កីឡា
កីឡាប៉េតង់កម្ពុជា ឈរលេខ១ ក្នុងចំណោមប្រទេស១៥ប្រកួតជើងឯកអាស៊ីឆ្នាំនេះ
កីឡាប៉េតង់កម្ពុជាបានឈរចំណាត់ថ្នាក់លេខ១ក្នុងការប្រកួតប៉េតង់ជើងឯកទ្វីបអាស៊ី លើកទី៤ ឆ្នាំ២០២២នេះ បន្ទាប់ពីព្រឹត្តិការណ៍ប្រកួតទើបតែបញ្ចប់ទៅកាលពីពេលថ្មីៗនេះនៅប្រទេសថៃ។
ការប្រកួតចាប់ផ្តើមពីថ្ងៃទី១០ ដល់ទី១៤ ខែវិច្ឆិកា នៅប្រទេសថៃ ដែលប្រទេសអាស៊ី១៥ចូលរួមប្រកួតប្រជែង។ កម្ពុជាបានបញ្ជូនប្រតិភូ និងអត្តពលិកដែលមានចំនួន២៧រូបចូលរួមប្រកួត ហើយជាលទ្ធផលឈ្នះ ៧គ្រឿង ក្នុងនោះមាស៣ ប្រាក់២ និងសំរិទ្ធ២។
ចំនួនមេដាយ៧គ្រឿងនេះគឺច្រើនជាងប្រទេសណាៗទាំងអស់ដែលបានចូលរួម ខណៈប្រទេសថៃក្នុងនាមជាម្ចាស់ផ្ទះឈ្នះមេដាយមាស ២គ្រឿង និងវៀតណាម ឈ្នះមេដាមាស១គ្រឿង។
គិតចាប់តាំងពីសហព័ន្ធកីឡាប៊ូល និងប៉េតង់កម្ពុជាត្រូវបានបង្កើតឡើង និងស្ថិតក្រោមការដឹកនាំពីប្រធានជាច្រើនរូបជាបន្តបន្ទាប់មក ពេលនេះកីឡាប៉េតង់កម្ពុជារកបានមេដាយសរុបចំនួន ៣៩៤គ្រឿងហើយ។
សមិទ្ធផលថ្មីចុងក្រោយបំផុតនេះជាផ្នែកមួយជួយជំរុញសហព័ន្ធកីឡាប៊ូល និងប៉េតង់កម្ពុជាឲ្យកាន់តែមានទំនុកចិត្តក្នុងការប្រកួតក្នុងនាមជាម្ចាស់ផ្ទះកីឡាស៊ីហ្គេម លើកទី៣២ ឆ្នាំ២០២៣៕
អត្ថបទ៖ វីរបុត្រ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៧ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ