កីឡា
អាជ្ញាកណ្ដាលបាល់ទាត់ទាំង៩រូបរបស់កម្ពុជា ដែលមានឈ្មោះក្នុងបញ្ជី FIFA ប្រចាំឆ្នាំ២០២១
យ៉ាងហោចណាស់មានអាជ្ញាកណ្ដាលលើផ្នែកកីឡាក្នុងស្រុករបស់សហព័ន្ធកីឡាបាល់ទាត់កម្ពុជា (ស.ប.ក) ចំនួន៩រូបជាប់ឈ្មោះជាអាជ្ញាកណ្ដាលអន្តរជាតិ ដែលទទួលស្គាល់ដោយសហព័ន្ធកីឡាបាល់ទាត់អន្តរជាតិ (FIFA) សម្រាប់ដឹកនាំការប្រកួត នៅក្នុងឆ្នាំ២០២១ នេះទាំងក្នុងនិងក្រៅប្រទេស ប្រចាំទ្វីបអាស៊ី សម្រាប់ការប្រកួតពានរង្វាន់អន្តរជាតិនានា។
យោងតាមវិបសាយរបស់ FIFA អាជ្ញាកណ្ដាលទាំង៩រូបមាន៣រូបជាអាជ្ញាកណ្ដាលលើទីលាន ៥ រូបជាអាជ្ញាកណ្ដាលខ្សែបន្ទាត់ ឬ ជំនួយការអាជ្ញាកណ្ដាលនិង១រូបជាអាជ្ញាកណ្ដាលកីឡាបាល់ទាត់ក្នុងសាល។ ចំពោះអាជ្ញាកណ្ដាលលើទីលានទាំង៣រូបមាន លោក ជី សាមឌី (ជាប់លើកដំបូងតាំងពីឆ្នាំ២០០៧) លោក ឃួន វីរៈ (ជាប់លើកដំបូងពីឆ្នាំ២០១០) និងលោក លឹម ប៊ុនធឿន (ជាប់លើកដំបូងពីឆ្នាំ២០១៤)។ ចំណែកក្រុមជំនួយការអាជ្ញាកណ្ដាលមានលោក ចេង ចាន់តារា (ជាប់ដំបូងពីឆ្នាំ២០១៣), គឹម ស៊ីពិសាល (ជាប់ដំបូងពីឆ្នាំ២០១០), សៀន សុភ័ក្រ (ជាប់ដំបូងពីនៅឆ្នាំ២០២០) ស៊ុន ចាន់ភារិទ្ធិ (ជាប់ដំបូងពីឆ្នាំ២០០៧)និងលោក ស៊ុន ដារ៉ាវុធ(ជាប់ដំបូងពីឆ្នាំ២០១៨)។ ចំណែកអាជ្ញាកណ្ដាលសម្រាប់កីឡាបាល់ទាត់ក្នុងសាល គឺលោក សន វិហ្សែល។
ជាទូទៅអាជ្ញាកណ្ដាលកម្រិតអន្តរជាតិ ដែលទទួលស្គាល់ដោយ FIFA នឹងមានឱកាសចេញទៅដឹកនាំការប្រកួតនៅក្រៅប្រទេស ក្នុងដែនសមត្ថកិច្ចរបស់សហព័ន្ធកីឡាបាល់ទាត់ទ្វីបអាស៊ី (AFC) ដោយទទួលបានកម្រៃខ្ពស់ ផងដែរ។ ប៉ុន្តែកាលពីឆ្នាំ២០២០ កន្លងទៅដោយសារស្ថានភាពជំងឺកូវីដ១៩ មានការរីករាលដាល ទើបមិនមានសកម្មភាពប្រកួតបាល់ទាត់នៅអន្តរជាតិ ហើយអាជ្ញាកណ្តាលអន្តរជាតិរបស់កម្ពុជា ក៏មិនបានចេញទៅដឹកនាំប្រកួតនៅក្រៅប្រទេសដែរ។
ចំពោះការដឹកនាំប្រកួតក្នុងស្រុកអាជ្ញាកណ្ដាលកម្រិតអន្តរជាតិនេះ មានឱកាសខ្ពស់ ដឹកនាំក្នុងពានរង្វាន់សំខាន់ៗ ពានរង្វាន់លីគកំពូលកម្ពុជា (Metfone Cambodian League) ពានរង្វាន់សម្តេចតេជោ ហ៊ុន សែន (Hun Sen Cup) និងពានរង្វាន់លីគលំដាប់ទី២ជាដើម។ សហព័ន្ធកីឡាបាល់ទាត់កម្ពុជា ក៏ត្រៀមបើវគ្គសិក្សាសម្រាប់អាជ្ញាកណ្ដាលបន្ថែមទៀត នៅឆ្នាំ២០២១នេះ ដើម្បីពង្រឹងធនធានក្នុងស្រុកថែមទៀងបូកទាំងអាជ្ញាកណ្ដាលលើវាលស្មៅ និងអាជ្ញាកណ្ដាលសម្រាប់ហ្វូតសាល៕
អត្ថបទ៖ ម៉េង ហួរ
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ