កីឡា
នារីបារាំងចង់បានប្តីខ្មែរ Emma លះបង់គ្រប់យ៉ាងដើម្បីគុនខ្មែរ
កីឡាការិនីប្រដាល់គុនខ្មែរជនជាតិបារាំង Emma Delaunay បានលះបង់អ្វីៗគ្រប់យ៉ាងដើម្បីហ្វឹកហាត់ប្រដាល់គុនខ្មែរ និងប្រកាសជាសាធារណៈពីបំណងប្រាថ្នារៀបការជាមួយបុរសខ្មែរដើម្បីបានរស់នៅក្នុងប្រទេសកម្ពុជាយូរអង្វែង។
កីឡាការិនីដែលហៅឈ្មោះ រិទ្ធី អេមម៉ា អាយុ២២ឆ្នាំ គ្រោងនឹងវិលត្រឡប់ទៅប្រទេសបារាំងវិញនៅខែឧសភាខាងមុខនេះ បន្ទាប់ពីនាងបានមកប្រទេសកម្ពុជាជាថ្មីកាលពីខែមករា ឆ្នាំ២០២៤។ កញ្ញាប្រហែលជាមិនអាចវិលត្រឡប់មកប្រទេសកម្ពុជាវិញទេដោយសារខ្វះថវិកាសម្រាប់ការធ្វើដំណើរ។ នាងកំពុងសិក្សានៅឡើយ ហើយមិនទាន់មានលទ្ធភាពរកចំណូលបានខ្លួនឯងនៅបារាំង។ ជាពិសេស ឪពុកម្តាយរបស់នាងមិនគាំទ្រឲ្យនាងមកបន្តអាជីពប្រដាល់គុនខ្មែរថែមទៀត ដូច្នេះពិបាកក្នុងការចំណាយសម្រាប់ការធ្វើដំណើរមកប្រទេសកម្ពុជាម្តងទៀត។ ទោះបីជាយ៉ាងណា នៅពេលនេះមានសប្បុរសជនទទួលបន្ទុកលើការចំណាយដើម្បីឲ្យនាងអាចធ្វើដំណើរមកបន្តអាជីពគុនខ្មែរវិញ។
កាលពីប៉ុន្មានថ្ងៃមុន រិទ្ធី អេម៉ា បានរៀបរាប់ថា ៖«ខ្ញុំសូមអរគុណឧកញ៉ា ស្រី ចាន់ថន ដែលបានចំណាយលុយថ្លៃសំបុត្រយន្តហោះយ៉ាងសស្រាក់សស្រាំ ដើម្បីឲ្យខ្ញុំបានត្រឡប់មកកម្ពុជាវិញ។ ដូច្នេះ ខ្ញុំមានសេចក្តីរីករាយក្នុងការប្រកាសថា ខ្ញុំនឹងត្រឡប់មកកម្ពុជាវិញក្នុងខែមិថុនា ដើម្បីប្រកួតបន្ថែមទៀត»។
សម្រាប់គម្រោងវិលត្រឡប់មកកម្ពុជាវិញនាខែមិថុនាខាងមុខ រិទ្ធី អេមម៉ា ចង់ស្នាក់នៅប្រទេសកម្ពុជាឲ្យបានយូរ ហើយកញ្ញាចង់មានស្វាមីជាបុរសខ្មែរទៀតផងដើម្បីបន្តរស់នៅស្រុកខ្មែរយូរអង្វែង។
នៅចំពោះមុខមហាជនក្នុងពិធីបុណ្យចូលឆ្នាំថ្មី អេមម៉ា បាននិយាយថា ៖«ចង់បានប្តីខ្មែរ»។ ក្នុងសំណេរកាលពីប៉ុន្មានថ្ងៃមុនលើគណនីហ្វេសប៊ុក កញ្ញា ក៏បានសរសេរថា ៖«ខ្ញុំសង្ឃឹមថា នឹងរកប្ដីខ្មែររបស់ខ្ញុំឱ្យបានឆាប់ដើម្បីស្នាក់នៅទីនេះ»។
មុនពេលជាប់ចិត្តនឹងកីឡាប្រដាល់គុនខ្មែរ អេមម៉ា បានធ្វើដំណើរកម្សាន្តមកប្រទេសកម្ពុជាក្នុងពេលសម្រាកពីការសិក្សា។ ពេលនៅភ្នំពេញ កញ្ញា និងមិត្តភក្តិបានទៅទស្សនាការប្រកួតប្រដាល់គុនខ្មែរនៅសង្វៀនទូរទស្សន៍។ ចាប់ពេលនោះមក កញ្ញាចាប់ផ្តើមស្រឡាញ់គុនខ្មែរ ហើយតាំងចិត្តវិលត្រឡប់មកខ្មែរម្តងទៀតដើម្បីហ្វឹកហាត់។
ដូចការគ្រោងទុក អេមម៉ា បានវិលត្រឡប់មកកម្ពុជាកាលពីឆ្នាំ២០២៣ ដើម្បីហ្វឹកហាត់ប្រដាល់គុនខ្មែរ។ បន្ទាប់មកនាងក៏បានឡើងប្រកួតជាលើកដំបូងនៅក្នុងពិធីបុណ្យសមុទ្រកាលពីចុងឆ្នាំមុននៅខេត្តព្រះសីហនុ។ ក្រោយមកនាងបានទៅប្រទេសបារាំង និងបានវិលត្រឡប់មកកម្ពុជាម្តងទៀតកាលពីខែមករា។
រិទ្ធី អេមម៉ា កំពុងរៀននៅសាកលវិទ្យាល័យផ្នែកភាសាអន្តរជាតិដោយហ្វឹកហាត់ប្រដាល់ផង និងកំពុងរៀនតាមអនឡាញផង។ ជាពិសេស កញ្ញាគ្រោងសរសេរសៀវភៅស្តីអំពីគុនខ្មែរ និងការហ្វឹកហាត់គុនខ្មែររបស់នាងជា៥ភាសាដើម្បីផ្សព្វផ្សាយទៅកាន់ពិភពលោក។
សម្រាប់ការចាប់អាជីពប្រដាល់មិនត្រូវបានគាំទ្រ និងលើកទឹកចិត្តពីឪពុកម្តាយរបស់កញ្ញាទេ ប៉ុន្តែកញ្ញានៅតែជម្នះនឹងឪពុកម្តាយដើម្បីហ្វឹកហាត់គុនខ្មែរ។ កញ្ញាមានបំណងរស់នៅកម្ពុជាឲ្យបានយូរអង្វែង។ រហូតដល់ពេលនេះ នារីវ័យ២២ឆ្នាំ រិទ្ធី អេមម៉ា ធ្លាប់បានឡើងប្រកួត៦ដង ក្នុងនោះឈ្នះ៣ដង ស្មើ២ដង និងចាញ់២ដង៕
អត្ថបទ៖ វីរបុត្រ
អ្នកនាំពាក្យ អំពាវនាវពលរដ្ឋបង្កើនការប្រុងប្រយ័ត្នខ្ពស់ចំពោះខ្យល់កន្ត្រាក់ និងផ្គររន្ទះ ខណៈរដូវវស្សាចូលមកដល់
ក្តៅៗ! R.Madrid បានឈានដល់កិច្ចព្រមព្រៀងផ្ទេរយកខ្សែការពារឆ្នើមពីលីគ អង់គ្លេស ម្នាក់
គ្រួសារសេសសល់អគារអង្គរមានជ័យ ៣ គ្រួសារ បន្ទាបតម្លៃសំណង ១ គ្រួសារព្រមអភិវឌ្ឍនៅកន្លែង
ចក្រភពអង់គ្លេស និងអាល្លឺម៉ង់នឹងរួមគ្នាបង្កើតអាវុធរយៈចម្ងាយ ២ ០០០គីឡូម៉ែត្រ
កម្ពុជា-អាមេរិកនឹងបន្តចរចារឿងពន្ធគយជុំទី២បន្តទៀតនៅខែមិថុនាខាងមុខ
ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស
គ្មានឈ្មោះ ពូទីន ទេ ក្នុងបញ្ជីគណៈប្រតិភូរុស្ស៊ី ដែលនឹងទៅចរចាជាមួយ អ៊ុយក្រែន នៅ តួកគី
អតីតប្រធានាធិបតីអ៊ុយរូហ្គាយ ក្របំផុតលើលោក ទទួលមរណភាព ក្នុងវ័យ ៨៩ឆ្នាំ
គ្រូពេទ្យអាមេរិកព្រមាន កុំគេងបើកកង្ហារពេលយប់ អាចនាំឲ្យកើតជំងឺហឺតធ្ងន់ធ្ងរ
លោក គីម ជុងអ៊ុន ចុះពិនិត្យការហាត់សមប្រើយន្តហោះគ្មានមនុស្សបើក ដើម្បីទប់ទល់សង្គ្រាម
-
ជីវិតកម្សាន្ដ៤ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
សន្តិសុខសង្គម១ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៣ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ សប្តាហ៍ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ១ សប្តាហ៍ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា
-
ព័ត៌មានជាតិ៧ ថ្ងៃ agoអ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ