កីឡា

អស្ចារ្យណាស់! ស្រួង ភាវី ឈ្នះពានកីឡាការិនីឆ្នើម២០២៣ដល់ទៅ៤គ្រឿង

បានផុស

៣ years មុន

នៅ

ថ្ងៃពុធ ១៥ មីនា ២០២៣

ដោយ

កីឡាការិនីស្នូកឃ័រកម្ពុជា ស្រួង ភាវី បង្ហាញភាពរីករាយ និងមោទនភាពយ៉ាងខ្លាំងនៅពេលនាងទទួលបានរង្វាន់៤គ្រឿងក្នុងការក្លាយជាកីឡាការិនីឆ្នើមប្រចាំឆ្នាំ២០២៣ នៅប្រទេសកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រួង ភាវី បានរៀបរាប់ថា ៖«ថ្ងៃអង្គារ៍ ១៤ខែមីនា ដើមឆ្នាំ២០២៣នេះ គឺជាប្រវត្តិសាស្ត្រថ្មីមួយទៀតសម្រាប់រូបនាងខ្ញុំ។ ថ្ងៃនេះខ្ញុំពិតជារំភើប និងមានមោទកភាពខ្លាំងណាស់ ដោយបានទទួលពានរង្វាន់ PBA សម្រាប់កីឡាការិនីឆ្នើម ឆ្នាំ ២០២៣ ចំនួន៤ពានម្នាក់ឯង ក្នុងចំណោមកីឡាការិនីឆ្នើមទាំងអស់ពួកគាត់ទទួលបានត្រឹមម្នាក់១»។

«ខ្ញុំរំភើបពេកស្ទើរតែរកពាក្យអ្វីនិយាយមិនចេញ តែអ្វីដែលខ្ញុំនឹកឃើញមុនគេ នេះគឺជាកិត្តិយសសម្រាប់ប្រជាជាតិរបស់ខ្ញុំ ព្រោះ ស្រួង ភាវី ម្នាក់នេះមកពីប្រទេសកម្ពុជា គឺជាមាតុភូមិដ៏ល្អផូរផង់របស់ខ្ញុំ»។

កីឡាការិនីដើមកំណើតត្បូងឃ្មុំរូបនេះបន្តថា ៖«តទៅទៀត កូនស្រីកម្ពុជាម្នាក់នេះ នឹងខិតខំប្រឹងប្រែងធ្វើអ្វីៗឱ្យអស្ចារ្យ និងនាំយកនូវកិត្តិយសដ៏បវរសម្រាប់ជាតិមាតុភូមិ ពុកម៉ែបងប្អូនយើងដែលតែងតែគាំទ្រ និងលើកទឹកចិត្តដល់រូបនាងខ្ញុំកន្លងមក។ សូមគោរពជូនពរជនរួមជាតិទាំងអស់គ្នា សូមអរគុណ»។