លើកដំបូង ម្ចាស់​មេដាយមាស​រត់​ប្រណាំង អូឡាំពិក​នឹង​ទទួល៥​ម៉ឺនដុល្លារ​

កីឡាអត្តពលកម្ម បានក្លាយជាកីឡាដំបូងគេដែលផ្តល់ប្រាក់រង្វាន់ដល់ម្ចាស់មេដាយមាសអូឡាំពិក ដោយសហព័ន្ធកីឡាអត្តពលកម្មពិភពលោក (World Athletics) ដែល​បានប្រកាសកាលពីថ្ងៃពុធ ទី១០ ខែមេសា ឆ្នាំ​២០២៤ អំពី​ម្ចាស់មេដាយមាសទាំង ៤៨វិញ្ញាសា នៅអូឡាំពិក ទីក្រុងប៉ារីស នៅឆ្នាំនេះនឹងរកបានប្រាក់​រង្វាន់​ ៥០​០០០ដុល្លារ ក្នុងម្នាក់ៗដើម្បីបញ្ចប់ប្រពៃណី១២៨ឆ្នាំ។

ទោះបីជាគំនិតនៃការប្រកួតកីឡាស្ម័គ្រចិត្តសុទ្ធសាធបានបាត់ខ្លួនតាំងពីយូរ​ណាស់មកហើយពីកីឡាអូឡាំពិកទំនើបដែលអត្តពលិកជាញឹកញាប់ទទួលបានប្រាក់រង្វាន់ពីអ្នកឧបត្ថម្ភ និងអ្នកជំនាញដែលចូលរួមអស់រយៈពេលជាង៣០ឆ្នាំក៏​ដោយ​ ក៏​ការសម្រេចចិត្តរបស់អត្តពលិកពិភពលោកគឺជាការផ្លាស់ប្តូរដ៏សំខាន់សម្រាប់ការប្រកួតកីឡានេះ។

ប្រធានកីឡាអត្តពលកម្មពិភពលោក លោក Sebastian Coe បានប្រាប់អ្នកយកព័ត៌មានថា “នេះគឺជាបញ្ហាសម្រាប់កីឡារបស់យើង”។

លោក Coe បាននិយាយថា មិនមានការពិភាក្សាអំពីផែនការជាមួយគណៈកម្មាធិការអូឡាំពិកអន្តរជាតិទេ (IOC)​ គ្រាន់តែថា អង្គការរបស់លោកបានផ្តល់ឱ្យ IOC ដឹងជាមុនភ្លាមៗ មុនពេលប្រកាសអំពីរង្វាន់សរុប​ ២.៤លានដុល្លារ។

IOC ដែលមិនទាន់ធ្វើអត្ថាធិប្បាយលើការអភិវឌ្ឍនេះ​បានបែងចែកប្រាក់ចំណូលពីអូឡាំពិកទៅសហព័ន្ធអន្តរជាតិ។ ទឹកប្រាក់សរុបចំនួន ៥៤០លានដុល្លារ ត្រូវបានបែងចែកទៅឱ្យ ២៨ប្រភេទកីឡា ក្នុងព្រឹត្តិការណ៍អូឡាំពិក នៅ​ទី​ក្រុង​តូក្យូ ប្រទេស​ជប៉ុន​ ដោយកីឡាអត្តពលិកម្ម ទទួលបានច្រើនជាងគេចំនួន ៤០លានដុល្លារ៕

ប្រែសម្រួល៖ មន្នីរ័ត្ន
ប្រភព៖ AP