កីឡា

យប់នេះ គឹម វាសនា ប៉ះ Arvin Mehboudi ធ្លាប់ផ្តួល ធន់ រិទ្ធី សន្លប់ទឹក១

បានផុស

២ years មុន

នៅ

ថ្ងៃសុក្រ ៩ កុម្ភៈ ២០២៤

ដោយ

អ្នកលេងគុនខ្មែរ គឹម វាសនា ត្រូវបានដាក់ជំនួសខ្លាចាស់ អូត ភូថង ដើម្បីប៉ះជើងខ្លាំងអ៉ីរ៉ង់ Arvin Mehboudi វេលាម៉ោង៧យប់ ថ្ងៃសុក្រ ទី៩ ខែកុម្ភៈនេះនៅសង្វៀនគូបូតាស្ទឹងមានជ័យ។

កីឡាករអ៉ីរ៉ង់ Arvin Mehboudi ជាអ្នកប្រដាល់ដ៏រឹងមាំ និងមានសមត្ថភាពខ្ពស់ដែលធ្លាប់មកប្រកួតនៅប្រទេសកម្ពុជា៣ដងហើយដោយមិនទាន់ស្គាល់ចាញ់ដោយសន្លប់ឡើយ។ លើកទី១ រូបគេបានប្រកួតចាញ់ ព្រំ សំណាង តែពិន្ទុប៉ុណ្ណោះ។

បន្ទាប់មក រូបគេបានឈ្នះពីរប្រកួតជាប់គ្នានៅលើទឹកដីកម្ពុជាក្នុងនោះបានផ្តួលកីឡាករ ធន់ រិទ្ធី ឲ្យសន្លប់ក្នុងទឹកទី១តាមរយៈកណ្តាប់ដៃដ៏ធ្ងន់ និងបានឈ្នះពិន្ទុកីឡាករ អ៊ុង វីរៈ។ ការផ្គូផ្គងឲ្យជួប អូត ភូថង ជារឿងមួយដែលមានសមត្ថភាពខុសគ្នាតិចតូច ដោយសារកីឡាករកម្ពុជាអាយុច្រើន ខានឡើងប្រកួតយូរ កម្រិតសមត្ថភាពមិនរឹងមាំដូចមុន។ ផ្ទុយទៅវិញ Mehboudi ជាកីឡាករវ័យក្មេងដែលកំពុងពេញកម្លាំង។

ទោះបីជាយ៉ាងណា ដោយសារមានបញ្ហាសុខភាព អូត ភូថង មិនបានឡើងប្រកួតឡើយត្រូវជំនួសដោយកីឡាករ គឹម វាសនា ដែលជាកីឡាករដ៏ល្អម្នាក់ក្នុងប្រភេទទម្ងន់៧៣គីឡូក្រាម។ ការប៉ះគ្នានេះអាចជាជំនួបដ៏គួរឲ្យចាប់អារម្មណ៍មួយសម្រាប់អ្នកគាំទ្រកម្ពុជាដែលចង់ដឹងថាតើ Mehboudi នឹងស្គាល់បរាជ័យដោយសន្លប់នៅលើទឹកដីកម្ពុជាទេ។

ក្រៅពីគូឯងខាងលើ ក៏មានការប្រកួត៤គូទៀតគួរឲ្យចាប់អារម្មណ៍សម្រាប់រាត្រីថ្ងៃសុក្រ ទី៩ ខែកុម្ភៈនេះនៅសង្វៀនបាយ័នស្ទឹងមានជ័យ៕