កីឡា

ស្អែកនេះ ទ្រីយ៉ាត្លុងចាប់ផ្ដើមការប្រកួតហើយ នៅខេត្តកែប

បានផុស

៣ years មុន

នៅ

ថ្ងៃពុធ ២០ មករា ២០២១

ដោយ

ការប្រកួតកីឡាទ្រីយ៉ាត្លុងជើងឯកជាតិប្រចាំឆ្នាំ២០២០ ដែលនឹងធ្វើនៅខេត្តកែបនោះ បានចាប់ផ្ដើមប្រកួតចាប់ពីថ្ងៃទី២០មករាតទៅ ដែលការប្រកួតនេះ មានចំនួន៣វិញ្ញាសា គឺទ្រីយ៉ាត្លុង(Triathlon) ឌូអាត្លុង (Duathlon) និង អាគ័រត្លុង(Aquathlon) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី សូ រ៉ាន់ដេត ដែលជាប្រធានគណៈកម្មការបច្ចេកទេស បានប្រាប់ឲ្យដឹងថា សម្រាប់ថ្ងៃដំបូង គឺសហព័ន្ធផ្ដល់ឱកាសដល់កីឡាករ កីឡាការិនី បានហ្វឹកហាត់សិន ហើយនៅថ្ងៃបន្ទាប់ការប្រកួតនឹងចាប់ផ្ដើម ។

លោក ងិន សុខបញ្ញា ដែលជាអគ្គលេខាធិការរបស់សហព័ន្ធបានឲ្យដឹងថា សម្រាប់ការប្រកួតកីឡាទ្រីយ៉ាត្លុង មានកីឡាករចូលរួមចំនួន១៤រូប និងកីឡាការិនីចំនួន៤រូប សម្រាប់វិញ្ញាសានេះ ត្រូវចាប់ផ្ដើមជាមួយនឹងការហែលទឹកចម្ងាយ ៧៥០ ម៉ែត្រ បន្ទាប់ជិះកង់ចម្ងាយ២០គីឡូម៉ែត្រ និង បញ្ចប់ ដោយការរត់ចម្ងាយ ៥ គីឡូម៉ែត្រ។ សម្រាប់ប្រភេទកីឡាឌូអាត្លុង មានកីឡាករចូលរួមចំនួន២០រូប និង កីឡាការិនីចំនួន១២រូប។ ប្រភេទវិញ្ញាសានេះ ចាប់ផ្ដើមដោយការរត់ចម្ងាយ៥គីឡូម៉ែត្រ បន្ទាប់មកប្រណាំងកង់ចម្ងាយ២០គីឡូម៉ែត្រ និងបញ្ចប់ដោយការរត់ចម្ងាយ២,៥០គីឡូម៉ែត្រ។

ប្រភេទវិញ្ញាសាអាគ័រត្លុង មានអ្នកចូលរួមប្រកួតចំនួន៥រូបតែប៉ុណ្ណោះ។ អាគ័រត្លុងនេះ គឺប្រកួតសម្រាប់ប្រភេទអាយុក្រោម១៦ឆ្នាំ។ អាគ័រត្លុងចាប់ផ្ដើមដោយការហែលទឹកចម្ងាយ៣៥០ម៉ែត្រ និងបញ្ចប់ដោយការរត់ប្រណាំងចម្ងាយ២,៥០គីឡូម៉ែត្រ៕

អត្ថបទ៖ វិសិទ្ធ

សូមចុចអាន៖ បញ្ចប់ការប្រកួតជើងឯកជាតិឆ្នាំ២០២០ ក្លិបកាយសម្ព័ន្ធក្រសួងមហាផ្ទៃឈ្នះមេដាយបានច្រើនជាងគេ