សារព័ត៌មានថៃ សរសើរអាកប្បកិរិយារបស់ ខាន់ ចេសា ក្រោយឈ្នះកីឡាការិនី ហ្វីលីពីន

ក្នុងប្រកួតវគ្គផ្តាច់ព្រ័ត្រប្រភេទកីឡាជឺជីតស៊ូនៅស៊ីហ្គេមឆ្នាំ២០២៣ កាលពីថ្ងៃអាទិត្យទី៧ខែឧសភា កីឡាការិនី ខាន់ ចេសា បានផ្តួលកីឡាការិនី ហ្វីលីពីន ឲ្យចុះចាញ់ ដណ្តើមបានមេដាយមាសក្នុងការប្រកួតផ្នែកនារីប្រភេទទម្ងន់៥២គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយ​ចប់​ការ​ប្រកួត ចេសា បាន​ទៅ​មើលស្ថានភាពរបួសរបស់​គូប្រកួត ដោយសូម្បីតែ​សម្តេចតេជោ ហ៊ុន សែន នាយក​រដ្ឋមន្ត្រី​កម្ពុជា ក៏បាន​បង្ហោះ​សារ​អបអរ​តាម​រយៈ​បណ្តាញ​សង្គមផងដែរ ដោយលើកឡើង​ថា “ចៅស្រី ខាន់ ចេសា ពិតជាធ្វើបានល្អណាស់ក្នុងការប្រកួតថ្ងៃនេះ។ ក្រៅពីការប្រកួតយកឈ្នះ ចៅបានបង្ហាញនូវកាយវិការប្រកបដោយសីលធម៌ និងគុណធម៌ចំពោះគូប្រកួតប្រកបដោយមិត្តភាព ស័ក្តិសមជាតំណាងជាតិខ្មែរក្នុង វិស័យកីឡា។ ជូនពរចៅសុខភាពល្អ និងជោគជ័យបន្តទៀត”។

មិនត្រឹមតែប៉ុណ្ណឹង សូម្បីប្រព័ន្ធផ្សព្វផ្សាយក្រៅស្រុកក៏បានសរសើរ ចេសា ផងដែរ ដោយសារព័ត៌មានថៃ Thairath បានយករឿងនេះទៅចុះផ្សាយ ហើយថែមទាំងបង្ហោះ Facebook ដោយសរសេរ Caption ថា អាកប្បកិរិយាល្អ និងគួរឲ្យស្រលាញ់ក្នុងកែវភ្នែកប្រជាជនអាស៊ាន៕

ប្រែសម្រួល៖ Vann Vann

ប្រភព៖ Thairath

ចុចអាន៖ គ្រាប់ ពេជ្រ កម្ពុជា ខាន់ ចេសា ប្រកួត ២ វិញ្ញាសាក្នុងស៊ីហ្គេម