Connect with us

កីឡា

ស្ថាបនិក​​គុន​​ខ្មែរ​​រុស្ស៊ី​​​ប្រាប់​​​មូល​ហេតុ​​ដែល​ Gabov​​ គួរ​​ស្មើ​ ព្រំ សំណាង​

បានផុស

នៅ

កីឡាករ​ប្រដាល់​គុន​ខ្មែរ ព្រំ សំណាង ​បាន​ឈ្នះ​ពិន្ទុ​លើ​​កីឡាករ​រុស្ស៊ី Vladimir Gabov​ សម្រាប់​ការ​ប្រកួត​៣​ទឹក​កាល​ពី​ថ្ងៃ​ទី​២៥ ខែ​មីនា កន្លង​ទៅ​នេះ ប៉ុន្តែ​អ្នក​មើល​មួយ​ចំនួន​យល់​ឃើញ​ថា លទ្ធផល​គួរ​តែ​ស្មើ​គ្នា។

ក្នុង​​នោះ លោក Oleg Kudrinsky ស្ថាបនិក​សហព័ន្ធ​កីឡា​ប្រដាល់​គុន​ខ្មែរ​ប្រចាំ​ប្រទេស​រុស្ស៊ី​ បាន​យល់​ឃើញ​ថា លទ្ធផល​គួរ​តែ​ស្មើ​គ្នា បន្ទាប់​ពី​កីឡាករ​រុស្ស៊ី Gabov​ ធ្វើ​បាន​ល្អ​ពីរ​ទឹក​ដំបូង ប៉ុន្តែ​​ ព្រំ សំណាង បាន​គ្រប់​ដណ្តប់​​នៅ​ទឹក​ទី​៣​ដែល​ធ្វើ​ឲ្យ​អាជ្ញា​កណ្តាល​រាប់​កីឡាករ​រុស្ស៊ី​ម្តង។ យ៉ាង​ណា ការ​រាប់​នោះ​ត្រូវ​បាន​​លោក​​មើល​ឃើញ​ថា ​​កីឡាករ​រុស្ស៊ី​ក្រោក​យឹត បន្ទាប់​ពី​ដួល ខណៈ​កម្លាំងស៊ុហ្វ​របស់​គេ​ចុះ​ខ្សោយ ប៉ុន្តែមិន​មែន​ជា​ការ​ដួល​ដោយសារ​ត្រូវ​​អាវុធរបស់ ព្រំ សំណាង ​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ខ្ញុំ​គិត​ថា វា​គួរ​តែ​ផ្តល់​លទ្ធផល​ឲ្យ​ស្មើ​ចំពោះ​ការ​ប្រកួត​នេះ។ ​អាជ្ញា​កណ្តាល​ក៏​មិន​គួរ​រាប់​ដែរ»។ លោក​បាន​និយាយលើ​គណនី​ Facebook របស់​លោក និង​យល់​ស្រប​នៅ​មាន​អ្នក​បញ្ចេញ​មតិខាង​ក្រោម​សំណេរ​របស់​លោក​​ថា ៖«ទឹក​ទី១ និង​ទី​២ កីឡាករ​រុស្ស៊ី ឈ្នះ​ពិន្ទុ​ហើយ ប៉ុន្តែទឹក​ទី​៣ កីឡាករ​ខ្មែរ​ឈ្នះ​ពិន្ទុ​វិញ ពី​ព្រោះ​រាប់​៨។ ​តាម​ពិត​ ខ្ញុំ​មិន​ពេញ​ចិត្ត​លទ្ធផល​នេះ​ទេ។ ពួក​គេ​គួរ​ប្រកួត​គ្នា​ម្តង​ទៀត​ឲ្យ​​ដឹង​ច្បាស់​​​ពី​អ្នក​ឈ្នះ ចាញ់ ពី​ព្រោះ​ ព្រំ សំណាង បាន​និយាយ​មុន​ការ​ប្រកួត​ថា រូប​គេ​​មាន​សុខភាព​មិន​ល្អ​​ ហើយ​រវល់​គ្មាន​ពេល​ហ្វឹក​ហាត់។ ខ្ញុំ​គិត​ថា ព្រំ សំណាង ក៏​មិន​សប្បាយ​ចិត្ត​ដែរ​នៅ​ពេល​ដឹង​ថា ខ្លួន​ឈ្នះ​ដោយ​លទ្ធផល​បែប​នេះ។ គាត់​ប្រហែល​ជា​គិត​ខ្លួន​ឯង​ថា ស្មើ​ ឬ​ក៏​ចាញ់​ក៏​ថា​​បាន»។

ការ​ពិត​លើ​សង្វៀន​បង្ហាញ​ឲ្យ​អ្នក​គាំទ្រ​ឃើញ​ច្បាស់​ថា Vladimir Gabov​ ធ្វើ​បាន​ល្អ​សម្រាប់​ពីរ​ទឹក​២​ដំបូង​ដោយ​បាន​វាយ​កណ្តាប់​ដៃ​​ចំ​គោល​ដៅ​បាន​ច្រើន​លើ​ ព្រំ សំណាង ​ដែល​មិន​បាន​ចេញ​អាវុធ​​អ្វី​​ចំ​គោល​ដៅ​ច្រើន​ទៅ​លើ​កីឡាករ​រុស្ស៊ី​ឡើយ។ យ៉ាង​ណា នៅ​ទឹក​ទី​៣ កីឡាករ​រុស្ស៊ី​ចុះ​ខ្សោយ​កម្លាំង ដែល​ជា​ហេតុ​ធ្វើ​ឲ្យ​អ្នក​លេង​គុន​ខ្មែរ​វាយ​សង្ក្រប់​​តាម​រយៈ​ជង្គង់ និង​កែង ហើយ​ក៏​បាន​កាច​ឲ្យ​ដួល។ មែន​ទែន​ទៅ​ ព្រំ សំណាង ដូច​គ្មាន​​​អាវុធ​អ្វី​ដែល​មើល​ទៅ​គ្រោះ​ថ្នាក់​ឡើយ ពោល​គឺបច្ចេកទេស​មិន​ច្បាស់លាស់ ប៉ុន្តែ​រូប​គេ​កម្លាំង​ស៊ុហ្វ និង​ស៊ូ​ធន់​ល្អ។

សូម​បញ្ជាក់​ថា លោក Oleg Kudrinsky មាន​បទ​ពិសោធ​ជា​ច្រើន​ក្នុង​អាជីព​ប្រដាល់​​​ដែល​បាន​ចូល​ហ្វឹក​ហាត់ និង​ប្រឡូក​តាំង​ពី​អាយុ​ប្រហែល​១៥​ឆ្នាំ។ ក្រៅ​ពី​​ជា​ស្ថាបនិក និង​នាយក​សហព័ន្ធ​កីឡា​ប្រដាល់​គុន​ខ្មែរ​ដែល​លោក​បាន​បង្កើត​ឡើង​តាំង​ពី​ឆ្នាំ​២០១៨ លោក​ក៏​ជា​នាយក​សង្វៀន​ប្រដាល់​អន្តរជាតិ International Fighting Organization ​ដែល​ហៅ​កាត់”ONE X ONE”​ត្រូវ​បាន​បង្កើត​ឡើង​តាំង​ពី​ឆ្នាំ​២០០៤។​ ជា​មួយ​គ្នា​នេះ លោក​ក៏​ជា​ទី​ប្រឹក្សា​កិត្តិយស​ និង​ជា​ស្ថាបនិក​​ម្នាក់​ដែល​រួម​គ្នា​បង្កើត​សហព័ន្ធកីឡា​ប្រដាល់​មួយ​ថៃ​នៅ​ប្រទេស​រុស្ស៊ី​តាំង​ពី​ឆ្នាំ​១៩៩២៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម