គ្រូU22ថៃចង់ឈ្នះគ្រប់ការប្រកួតក្នុងស៊ីហ្គេម​នៅ​កម្ពុជា​

លោក Issara Sritaro គ្រូបង្វឹកក្រុមបាល់ទាត់​ជម្រើស​ជាតិ​ថៃ​អាយុ​ក្រោម​២២​ឆ្នាំ​​ (U22) ចង់​ឲ្យ​កូន​ក្រុម​របស់​ខ្លួន​ទទួល​បាន​ជ័យជម្នះ​ទាំង​អស់​ក្នុង​ព្រឹត្តិការណ៍​កីឡា​ស៊ីហ្គេម លើក​ទី​៣២ ឆ្នាំ​២០២៣ បន្ទាប់​ពី​បាល់ទាត់​ផ្នែក​បុរស​ត្រូវ​បាន​ចាប់​ឆ្នោត ហើយ​ថៃ​ស្ថិត​នៅ​ពូលជា​មួយក្រុម​ខ្លាំង​​ វៀតណាម និងម៉ាឡេស៊ី។ 

ក្រុម U-22 ថៃ ស្ថិនៅពូល B ជាមួយ វៀតណាម ម៉ាឡេស៊ី សិង្ហបុរី និង ឡាវ។ សម្រាប់​ការ​ជួប​ដៃ​គូ​ក្នុង​ពូល​បែប​នេះ លោក Issara Sritaro បាននិយាយថា ចង់ឈ្នះគ្រប់ការប្រកួត និងចាត់ទុកថា ​ការ​ជួប​ក្រុមខ្លាំង​ទាំង​២​ក្នុង​ពូល​ជា​រឿងល្អសម្រាប់ការអភិវឌ្ឍក្រុម។ 

លោកបាននិយាយដូច្នេះថា ៖«លទ្ធផល​ចាប់​ឆ្នោតអាចទទួលយកបាន ព្រោះយើងបានជួបសិង្ហបុរី ហើយយើងមានពេលរៀបចំជួបម៉ាឡេស៊ី និងជួបឡាវ ដូច្នេះយើងអាចមានគម្រោងជាមុន។ យើងចង់ឈ្នះរាល់ការប្រកួត។ ការប្រកួតជាមួយនឹងវៀតណាម ជាការប្រកួតដ៏លំបាក។ យើងថែមទាំងអាចដាក់១១នាក់ដំបូងបានល្អបំផុត​គ្រប់ការប្រកួត ព្រោះមានពេលសម្រាកគ្រប់គ្រាន់»។

«យើងនឹងព្យាយាមប្រមូលព័ត៌មានអំពីដៃគូប្រកួតប្រជែងរបស់យើង។ ឥឡូវនេះមានព័ត៌មាន។ យើងមានព័ត៌មានទាំងអស់ ហើយយើងត្រូវរៀបចំផែនការ និងពិភាក្សាជាមួយក្រុម»។ គ្រូបង្វឹកដដែលរូបនេះបានបន្ថែម។

ការដែលចង់ឈ្នះគ្រប់ការប្រកួតបែបនេះ ក៏បានសេចក្ដីថា U-22 ថៃ មានមហិច្ឆតា ដើម្បីឡើងប្រកួតវគ្គពាក់កណ្ដាលផ្ដាច់ព្រ័ត្រ ឬក៏វគ្គផ្ដាច់ព្រ័ត្រ៕

អត្ថបទ៖ មន្នីរ័ត្ន
ប្រភព៖ siamsport.co.th