កីឡា

ក្រោយឈ្នះដៃគូនៅឯប្រទេសអូស្ត្រាលី បឺត សង្ឃឹម រងរបួសជង្គង់ត្រូវឃ្លាតពីគុនខ្មែរមួយរយៈពេល

បានផុស

៣ នាទី មុន

នៅ

ថ្ងៃពុធ ២២ កក្កដា ២០២៦

ដោយ

អ្នកលេងគុនខ្មែរ បឺត សង្ឃឺម បានបញ្ជាក់ថារូបគេនៅពេលនេះមានរបួសជង្គង់ហើយបន្ទាប់ពីចូលរួមការប្រកួតនៅឯប្រទេសអូស្ត្រាលី និងដណ្ដើមបានជ័យជម្នះជូនកម្ពុជារួចមកកាលពីថ្ងៃទី១៧ ខែកក្កដា ឆ្នាំ២០២៦ កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បឺត សង្ឃឺម ពេលពិនិត្យជើងហើយ

នេះបើតាមការបង្ហោះនៅលើហ្វេសបុកផេករបស់កីឡាករ បឺត សង្ឃឺម ថារូបគេបន្ទាប់ពីវិលត្រឡប់មកពីអូស្ត្រាលីវិញគឺមានរបួសជង្គង់ហើយ និងត្រូវសម្រាកមួយរយៈពេលសិនដើម្បីព្យាបាលឡើងវិញ។ ក្នុងការប្រកួតនៅឯទឹកដីអូស្ត្រាលីនោះបើទោះជា បឺត សង្ឃឺម ប្រកួតឈ្នះមែន ប៉ុន្តែមិនស្រួលប៉ុន្មានឡើយ និងតស៊ូគ្នារហូត ៣ទឹកពេញ។

ការឈ្នះខ្សែក្រវាត់នៅទឹកដីអូស្ត្រាលីលើកនេះក៏ជាការចង់ចាំមួយសម្រាប់រូបគេ និងបានធ្វើឲ្យខ្លួនត្រូវសម្រាកមួយរយៈពេលចាប់ពីពេលនេះតទៅដើម្បីព្យាបាល។ ជាមួយគ្នានេះដែរអ្នកគាំទ្ររបស់ បឺត សង្ឃឹម ក៏បានខូមេនលើកទឹកចិត្តដល់រូបគេឲ្យខំប្រឹងព្យាបាល និងឆាប់បានចូលប្រកួតគុនខ្មែរវិញ។

សង្ឃឹម ពេលប្រកួតនៅអូស្ត្រាលី

បញ្ជាក់ដែរថា កាលពីថ្ងៃទី១៧ ខែកក្កដា ឆ្នាំ២០២៦ បឺត សង្ឃឹម បានប្រកួតឈ្នះពិន្ទុកីឡាករ SULAIMAN HASHEMI ទទួលបានខ្សែក្រវាត់ ១គ្រឿងនៅឯប្រទេសអូស្ត្រាលី។ រំលឹកទៅការប្រកួតនោះដែរគឺក្រុមគុនខ្មែររួមមាន ពេជ្រ សម្បត្តិ ពេជ្រ អាទិទេព បឺត សង្ឃឹម បានឈ្នះដៃគូ និង ទូច ចាន់វត្តី គឹម វាសនា ចាញ់ ចំណែក ឡុង សំណាង មិនបានប្រកួតនោះឡើយដោយសារដៃគូធ្វើទម្ងន់មិនបាន៕

អត្ថបទដោយ៖ នួន ស៊ីណា