កីឡា
ទទួលដំណឹង Neymar នឹងខកខានលេង ២ ប្រកួតចុងក្រោយ វគ្គចែកពូល World Cup
ខ្សែប្រយុទ្ធឆ្នើមរបស់ប្រេស៊ីល Neymar នឹងខកខានពីការប្រកួតវគ្គចែកពូលបាល់ទាត់ពិភពលោក (FIFA World Cup 2022) ២ប្រកួតដែលនៅសេសសល់ជាមួយនឹងជម្រើសជាតិស្វីស និងជម្រើសជាតិកាមេរូន ដោយសាររបួសកជើង។

ប្រេស៊ីល បានបើកយុទ្ធនាការក្នុងពូល G ក្នុងទម្រង់លេងដ៏ល្អកាលពីល្ងាចថ្ងៃព្រហស្បតិ៍ ជាមួយនឹងជ័យជម្នះ ២- លើស៊ែប៊ី។
ក្រៅពីលទ្ធផលនេះ មានទិដ្ឋភាពគួរឱ្យព្រួយបារម្ភមួយបានកើតឡើង ខណៈដែល Neymar ត្រូវបានប្ដូរចេញនៅនាទី៨០ បន្ទាប់ពីការប៉ះទង្គិចយ៉ាងធ្ងន់ធ្ងរជាមួយកីឡាករ Nikola Milenkovic។ កីឡាកររបស់ក្លិប Paris Saint-Germain ពេលនោះត្រូវបានគេថតជាប់ជាមួយដំណក់ទឹកភ្នែកនៅលើកៅអីបម្រុង ខណៈដែលរូបភាពហើមកជើងរបស់គេចាប់ផ្ដើមផ្សព្វផ្សាយលើបណ្ដាញសង្គមក្រោយការប្រកួត។
Neymar និងមិត្តរួមក្រុម Danilo ទាំង ២ នាក់បានរងរបួសកជើងអំឡុងពេលការប្រកួតពាក់កណ្តាលវគ្គទី២ ជាមួយនឹងក្រុមអឺរ៉ុប។ ជាមួយនឹងការបង្ខំឱ្យ Neymar ដកខ្លួនជាមួយនឹងការប្រកួតនៅសល់ ១០នាទីទៀតដែលកើតឡើងដោយសារបញ្ហាប្រឈមដ៏ធ្ងន់ធ្ងរ ខណៈដែលខ្សែការពារ Danilo របស់ Juventus បានបញ្ចប់ការប្រកួតបើទោះបីជាមានរបួសក៏ដោយ។

កីឡាករទាំង ២នាក់នេះនឹងអង្គុយលេង ២ប្រកួតបន្ទាប់ សម្រាប់ក្រុមយក្សនៅអាមេរិកខាងត្បូង ខណៈដែលពួកគេព្យាយាមព្យាបាល ដើម្បីឲ្យឱ្យជាទាន់សម្រាប់ការប្រកួតវគ្គចាចញ់ធ្លាក់ (Knockout) ដែលរាប់ចាប់ពីវគ្គ ១៦ក្រុមចុងក្រោយទៅ។
ប្រេស៊ីល នឹងត្រូវជួបជាមួយស្វីស នៅក្នុងការប្រកួតវគ្គចែកពូលបន្ទាប់របស់ពួកគេនៅថ្ងៃចន្ទ មុនពេលបញ្ចប់យុទ្ធនាការរបស់ពួកគេជាមួយនឹងក្រុមកាមេរូន នៅថ្ងៃសុក្រ។ ទោះបីជាអវត្តមាន ២លើកក៏ដោយ ក៏ប្រេស៊ីលនៅតែជាក្រុមដ៏រឹងមាំ ដើម្បីឈានទៅវគ្គបន្តក្នុងនាមជាក្រុមឈ្នះ និងជាពិសេសបន្ទាប់ពីជ័យជម្នះនៅថ្ងៃបើកឆាករបស់ពួកគេ។
ទោះជាយ៉ាងណាក៏ដោយ ដំណឹងនេះនឹងក្លាយជាក្តីបារម្ភសម្រាប់អ្នកគាំទ្រប្រេស៊ីល ហើយនឹងនាំមកនូវការចងចាំនៃការប្រកួតបាល់ទាត់ពិភពលោក ឆ្នាំ២០១៤ នៅពេលដែលតារាឆ្នើម Neymar បានរងរបួសក្នុងជ័យជម្នះក្នុងវគ្គ ១/៤ផ្តាច់ព្រ័ត្រ (៨ក្រុមចុងក្រោយ) របស់ពួកគេលើក្រុមកូឡុំប៊ី ដែលធ្វើអោយគេអវត្តមានសម្រាប់ការប្រកួតដែលនៅសល់ រួមទាំងការបរាជ័យ ៧-១ ដ៏អាម៉ាស់ក្រោមថ្វីជើងអាឡឺម៉ង់ ក្នុងវគ្គ ៤ក្រុមចុងក្រោយ៕
ប្រភព៖ mirror.co.uk
អត្ថបទ៖ មន្នីរ័ត្ន

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?