កីឡា

លោក សំហេង បុរស ជួបសំណេះសំណាលសមាជិកប្រតិបត្តិសហព័ន្ធខ្មែរ អត្តពលកម្មស្ម័គ្រចិត្ត

បានផុស

៥ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

លោក សំហេង បុរស រដ្ឋលេខាធិការក្រសួងសង្គមកិច្ច អតីតយុទ្ធជន និង យុវនីតិសម្បទា បានអញ្ជើញជួបសំណេះសំណាលជាមួយលោក អ៊ុក សិទ្ធិជាតិ អគ្គនាយកកីឡា និងជាប្រធានសហព័ន្ធខ្មែរអត្តពលកម្មស្ម័គ្រចិត្ត និងសមាជិកប្រតិបត្តិលើការងារសហព័ន្ធ កាលពីល្ងាចថ្ងៃទី១៧កុម្ភៈ នៅអគ្គនាយកដ្ឋានកីឡាក្នុងពហុកីឡដ្ឋានជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចពិភាក្សា ផ្តោតសំខាន់ទៅលើការអភិវឌ្ឍន៍វិស័យកីឡាអត្តពលកម្មក្នុងដំណើរឆ្ពោះទៅព្រឹត្តិការណ៍ការប្រកួតកីឡា SEA GAMES 2021លើកទី៣១ នៅប្រទេសវៀតណាមនាខែវិច្ឆិកាខាងមុខ និងព្រឹត្តិការណ៍ការប្រកួតកីឡា SEA GAMES 2023 ដែលកម្ពុជាធ្វើម្ចាស់ផ្ទះ ព្រមទាំងការប្រកួតកម្រិតជាតិ និងអន្តរជាតិនានា ជាពិសេសការជ្រើសរើសកីឡាករ-កីឡាការិនីអត្តពល កម្មឆ្នើមរបស់ខ្លួន។

ក្រោយពីបញ្ចប់ការពិភាក្សាលោក សំហេង បុរស ក៏បន្តដំណើរទស្សនាការហ្វឹកហាត់របស់កីឡាករ-កីឡាការិនីអត្តពលកម្មទាំងអស់លើទីលាន ក្នុងទីលានបាល់ទាត់ត្រៀមចូលក្នុងក្រុមជម្រើសជាតិឆ្នាំ២០២១ មុនចេញទៅព្រឹត្តិការណ៍ការប្រកួតកីឡា SEA GAMES 2021 លើកទី៣១នៅប្រទេសវៀតណាមនាខែវិច្ឆិកាខាងមុខ៕