កីឡា

កីឡាការិនីវ័យ ១៤ឆ្នាំ បឿន ស្រីឡែន ហាត់ប្រដាល់ដំបូងលាក់មិនឲ្យឪពុកដឹងនោះទេ

បានផុស

១ ម៉ោង មុន

នៅ

ថ្ងៃអង្គារ ២១ កក្កដា ២០២៦

ដោយ

ម្ចាស់មេដាយមាសជើងឯករាជធានីភ្នំពេញ បឿន ស្រីឡែន ថាអំឡុងចាប់អាជីពប្រដាល់ដំបូងនៅឆ្នាំ២០២៥ កន្លងទៅនេះគឺរូបគេមិនឲ្យឪពុក-ម្ដាយដឹងនោះទេរហូតពេលបានឡើងប្រកួតរួចទើបហ៊ានប្រាប់ថាស្រឡាញ់ខ្លាំង និងកំពុងហាត់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ បឿន ស្រីឡែន

កីឡាការិនី បឿន ស្រីឡែន ថារូបគេចូលហ្វឹកហាត់ប្រដាល់អំឡុងឆ្នាំ២០២៥ ជាមួយលោក ឡុង វិបុល នៅឯខណ្ឌពោធិ៍សែនជ័យ រាជធានីភ្នំពេញ។ អំឡុងពេលចូលហាត់ប្រដាល់ដំបូងៗនោះគឺរូបគេមិនបានប្រាក់ឪពុក-ម្ដាយនោះទេដោយសារតែមិនសូវមានការគាំទ្រពីគ្រួសារ។

យ៉ាងណាដោយសារតែចិត្តស្រឡាញ់ខ្លាំង និងចង់មានអនាគតដូចកីឡាការិនីរៀមច្បងផ្សេងៗក្នុងគុនខ្មែរនេះរូបគេក៏ឆ្លៀតចូលហ្វឹកហាត់រហូតបានឡើងប្រកួតទើបបានហ៊ានជម្រាបដំណឹងទៅឪពុក។ បន្ទាប់មកដោយឃើញរូបគេស្រឡាញ់ទៅហើយ និងបានប្រកួតទៀតនោះទើបឪពុករបស់ខ្លួនបានយល់ព្រមឲ្យបន្តហ្វឹកហាត់ដល់សព្វថ្ងៃនេះ។ មួយវិញទៀតឪពុករបស់ខ្លួនបានផ្ដល់ដំបូន្មានឲ្យខំប្រឹងប្រែងទាំងការហ្វឹកហាត់ និងឡើងប្រកួត។

កីឡាករ បឿន ស្រីឡែន

បញ្ជាក់ដែរថា បឿន ស្រីឡែន ចូលហ្វឹកហាត់ប្រដាល់គុនខ្មែរបានរយៈពេលជាង ១ឆ្នាំមកហើយ។ រូបគេជាកូនសិស្សលោក ឡុង វិបុល នៃក្លឹបវិបុលដារិទ្ធពោធិ៍សែនជ័យ។ កាលពីម្សិលមិញនេះផងដែរ ស្រីឡែន បានឈ្នះមេដាយមាស ១គ្រឿងលើវិញ្ញាសាប្រដាល់គុនខ្មែរក្នុងកម្មវិធីប្រកួតកីឡាជ្រើសជើងឯករាជធានីភ្នំពេញប្រចាំឆ្នាំ២០២៦៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ