Connect with us

កីឡា

លោកគ្រូ Muñoz ថា បាល់ទាត់នឹងស្លាប់ បើគ្រប់ក្លិបសម្រេចដកខ្លួនដូចវិសាខា

បានផុស

នៅ

គ្រូព្រះខ័នរាជស្វាយរៀង Josep Muñoz បាន​ចាត់​ទុក​ការដក​ខ្លួន​របស់​ក្លិប​បាល់ទាត់​វិសាខា​ប៉ះ​ពាល់​ដល់​​បាល់ទាត់​កម្ពុជា​ទាំង​កីឡាករ បុគ្គលិក និង​អ្នក​គាំទ្រ។ ប្រសិន​បើ​គ្រប់​ក្លិប​​ធ្វើ​ការ​សម្រេច​ចិត្ត​បែប​នេះ នោះ​​បាល់ទាត់​នឹង​មិន​អាច​ដើរ​ទៅ​មុខ​បាន​ទេ។

ក្នុង​បទ​សម្ភាស​ជាមួយសារព័ត៌មាន​«កម្ពុជា​ថ្មី»​ ​លោក Josep Muñoz បាន​លើក​ឡើង​ថា មាន​តែ​​ថ្នាក់​ដឹក​នាំ​វិសាខា​​​ដែល​អាច​ពន្យល់​ពី​មូលហេតុ​​នាំ​ឲ្យ​ពួក​គេ​សម្រេច​​ចិត្ត​ដក​ខ្លួន។ វា​ទំនង​មក​ពី​​កំហុស​របស់​អាជ្ញាកណ្តាល ប៉ុន្តែ​​​​កំហុស​អាជ្ញា​កណ្តាល​ វា​មិន​មែន​ជា​ហេតុ​ផល​ចម្បងឈាន​ដល់​ការ​​សម្រេច​ចិត្ត​បែប​នេះ។ មែន​ទែន​ទៅ ជា​រៀង​រាល់​សប្តាហ៍ ​អាជ្ញា​កណ្តាល​បាន​បង្ក​កំហុស សូម្បី​តែ​កីឡាករ និង​គ្រូ​បង្វឹក​ក៏​បង្កើត​កំហុស​ដែរ។ ពួក​គាត់​ជា​មនុស្ស​​គេច​មិន​ផុត​ពី​កំហុស​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក Josep Muñoz មាន​ប្រសាសន៍​ថា ៖«នៅ​ចុង​បញ្ចប់​លីគ ខ្ញុំ​គិត​ថា គ្រប់​ក្លិប​ទាំង​អស់​នឹង​​ទទួល​បាន​មិន​លើស​ខ្វះ​គ្នា​​ប៉ុន្មាន​ទេ​ពី​កំហុស​​ដែល​បង្ក​ឡើង​ដោយ​អាជ្ញា​កណ្តាល។ ប្រសិន​បើ​​គ្រប់​ក្លិប​​​មាន​ប្រតិកកម្ម​​ដក​ខ្លួន​ដូច​វិសាខា បាល់ទាត់​​នឹង​ស្លាប់»។

គ្រូ​បង្វឹក​សញ្ជាតិ​អេស្ប៉ាញ​បន្ត​ថា អ្នក​ដែល​ទទួល​រង​ប៉ះ​ពាល់​មុន​គេ​គឺ​​​​មនុស្ស​​របស់​ពួក​គេ​គឺ​អ្នក​គាំទ្រ កីឡាករ និង​បុគ្គលិក។ «ខ្ញុំ​មិន​​ធ្លាប់​​ឃើញ​ទេ​ក្នុង​ជីវិត​របស់​ខ្ញុំ​​ដែល​ពាក់​កណ្តាល​រដូវ​កាល​​មាន​ក្លិប​មួយ​​សម្រេច​ចិត្ត​បែប​នេះ។ ការ​សម្រេច​ចិត្ត​នេះ​​បាន​ក្លាយ​ជា​​សម្ពាធ​ខ្លាំង​លើ​អាជ្ញា​កណ្តាល។ ប្រសិន​ពួក​គេ​ត្រឡប់​មក​វិញ ការងារ​​របស់​អាជ្ញា​កណ្តាល​ក្នុង​ការ​ប្រកួត​របស់​វិសាខា​នឹង​ស្ថិត​​ក្រោម​សម្ពាធ»។

បន្ទាប់​ពី​ការ​ដក​ខ្លួន ការ​ប្រកួត​របស់វិសាខា​ជា​មួយ​ព្រះ​ខ័ន​រាជ​ស្វាយរៀង ក្នុង​សប្តាហ៍​ទី​២៤ ​លីគ​កំពូល​កម្ពុជា​ត្រូវ​បាន​លុប​ចោល ប៉ុន្តែ​នៅ​មិន​ទាន់​​សម្រេច​ជា​ផ្លូវ​ការ​​ពី​លទ្ធផល​យ៉ាង​ណា​នោះ​ទេ។

លោក Muñoz ប្រាប់​ថា ៖«​ខាង​យើង​ខ្ញុំ ពួក​គេ​បាន​ធ្វើ​ឲ្យ​​ការ​ត្រៀម​ខ្លួន​របស់​យើង​សម្រាប់​ការ​ប្រកួត​​​​បោះ​ចោល ពី​ព្រោះ​ពួក​គេ​ចង់​បញ្ឈប់។ វា​មិន​មែន​ជា​កំហុស​របស់​យើង​ខ្ញុំ​ទេ។ ខ្ញុំ​សង្ឃឹម​ថា ពិន័យ​ទី១​លើ​ពួក​គេ​គឺ​​ការ​​ឲ្យ​ចាញ់​ការ​ប្រកួត​ជា​មួយ​យើង»។

នៅ​ពេល​ចោទ​សួរ​ថា ការ​ដក​ខ្លួន​​បែប​នេះ កីឡាករ​របស់ក្លិប​វិសាខា​ទៅ​ជា​យ៉ាង​ណា​ដែល​ពាក់​ព័ន្ធ​នឹង​ជម្រើស​ជាតិ​​​ស្ថិត​ក្រោម​ច្បាប់ AFC និង FIFA? លោក Muñoz បាន​ឆ្លើយ​ថា ប្រសិន​​បើ​វិសាខាមិន​វិល​ត្រឡប់​មក​វិញ​ទេ កីឡាករនឹង​ទំនេរ។ វា​មិន​ប៉ះ​ពាល់​ដល់​ក្រុម​ជម្រើស​ជាតិ ឬ​ការ​ប្រកួត​ផ្សេង​ៗ​ទេ។ ប៉ុន្តែ​សហព័ន្ធ​កីឡា​បាល់ទាត់​អន្តរជាតិ​​​នឹង​រឹត​បន្តឹង​ចំពោះ​សកម្មភាព​បែប​នេះ ហើយ​វិសាខា​ក្នុង​នាម​ជា​ក្លិប​មួយ​អាច​​ទទួល​រង​ពិន័យ​​ពី​ការ​ប្រកួត​ថ្នាក់​ជាតិ និង​អន្តរជាតិ។

លោក​បន្ត​ថា ​សេណារីយ៉ូ​មាន។ ​ប្រសិន​បើ​វិសាខា​មិន​ចូល​មក​វិញ​ កម្មវិធី​ប្រកួត​​នៅ​តែ​បន្ត​​ក្នុង​ជម្រើស​​​គ្មាន​វិសាខា​។ ​បើ​ពួក​គេ​សម្រេច​ចិត្តត្រឡប់​មក​វិញ ពួក​គេ​ត្រូវ​តែ​គោរព​តាម​ការ​ពិន័យ និង​បំរាម​​របស់​ខេមបូឌានព្រីមៀរលីគ (CPL) សហព័ន្ធ​​កីឡា​បាល់ទាត់​អន្តរជាតិ (FIFA) និង​សហព័ន្ធ​កីឡា​បាល់ទាត់​អាស៊ី (AFC)។

ចុង​ក្រោយ លោក Josep Muñoz បាន​លើក​ឡើង​ថា ៖«ក្នុង​នាម​ជា​គ្រូ​បង្វឹក និង​កីឡាករ យើង​ត្រូវ​ជួយ​​​អាជ្ញា​កណ្តាល​បន្ថែម​ទៀត។ យើង​មិន​អាច​​ដាក់​សម្ពាធ និង​រិះ​គន់​ពួក​គាត់​​គ្រប់​ពេល​វេលា​នោះ​ទេ។ អាជ្ញា​កណ្តាល​​ត្រូវ​ការ​​រៀនសូត្រ​បន្ថែម​​ដោយ​មានសកម្មភាព​ជា​គំរូ​ជាក់​ស្តែង​ដែល​បាន​កើត​ឡើង​នៅ​ក្នុង​លីគ​របស់​យើង»។

លោក​ផ្តល់​ជា​ជម្រើស​ថា ការ​ដាក់​ឧបករណ៍​​វីដេអូ​ជំនួយ​អាជ្ញា​កណ្តាល (VAR) ​ក្នុង​លីគ​​​ ពិត​ណាស់​​គឺ​មាន​តម្លៃ​​ថ្លៃ​ ប៉ុន្តែ​​​​​​អាច​ជា​ជម្រើស​មួយ​ដូច​​ជាឧបករណ៍​វីដេអូ​ធម្មតា​ដែល​​អាច​​ប្រើ​​​​ប្រាស់​ក្នុង​ការ​ជួយ​ដល់​អាជ្ញា​កណ្តាល​​សម្រាប់​​ការ​សម្រេច​លើ​ចំណុច​សំខាន់ៗ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម៤២ នាទី មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ៤៧ នាទី មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ៤៨ នាទី មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ៥១ នាទី មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម