កីឡា
លោក Conor Nestor ប្រតិកម្មចំពោះការជ្រើសរើសកីឡាករដោយប្រព័ន្ធ 30-15IFT របស់លោក Honda
លោក Keisuke Honda អ្នកចាត់ការទូទៅក្រុមជម្រើសជាតិកម្ពុជា ថ្មីៗនេះបានប្រកាសថា នឹងធ្វើការកោះកីឡាករបឋមចំនួន ៣៥ នាក់ ចូលក្រុមបាល់ទាត់ជម្រើសជាតិកម្ពុជា ដើម្បីប្រមូលផ្ដុំហ្វឹកហាត់ ជាពិសេសក៏នឹងមានធ្វើតេស្តកម្លាំងអំណត់ (IFT30-15) ជាថ្មីម្ដងទៀត ដើម្បីត្រៀមពានជើងឯកអាស៊ីអាគ្នេយ៍ (AFF Mitsubishi Electric Cup 2022) ចុងឆ្នាំនេះ។
យ៉ាងណាមិញ ការធ្វើតេស្តកម្លាំងអំណត់ (IFT30-15) ក៏នៅតែជាប្រធានបទក្ដៅ រហូតដល់លោក Conor Nestor គ្រូបង្វឹក នៃក្លិបព្រះខ័នរាជស្វាយរៀង ក៏ប្រតិកម្មចំពោះរឿងនេះផងដែរ។
គេបានចាប់អារម្មណ៍សម្ដីរបស់លោក Conor Nestor នៅពេលដែលលោកបានចូលទៅបញ្ចេញមតិយោបល់ (comment) នៅលើការបង្ហោះរបស់គ្រូជំនួយក្រុមជម្រើសជាតិ លោក ភា សុភ័ក្ត្រា ជុំវិញរឿងក្រុមបាល់ទាត់ជម្រើសជាតិកម្ពុជា។
លោកបានសរសេរទៅកាន់ លោក ភា សុភ័ក្ត្រា ថា «ខ្ញុំគាំទ្រគ្រប់វិធីសាស្ត្រសម្រាប់ការបង្កើតស្តង់ដារបាល់ទាត់ ប៉ុន្តែការធ្វើតេស្តកាយសម្បទាវាគ្រាន់តែជាចំណុចតូចតាចមួយប៉ុណ្ណោះ។ ការធ្វើតេស្តពិតប្រាកដ គឺការមើលការប្រកួត ហើយនេះត្រូវធ្វើនៅកីឡដ្ឋាន ដូច្នេះអ្នកអាចវាយតម្លៃអាកប្បកិរិយា និងភាពឆ្លាតវៃ នៃហ្គេមរបស់កីឡាករ។ យើងនៅតែនិយាយអំពីកាយសម្បទា ប៉ុន្តែការបង្ហាញទម្រង់លេងវគ្គទី ២ របស់ក្រុមជម្រើសជាតិ គឺប្រសើរជាងវគ្គទី ១ អស់រយៈពេលជាង ២ ឆ្នាំ»។
លោកបានសរសេរបន្ថែមទៀតថា «យើងមិនចាញ់ទីម័រទេ ក្នុងពាន AFF ដោយសារកាយសម្បទា ហើយយើងមិនចាញ់បង់ក្លាដែស ប្រកួតមុនដោយសារតែកាយសម្បទា។ សូមមេត្តា ដើម្បីឲ្យវិស័យបាល់ទាត់កម្ពុជាបានល្អ សូមលើកទឹកចិត្តឲ្យលោក Honda រៀនយកអាជ្ញាប័ណ្ណបង្វឹកដែលលោកនឹងសិក្សាបន្ថែមអំពីតួនាទីរបស់លោក។ ការបង្វឹក និងការលេង គឺជាតួនាទីផ្សេងគ្នា។ ហើយការបង្វឹកគឺជាការងារពេញម៉ោង មិនមែនជាការងារក្រៅម៉ោងនោះទេ។ កីឡាករយកចិត្តទុកដាក់ចំពោះអ្វីដែលគ្រូបង្វឹកត្រូវនិយាយ នៅពេលដែលគ្រូបង្វឹកបានប្ដេជ្ញាចិត្តយ៉ាងពេញលេញចំពោះកីឡាករ។
បើអ្នកមិនធ្វើខ្លួនឯងពេញលេញ អ្នកមិនអាចសុំឲ្យអ្នកដទៃប្រព្រឹត្តពេញលេញបានទេ។ រាល់ទស្សនៈរបស់ខ្ញុំគឺធ្វើឡើងដោយការគោរពចំពោះភាពល្អរបស់កីឡាបាល់ទាត់កម្ពុជា ខ្ញុំមិនមានបំណងចង់រិះគន់បុគ្គលណាម្នាក់នោះទេ ប៉ុន្តែប្រសិនបើយើងចង់ប្រៀបធៀបខ្លួនយើងទៅនឹងប្រទេសដែលមានគុណសម្បត្តិបាល់ទាត់ច្រើនជាង យើងត្រូវតែឈប់និយាយអំពីតេស្ត ៣០-១៥ រៀងរាល់ ៥ នាទីម្តង ការធ្វើតេស្តសម្បទា វាមិនមែនជាវេទមន្តទេ»។
គួរបញ្ជាក់ថា តេស្ត (IFT30-15) គឺជាតេស្តកម្លាំងអំណត់ដែលលោកបានអនុវត្តម្ដងរួចមកហើយ បើទោះបីជាការអនុវត្តនេះទទួលរងផលប៉ះពាល់ និងរងការរិះគន់ក៏ដោយ ក្រោយធ្វើមិនបានល្អពេលប្រកួតមិត្តភាពទល់នឹងជម្រើសជាតិបង់ក្លាដេស កាលពីខែមុន។
និយាយអំពីពានជើងឯកអាស៊ីអាគ្នេយ៍ (AFF Mitsubishi Electric Cup 2022) កម្ពុជា នឹងត្រៀមបង្ហាញខ្លួនលើកទី ៩ នៅវគ្គចែកពូល ដោយស្ថិតនៅពូល A ជាមួយថៃ, ឥណ្ឌូណេស៊ី, ហ្វីលីពីន និងព្រុយណេ។ ការប្រកួត គ្រោងនឹងចាប់ផ្ដើមពីថ្ងៃទី ២០ ខែធ្នូ ឆ្នាំ ២០២២ និងបញ្ចប់វគ្គចែកពូលនៅថ្ងៃទី ០២ ខែមករា ឆ្នាំ ២០២៣៕
អត្ថបទ ៖ មន្នីរ័ត្ន
ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ