តមរដ្ឋមន្ត្រីបានបញ្ជាក់ថា ការប្រកួតធ្វើនៅរាជធានី-ខេត្តចំនួន៥ គឺរាជធានីភ្នំពេញ ខេត្តកែប កំពត ព្រះសីហនុ និងខេត្តសៀមរាប ដែលរាជធានី ខេត្តទាំងអស់នេះជាកន្លែងរៀបចំការប្រកួតកីឡាស៊ីហ្គេម និងអាស៊ានរ៉ាហ្គេម ឆ្នាំ២០២៣៕

អត្ថបទ៖ វីរបុត្រ