កីឡា

គ្រាប់ពេជ្រកម្ពុជា ខាន់ ចេសា ប្រកួត២វិញ្ញាសាក្នុងស៊ីហ្គេម

បានផុស

១១ ខែ មុន

នៅ

ថ្ងៃព្រហស្បតិ៍ ៤ ឧសភា ២០២៣

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងប្រកួត២វិញ្ញាសាក្នុងព្រឹត្តិការណ៍កីឡាស៊ីហ្គេម លើកទី២ ដែលរំពឹងទទួលបានមេដាយមាសទាំងពីរសម្រាប់ម្ចាស់ផ្ទះកម្ពុជា។

តាមការគ្រោងទុក ខាន់ ចេសា នឹងប្រកួតវិញ្ញាសា Ne-Waza GI ទម្ងន់-៥២គីឡូក្រាម និងវិញ្ញសា Ne-Waza NOGI ទម្ងន់-៥២គីឡូក្រាម។ កាលស៊ីហ្គេម ឆ្នាំ២០១៩ នៅប្រទេសហ្វីលីពីន កីឡាការិនីខ្មែរ-អាមេរិករូបបានឈ្នះមេដាយមាសលើវិញ្ញាសាទNe-Waza ទម្ងន់៤៩គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ស៊ីហ្គេម លើកទី៣១ ឆ្នាំ២០២១ ម្ចាស់ផ្ទះវៀតណាមមិនបានដាក់វិញ្ញាសាចាប់ពីទម្ងន់៥១គីឡូក្រាមឡើងទៅ ដោយដាក់ត្រឹមតែ-៤៨គីឡូក្រាមចុះក្រោម និងវិញ្ញាសាទម្ងន់-៦២គីឡូក្រាមដែលពេល ខាន់ ចេសា លើសតែបន្តិចប៉ុណ្ណោះ វៀតណាមមិនបានអនុញ្ញាតឲ្យកីឡាការិនីកម្ពុជារូបនេះបានចូលរួមប្រកួតឡើយ បើទោះបីជានាងខំធ្វើដំណើរមកពីអាមេរិក និងបន្តទៅដល់ប្រទេសវៀតណាម។

កម្ពុជាក្នុងនាមជាម្ចាស់ផ្ទះបានដាក់កីឡាជឺជីតស៊ូមានដល់១៣វិញ្ញាសាសម្រាប់ការប្រកួតប្រជែង ដូច្នេះហើយបានជា ខាន់ ចេសា មានឱកាសប្រកួតពីរវិញ្ញាសាផ្សេងគ្នា ប្រៀបធៀបនឹងម្ចាស់ផ្ទះវៀតណាមឆ្នាំ២០២១ដាក់ត្រឹមតែ៦វិញ្ញាសា និងម្ចាស់ផ្ទះហ្វីលីពីនឆ្នាំ២០១៩ដាក់១១វិញ្ញសា។

តាមការគ្រោងទុក កីឡាជឺជីតស៊ូនឹងចាប់ប្រកួតនៅថ្ងៃទី៤ ខែឧសភា ដែល ខាន់ ចេសា ក៏ប្រកួតនៅថ្ងៃនោះដែរ ហើយនឹងរកឃើញម្ចាស់មេដាយមាស ប្រាក់ និងសំរឹទ្ធលើ៣វិញ្ញាសា។ បន្ទាប់ពីជឺជីតស៊ូនឹងប្រកួត១០វិញ្ញាសាចាប់ពីថ្ងៃទី៦ដល់ ទី៧ ខែឧសភា នៅមជ្ឈមណ្ឌលពាណិជ្ជកម្មជ្រោយចង្វារ OCIC អគារ Hall B៕

អត្ថបទ៖ វីរបុត្រ