កីឡា
ព្រះខ័នរាជស្វាយរៀងត្រូវការឈ្នះភ្នំពេញក្រោនល្ងាចនេះ
ក្លឹបព្រះខ័នរាជស្វាយរៀងត្រូវបើកទ្វារកីឡដ្ឋានរបស់ខ្លួនទទួលក្លឹបភ្នំពេញក្រោន វេលាម៉ោង៦:៣០នាទីល្ងាចនេះ ដែលជាការប្រកួតត្រូវការឈ្នះដាច់ខាតដើម្បីបន្តក្តីសង្ឃឹមខ្ពស់ក្នុងការឈ្នះជើងឯកខេមបូឌានព្រីមៀរលីគរដូវកាល២០២២។
បន្ទាប់ពីបរាជ័យ២លើកជាប់គ្នាក្រោមថ្វីជើងបឹងកេត ២-១ និងវិសាខា ១-០ សម្រាប់ការប្រកួតក្នុងវគ្គក្រុមលំដាប់កំពូលទាំង៤ ព្រះខ័នរាជស្វាយរៀងដែលមាន៤៦ពិន្ទុ នាំមុខតែ៣ពិន្ទុប៉ុណ្ណោះលើគូប្រជែង វិសាខា ដែលមាន៤៣ពិន្ទុ។ សម្រាប់ការប្រកួតដែលសល់៤លើកចុងក្រោយ ព្រះខ័នរាជស្វាយរៀងត្រូវការឈ្នះដាច់ខាតទើបធានាជើងឯក បើប្រហែសចាញ់ឬស្មើ វិសាខា នឹងឈានមុខវិញម្តង។
ទោះបីជាយ៉ាងណា ការជួបភ្នំពេញក្រោនមិនមែនជាការងាយស្រួលឡើយ ដោយសារការជួបគ្នាចុងក្រោយ ព្រះខ័នរាជស្វាយរៀងបានចាញ់ ០-៣ កាលប្រកួតជុំទី៣។ ជួបគ្នា៣លើកកន្លងមកក្នុងរដូវកាល២០២២នេះ នៅជុំទី១ ព្រះខ័នរាជស្វាយរៀងឈ្នះ១-៣, ជុំទី២ ឈ្នះ១-០ ប៉ុន្តែជុំទី៣ចាញ់ ០-៣។
សម្រាប់បរាជ័យលើកចុងក្រោយដោយថ្វីជើងភ្នំពេញក្រោន លោក Conor Nestor គ្រូបង្វឹកព្រះខ័នរាជស្វាយរៀង បានចាត់ទុកជាការលេងអាក្រក់បំផុតរបស់ព្រះខ័នរាជស្វាយរៀង នៅក្នុងរដូវកាលនេះ។
៥ប្រកួតចុងក្រោយរបស់ ព្រះខ័នរាជស្វាយរៀង ឈ្នះ១ ស្មើ១ និងចាញ់៣ ខណៈភ្នំពេញក្រោនមិនចាញ់សោះគឺឈ្នះ៤ និងស្មើ១។
ទន្ទឹមជាមួយគ្នានេះ បឹងកេត បើកទ្វារកីឡដ្ឋានរបស់ខ្លួនទទួល វិសាខា ម៉ោង៣:៤៥នាទីរសៀល។ ជាជំនួបគួរឲ្យចាប់អារម្មណ៍ ពីព្រោះ វិសាខា មិនដែលឈ្នះ បឹងកេត ឡើយក្នុងការជួបគ្នា៣លើកក្នុងលីគរដូវកាលនេះ លើកលែងតែពានរង្វាន់សម្តេចតេជោ ហ៊ុន សែន។
ជុំទី១ បឹងកេត បានយកឈ្នះ វិសាខា ដោយលទ្ធផល ២-១ នៅក្រៅដី។ ជុំទី២ បឹងកេត បានឈ្នះ វិសាខា ៣-២ នៅក្នុងផ្ទះរបស់ខ្លួន និងជុំទី៣ ស្មើគ្នា ២-២ នៅទឹកដីរបស់ វិសាខា។
ចាំមើលជួបគ្នាលើកទី៤រសៀលថ្ងៃនេះ វិសាខា អាចយកឈ្នះ ម្ចាស់ផ្ទះបឹងកេត បានទេ។ ប្រសិនបើ វិសាខា ទទួលបានជ័យជម្នះ នោះរឹតតែប្រជែងខ្លាំងនឹង ព្រះខ័នរាជស្វាយរៀង។ ផ្ទុយទៅវិញ ប្រសិន បឹងកេត ឈ្នះ នឹងបន្ថយល្បឿនវិសាខា តាមពីក្រោយ ព្រះខ័នរាជស្វាយរៀង៕
អត្ថបទ៖ វីរបុត្រ
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ