Connect with us

កីឡា

ក្រុម​បាល់ទាត់នារី​កម្ពុជា​​ប៉ះ​​ថៃ​ដណ្តើម​មេដាយសំរឹទ្ធ​រសៀលនេះ

បានផុស

នៅ

ក្រុម​បាល់ទាត់​ជម្រើស​ជាតិ​នារី​កម្ពុជា​​ត្រូវ​ប្រជែង​ជា​មួយ​​ក្រុម​​បាល់ទាត់​​ជម្រើស​ជាតិ​​នារី​ថៃ​ដើម្បី​មេដាយ​សំរឹទ្ធ វេលា​ម៉ោង​៤​រសៀល​ថ្ងៃ​ទី​១៥ ខែ​ឧសភា​នេះ​ក្នុង​ព្រឹត្តិការណ៍​កីឡា​ស៊ីហ្គេម លើកទី​៣២ ឆ្នាំ​២០២៣ នៅពហុកីឡដ្ឋាន​ជាតិ​អូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះ​ជា​ការ​ជួប​គ្នា​លើក​ទី​២​​ក្នុង​កីឡាស៊ីហ្គេម រវាង​ក្រុម​នារី​កម្ពុជា និង​ថៃ បន្ទាប់​ពី​ជួប​គ្នា​លើកទី១​​វគ្គ​សន្សំ​ពិន្ទុ​ក្នុង​ពូល ម្ចាស់​ផ្ទះ​កម្ពុជា​បាន​ចាញ់​​ថៃ ៤-០ ដូច្នេះ​ជំនួប​នេះ​ពិត​ជា​សំខាន់​ណាស់​សម្រាប់​ក្រុម​នារី​កម្ពុជា​ដើម្បី​បង្កើត​កំណត់​ត្រា​មេដាយ​លើក​ដំបូង និង​ជា​ឱកាស​សង​សឹក​ថៃ​ថែម​ទៀត។

វគ្គ​ពាក់​កណ្តាល​ផ្តាច់​ព្រ័ត្រ ក្រុម​នារី​កម្ពុជា​បាន​ចាញ់ក្រុម​នារី​វៀតណាម​ដោយ​លទ្ធផល ៤-០ ខណៈ​ក្រុម​នារី​ថៃ​បាន​ចាញ់ក្រុម​នារី​មីយ៉ាន់ម៉ា​ដោយ​លទ្ធផល ២-៤។ កាល​វគ្គ​សន្សំ​ពិន្ទុ​ក្នុង​ពូល ក្រុម​នារី​កម្ពុជា ឈ្នះ​២ និង​ចាញ់​២ ហើយ​នារីថៃ​បាន​ឈ្នះ​ទាំង​៣​ប្រកួត​ដើម្បី​ឡើងវគ្គ​៤​ក្រុម​ចុង​ក្រោយ​ដូចគ្នា។

ប្រវត្តិ​ជួប​គ្នា​ទើប​តែ​បាន​២​លើក​ប៉ុណ្ណោះ​រវាង​ក្រុម​បាល់ទាត់​នារី​កម្ពុជា និង​ក្រុមបាល់ទាត់​នារី​ថៃ ហើយ​ថ្ងៃ​នេះ​ជា​ការ​​ជួប​គ្នា​លើក​ទី​៣។ ជួប​គ្នា​លើក​ទី១ កាល​ពី​ឆ្នាំ​២០១១ ក្រុម​នារី​កម្ពុជា​បាន​ចាញ់​ថៃ​ដោយ​លទ្ធផល ០-១១ ក្នុង​ព្រឹត្តិការណ៍​ជើង​ឯក​នារី​អាស៊ាន និង​លើក​ទី​២ ក្រុម​នារី​កម្ពុជា​ចាញ់​ ៤-០ ក្នុង​កីឡា​ស៊ីហ្គេម លើក​ទី​៣២ ឆ្នាំ​២០២៣​។

សូម​បញ្ជាក់​ថា ក្រុម​បាល់ទាត់​នារី​កម្ពុជា​ជា​លើក​ដំបូង​ដែល​បាន​ឡើង​វគ្គ​ពាក់​កណ្តាល​ផ្តាច់​ព្រ័ត្រ​ក្នុង​ប្រវត្តិ​សាស្ត្រ​កីឡា​ស៊ីហ្គេម និង​មិន​ធ្លាប់​ឈ្នះ​មេដាយ​ឡើយ ប្រៀប​ធៀប​នឹង​ក្រុម​បាល់ទាត់​នារី​ថៃ​ធ្លាប់​ឈ្នះ​មេដាយ​មាស​៥​ដង ប្រាក់៥​ដង និង​សំរឹទ្ធ​២​ដង។

ដូច្នេះ​ប្រសិន​បើ ​ក្រុម​នារី​កម្ពុជា​ចាញ់​ក្រុម​នារី​ថៃ​ហាក់​គ្មាន​អ្វី​ចម្លែក​ទេ ប៉ុន្តែ​​ប្រសិន​បើ​ក្រុម​នារី​កម្ពុជា​ទទួល​ជ័យជម្នះ នោះ​​នឹង​កើត​មាន​កំណត់​ត្រា និង​ប្រវត្តិ​សាស្ត្រ​ថ្មី​សម្រាប់​ក្រុមបាល់ទាត់​នារី​កម្ពុជា៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម