កីឡា
គុនខ្មែរអលស្តារវគ្គ៨នឹងមិនមានកីឡាករថៃចូលរួម
កម្មវិធីប្រដាល់ គុនខ្មែរអលស្តារ (Kun Khmer All Star) វគ្គ៨ នាថ្ងៃទី២២ ខែសីហា ឆ្នាំ២០២៣ នៅពុហកីឡដ្ឋានជាតិអូឡាំពិកនឹងមិនមានកីឡាករថៃចូលរួមប្រកួតទេ។
លោក ស៊ន អេលីត ស្ថាបនិកកម្មវិធី«គុនខ្មែរអលស្តារ»បានឲ្យដឹងថា តាមការគ្រោងទុក គុនខ្មែរអលស្តារវគ្គ៨ អាចមាន៩គូ ក្នុងនោះមានការប្រកួតដណ្តើមខ្សែក្រវាត់៣ទៅ៤គូ ប៉ុន្តែគ្មានកីឡាករថៃទេ។ ការប្រកួតនឹងមានលក់សំបុត្រចូលទស្សនា។
ចំពោះមូលហេតុដែលមិនយកកីឡាករថៃគឺដោយសារមានសំណូមពរពីអ្នកគាំទ្រក្នុងប្រទេសកម្ពុជា។ ម្យ៉ាងវិញទៀត មានវិវាទរវាងគុនខ្មែរនិងមួយថៃ ចាប់តាំងពីកីឡាស៊ីហ្គេម លើកទី៣២ ហើយភាគថៃបិទទីផ្សារក្នុងការនាំកីឡាករខ្មែរទៅប្រកួតនៅថៃថែមទៀត។
«គុនខ្មែរអលស្តារវគ្គ៨ មានបញ្ហាកង្វះកីឡាករដោយពិបាកនាំយកកីឡាករលំដាប់ៗមកចូលរួម។ វគ្គ៨នេះពុំមានកីឡាករថៃចូលរួមទេ ហើយយើងត្រូវទទួលស្គាល់ថា ពេលអត់យកកីឡាករថៃមក ការប្រកួតមិនសូវទាក់ទាញដែរ ពីព្រោះកីឡាករបរទេស ក្រៅពីថៃដែលមានតម្លៃខ្លួនល្មមៗគឺពិបាកទប់ជាមួយកីឡាករខ្មែរ តែយកកីឡាករបរទេសលំដាប់ៗមកគឺតម្លៃខ្លួនខ្ពស់ពេក»។ លោកគ្រូ ស៊ន អេលីត បាននិយាយ។
គុនខ្មែរអលស្តារពីវគ្គ១ដល់វគ្គ៧គឺទទួលបានការគាំទ្រយ៉ាងខ្លាំងពីអ្នកស្នេហាប្រដាល់គុនខ្មែរ។ «ចំពោះគុនខ្មែរអលស្តារវគ្គ៨នេះ ខ្ញុំមិនហ៊ានសន្យាថា ជោគជ័យឬអត់ទេ ដោយសារក្រុមការងារមានរយៈពេលខ្លីក្នុងការរៀបចំ»។ លោកគ្រូ ស៊ន អេលីតបានបញ្ជាក់។
កាលគុនខ្មែរអលស្តារវគ្គ៧ នៅទីក្រុងបារីស ប្រទេសបារាំង ថ្ងៃទី២៤ ខែមិថុនា ឆ្នាំ២០២៣ មានកីឡាករគុនខ្មែរ៤រូបបានទៅប្រកួតមានដូចជាកីឡាករ អេលីត សម្ភស្ស, អេលីត សាន់, មឿន សុខហ៊ុច និងពេជ្រ សម្បត្តិ៕
អត្ថបទ៖ ផា រតនា
-
ព័ត៌មានអន្ដរជាតិ៧ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១៨ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៧ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ