កីឡា

កម្ពុជាបានបង្កើតប្រវត្តិសាស្ត្រឈ្នះមេដាយច្រើនបំផុត តែកីឡា៨ប្រភេទ មិនបានមេដាយសោះ

បានផុស

២ ម៉ោង មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

កម្ពុជា បានបង្កើតកំណត់ត្រាជាប្រវត្តិសាស្ត្រ រកបានមេដាយច្រើនមិនធ្លាប់មាន រាប់ចាំតាំងពីការចូលរួមការប្រកួតព្រឹត្តិការណ៍កីឡាអាស៊ីអាគ្នេយ៍លើកដំបូង។ ការប្រកួតស៊ីហ្គេម លើកទី៣២ ឆ្នាំ២០២៣ ក្នុងចំណោមកីឡា ៤៥ប្រភេទ លើវិញ្ញាសាជាច្រើន កម្ពុជារកបានមេដាយលើកីឡា ៣៧ប្រភេទ ប៉ុន្តែគួរឱ្យសោកស្តាយកីឡា ៨ប្រភេទ មិនទទួលបានមេដាយទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាម្ចាស់ផ្ទះលើកទី៣២ ដែលត្រូវបានបិទបញ្ចប់ទៅកាលពីថ្ងៃទី១៧ ខែឧសភា កីឡាករ-កីឡាការិនី រកបានមេដាយជូនជាតិសរុប២៨២គ្រឿង ក្នុងនោះមានមេដាយមាសចំនួន ៨១គ្រឿង មេដាយប្រាក់ ៧៤គ្រឿង និងមេដាយសំរឹទ្ធ ១២៧គ្រឿង ពីកីឡា ៣៧ប្រភេទ ក្នុងចំណោមកីឡា ៤៥ប្រភេទ។

ដូច្នេះ ក្រោមការខិតខំប្រឹងប្រែងរបស់អត្តពលិកជម្រើសជាតិជាយូរមកហើយ កម្ពុជាបានឈរនៅលេខរៀងទី៤ ជាលំដាប់ចំណាត់ថ្នាក់ខ្ពស់បំផុត ដែលកម្ពុជាមិនធ្លាប់ធ្វើបានពីមុនមក។

ទន្ទឹមជាមួយគ្នានេះ កីឡា៨ប្រភេទរួមដែលមិនទទួលបានមេដាយសោះគឺ កីឡាលោតទឹក (Diving); ហែលទឹក (Swimming); បាល់ទឹក (Water Polo); កីឡារាំ (Dance Sport); ហ្លបល់ (Floorball); បាល់ទាត់ (Football); វាយកូនគោល (Golf) និងវាយកូនឃ្លីលើតុ (Table Tennis) ក្នុងព្រឹត្តិការណ៍ កីឡាស៊ីហ្គេម លើកទី៣២៕