កីឡា
លោក Troussier ទទួលបានប្រាក់ខែ៦ម៉ឺនដុល្លារដឹកនាំវៀតណាម និង U23 មកស៊ីហ្គេមកម្ពុជា
សហព័ន្ធកីឡាបាល់ទាត់វៀតណាម (VFF) បានឈានដល់កិច្ចព្រមព្រៀងជាមួយបុរសជនជាតិបារាំងលោក Philippe Troussier ដើម្បីដឹកនាំក្រុមបាល់ទាត់ជម្រើសជាតិវៀតណាម និង U23 រហូតដល់ថ្ងៃទី៣១ ខែកក្កដា ឆ្នាំ២០២៦។
តាមការគ្រោងទុក បុរសញ្ជាតិបារាំងនឹងធ្វើដំណើរមកប្រទេសវៀតណាមនាថ្ងៃទី២៦ ខែកុម្ភៈខាងមុខនេះដើម្បីចុះកុងត្រាជាផ្លូវការ។ ការតែងតាំងគ្រូបង្គោលថ្មីនេះធ្វើឡើងមួយខែមុនពេលក្រុមជម្រើសជាតិវៀតណាមត្រូវកោះហៅចូលជំរំហ្វឹកហាត់ និងប្រកួតមិត្តភាពក្នុងថ្ងៃ FIFA Day នាខែមីនាខាងមុខ។
ឆ្នាំនេះ លោក Troussier មានកាតព្វកិច្ចដឹកនាំក្រុមវៀតណាមទាំងឈុតធំ និង U23 ក្នុងនោះដាក់គោលដៅរក្សាតំណែងមេដាយមាសស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជានាខែឧសភា និងចូលរួមប្រកួត Asian Cup។ លោកក៏មានមហិច្ឆតាដឹកនាំវៀតណាមឆ្ពោះ FIFA World Cup ឆ្នាំ២០២៦ ដែលមានកៅអីដល់៤៨ ស្របពេលតំបន់អាស៊ីទទួលបានជាង៨កៅអីឡើងទៅប្រកួតជុំផ្តាច់ព្រ័ត្រ។
យោងតាមប្រព័ន្ធផ្សព្វផ្សាយក្នុងស្រុកវៀតណាមបានឲ្យដឹង លោក Troussier នឹងទទួលបានប្រាក់ខែ៦ម៉ឺនដុល្លារអាមេរិក ក្នុងមួយៗខែ ដែលខ្ពស់ជាងតិចតួចលើអតីតគ្រូបង្វឹកសញ្ជាតិកូរ៉េខាងត្បូង Park Hang-seo។
បុរសវ័យ៦៨ឆ្នាំមានបទពិសោធច្រើននៅតំបន់អាហ្វ្រិកក្នុងនោះធ្លាប់ដឹកនាំជម្រើសជាតិ កូតឌីវ័រ នីហ្សេរីយ៉ា អាហ្វ្រិកខាងត្បូង និងប៊ូគីណាហ្វាសូ។ លោកធ្លាប់ដឹកនាំអាហ្វ្រិកខាងត្បូងប្រកួតក្នុងព្រឹត្តិការណ៍ជើងឯកពិភពលោក FIFA World Cup ជុំផ្តាច់ព្រ័ត្រ ឆ្នាំ១៩៩៨។ លោកធ្លាប់ជាគ្រូបង្គោលជប៉ុនពីឆ្នាំ១៩៩៨ដល់២០០០ និងជួយឲ្យជប៉ុនឈ្នះជើងឯក AFC Asian Cup ឆ្នាំ២០០០៕
ប្រែសម្រួល៖ វីរបុត្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល