Connect with us

កីឡា

ចាញ់ Liverpool ៧-០ យប់មិញ Man Utd ជួបកំណត់ត្រាអាក្រក់បំផុតជាលើកដំបូង ក្នុងរយៈពេល ៩២ ឆ្នាំ

បានផុស

នៅ

លោក Erik ten Hag បាន​ចោទប្រកាន់​ក្រុម​របស់​ខ្លួន Manchester United ពី​ការ​គ្មាន​ភាព​អាជីព បន្ទាប់ពី​ពួកគេ​បាន​ស៊ូទ្រាំ​នឹង​ការ​បរាជ័យ​ដ៏​អាម៉ាស់ និង​ជា​ប្រវត្តិសាស្ត្រ​ក្នុង​លទ្ធផល ៧-០ នៅ​លើ​ក្រុម​គូប្រជែង Liverpool របស់​ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកចាត់ការ​ទូទៅ​របស់ United មាន​ការ​ខកចិត្ត​យ៉ាង​ខ្លាំង បន្ទាប់ពី​ការ​ប្រកួត​ក្នុង​តង់​ទី ២ ដ៏​អាម៉ាស់​ពី​ក្រុម​របស់​ខ្លួន ដែល​ក្រុម Liverpool បង្ក​ចលាចល​ដោយ​ស៊ុត​បញ្ចូល​ទី​បាន ៦ គ្រាប់ ដើម្បី​បន្ថែម​ការ​ស៊ុត​បាល់​បញ្ចូល​ទី​ដ៏​ល្អ​របស់ Cody Gakpo មុន​វគ្គ​ទី ១ និង​បង្កើន​ក្ដី​សង្ឃឹម​ដណ្ដើម​កៅអី Champions League របស់​ពួកគេ។ លោក Ten Hag ដែល​រង​ភាព​អាម៉ាស់ ក៏​មិន​សំចៃ​មាត់​ក្នុង​ការ​ស្ដីបន្ទោស​ទៅ​កាន់​កូន​ក្រុម​ផង​ដែរ។

អ្នក​ចាត់ការ​ទូទៅ​របស់ United បាន​និយាយ​ថា «​វា​ច្បាស់​ណាស់ វា​គ្មាន​ភាព​អាជីព​ឡើយ។ តង់​ទី ១ ខ្ញុំ​គិត​ថា​យើង​ជា​ក្រុម​ដែល​ល្អ​ជាង យើង​បាន​បង្កើត​ឱកាស​ល្អ​ជាង ហើយ​មាន​ឱកាស ១ ទល់ ១ ជាមួយ​អ្នកចាំទី ២ ដង។ មុន​ពេល​តង់​ទី ១ យើង​បាន​ធ្វើ​ឲ្យ​មាន​កំហុស​ក្នុង​ការ​រៀបចំ​មួយ ហើយ​បាន​របូត​មួយ​គ្រាប់។ យើង​នៅ​ក្នុង​ហ្គេម វា​ពិតជា​ធ្វើ​ឲ្យ​ខ្ញុំ​ភ្ញាក់ផ្អើល បន្ទាប់ពី​ចប់​តង់​ទី​មួយ យើង​បាន​ផ្ដល់​ការ​ប្រកួត​ទៅ​ឲ្យ​គេ​យ៉ាង​ឆាប់រហ័ស​»។

«គ្រាប់​បាល់ ២ គ្រាប់​ដំបូង គឺជា​ការ​ផ្លាស់ប្ដូរ​តំបន់​ការពារ គ្រាប់​ទី ១ គឺ​ការ​ស៊ុត​បាល់​បញ្ចូល​ទី​ត្រលប់​មក​វិញ និង​គ្រាប់​ទី ២ គឺ​ការ​ស៊ុត​បាល់​បញ្ចូល​ទី​ដោយ​ការ​វាយបក ការ​សម្រេច​ចិត្ត​មិនល្អ និង​ការ​សម្រេច​ចិត្ត​មិន​ច្បាស់​លើ​បាល់។ របៀប​ដែល​យើង​របូត​គ្រាប់​បាល់​គឺ​ពិតជា​រំខាន។ ទី ៣ គឺជា​ការ​វាយ​បក​មួយ​ជាមួយ​នឹង​ការ​សម្រេចចិត្ត​ដែល​គ្មាន​ភាព​អាជីព​សោះ – មិន​ដើរ​តាម ហើយ​បន្ទាប់មក​រត់​ចូល ឆ្ពោះ​ទៅ​មុខ ផ្ដល់​កន្លែង​ទំនេរ​នៅ​កណ្ដាល មិន​តាម​ត្រឡប់មកវិញ​»។ លោក Ten Hag បាន​បន្ថែម។

លោក​បន្ត​ទៀត​ថា «ដូច្នេះ​វា ៣-០ ហើយ​ការ​ប្រកួត​ត្រូវ​ចាញ់ ប៉ុន្តែ​ក្នុង​នាម​ជា​ក្រុម អ្នក​ត្រូវតែ​នៅ​ជាមួយគ្នា។ នោះ​ជា​អ្វី​ដែល​យើង​មិនបាន​ធ្វើ។ វា​ជា​ការ​ភ្ញាក់ផ្អើល​សម្រាប់​ខ្ញុំ ខ្ញុំ​មិន​បាន​ឃើញ​រឿង​នេះ​ពី​ក្រុម​របស់ខ្ញុំ​ទេ។ ខ្ញុំ​មិន​គិត​ថា​វា​ជា​ពួក​យើង​ទេ។ ខ្ញុំ​មិន​គិត​ថា​ជា Manchester United ទេ។ វា​ពិត​ជា​អាក្រក់​ខ្លាំង​ណាស់​»។

លោក Ten Hag បាន​សារភាព​ថា លោក​បាន​ផ្ដល់​ការ​វាយតម្លៃ​ដ៏​អាក្រក់​ស្រដៀង​គ្នា​នេះ​ដល់​កីឡាករ​របស់​ខ្លួន​នៅ​ក្នុង​បន្ទប់​ផ្លាស់​ស្លៀកពាក់។

លោក Jurgen Klopp បាន​ពណ៌នា​ការ​ឈ្នះ​កំណត់ត្រា​របស់ Liverpool នៅ​ក្នុង​ការ​ប្រកួត​ថា​ជា​«លទ្ធផល​ដ៏​គួរ​ឲ្យ​ភ្ញាក់ផ្អើល ការ​បង្ហាញ​ទម្រង់​លេង​លំដាប់​កំពូល» ហើយ​បាន​សារភាព​ថា​វា​គឺជា​ការ​បង្ហាញ​ទម្រង់​លេង​ដ៏​ល្អ​បំផុត​មួយ​របស់​ក្រុម​របស់​លោក​ក្នុង​រដូវ​កាល​នេះ។ អ្នកចាត់ការ​រូប​នេះ​បាន​និយាយ​ថា «​វិធី​ដែល​យើង​ចាប់ផ្ដើម​ការ​ប្រកួត​គឺ​ពិតជា​ពិសេស។ យើង​មាន​ភាព​ឆេវឆាវ លេង​បាល់ទាត់​បាន​ល្អ សកម្ម​ខ្លាំង ហើយ​ការ​ស៊ុត​បញ្ចូល​ទី​មុន​ពេល​ពាក់កណ្ដាល​តង់​គឺ​គួរ​ឲ្យ​ចាប់​អារម្មណ៍។ ខ្ញុំ​មិន​គិត​ថា​តង់​ទី​ពីរ​អាច​ចាប់ផ្ដើម​បាន​ល្អ​ជាង​នេះ​ទេ គ្រាប់​បាល់​ដ៏​អស្ចារ្យ ហើយ​ចាប់​តាំងពី​ពេល​នោះ​មក កីឡាករ​របស់​យើង​កាន់តែ​សម្ទុះ​»។

វា​គឺជា​ជ័យជម្នះ​ដ៏​ធំ​បំផុត​របស់ Liverpool ទល់នឹង​គូប្រជែង​ដ៏​អស្ចារ្យ​របស់​ពួកគេ ដោយ​បាន​យក​ឈ្នះ ៧-១ កាល​នៅ​លីគ​ទី ២ ក្នុង​ឆ្នាំ ១៨៩៥ ហើយ​វា​ជា​ការ​បរាជ័យ​ដ៏​អាក្រក់​បំផុត​របស់ United ៧-០ ទល់នឹង Blackburn ក្នុង​ឆ្នាំ ១៩៦២, Aston Villa ក្នុង​ឆ្នាំ ១៩៣០ និង Wolves ក្នុង​ឆ្នាំ ១៩៣១ – និង​វា​គឺជា​ការ​បរាជ័យ​យ៉ាង​ធ្ងន់ធ្ងរ​បំផុត​របស់​ក្លិប​ក្នុង​រយៈពេល ៩២ ឆ្នាំ៕

ប្រភព ៖ theguardian.com

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ នាទី មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ១៣ នាទី មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជន​សង្ស័យអាយុ ១៥ ឆ្នាំយកដុំថ្មវាយបែកក្បាល

ព័ត៌មានជាតិ១៤ នាទី មុន

ជាង ៣០ ឆ្នាំ KOICA ផ្តល់ជំនួយជាង ៣៦០ លានដុល្លារដល់កម្ពុជា អភិវឌ្ឍន៍ ៤ វិស័យ

សន្តិសុខសង្គម២១ នាទី មុន

រដ្ឋបាលជលផល​ហាមលែងត្រី​មានប្រភពមកពីក្រៅប្រទេសចូលក្នុងដែនទឹកកម្ពុជា​

សន្តិសុខសង្គម៣៥ នាទី មុន

ដើមឆ្នាំ២០២៤ ករណីគ្រោះថ្នាក់ចរាចរណ៍នៅរាជធានីភ្នំពេញ កើតឡើងជាង៩០លើក បណ្ដាលឲ្យមានមនុស្សស្លាប់៣៣នាក់

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម