កីឡា
ឥណ្ឌូណេស៊ី បង្កើតប្រវត្តិសាស្ត្រដំបូងឡើងវគ្គ៨ក្រុម AFC U23 ខណៈវៀតណាម និងថៃក៏ល្អ
ក្រុមបាល់ទាត់អាយុក្រោម២៣ឆ្នាំតំបន់អាស៊ាន៣គឺ ឥណ្ឌូណេស៊ី វៀតណាម និង ថៃ កំពុងធ្វើបានល្អក្នុងពានរង្វាន់ AFC U23 Asian Cup ឆ្នាំ២០២៤ ប៉ុន្តែក្រុមម៉ាឡេស៊ីបានធ្លាក់មុនគេត្រឹមវគ្គសន្សំពិន្ទុក្នុងពូល។
វៀតណាម និងឥណ្ឌូណេស៊ី បានកក់កៅឡើងទៅកាន់វគ្គ៨ក្រុមចុងក្រោយនៃពានរង្វាន់ AFC U23 Asian Cup រួចហើយ។ ឥណ្ឌូណេស៊ី បានបង្កើតប្រវត្តិសាស្ត្រជាលើកដំបូងក្នុងការឡើងដល់វគ្គ៨ក្រុមចុងក្រោយ ដោយបានទម្លាក់ក្រុមខ្លាំងក្នុងពូលជាមួយគ្នាគឺ អូស្ត្រាលី ត្រឹមវគ្គសន្សំពិន្ទុក្នុងពូល។ ឆ្លងកាត់៣ប្រកួត ឥណ្ឌូណេស៊ី រកបាន៦ពិន្ទុ បន្ទាប់ពីឈ្នះអូស្ត្រាលី ១-០ និងឈ្នះ ហ្សកដានី ៤-១ ប៉ុន្តែចាញ់ម្ចាស់ផ្ទះកាតារ ០-២ ថ្ងៃបើកឆាក។
![](https://www.kampucheathmey.com/wp-content/uploads/2024/04/Indonesia.jpg)
ចំណែកវៀតណាម ឆ្លងកាត់២ប្រកួតគឺឈ្នះទាំង២ប្រកួត ក្នុងនោះឈ្នះគុយវែត ៣-១ និងឈ្នះ ម៉ាឡេស៊ី ២-០។ ការប្រកួតសន្សំពិន្ទុក្នុងពូលចុងក្រោយ ប៉ះ ក្រុមអ៊ូបេគីស្ថាន ដើម្បីប្រជែងតំណែងកំពូលតារាង។ ម៉ាឡេស៊ី ដែលបានចាញ់ អ៊ូបេគីស្ថាន ០-២ និងចាញ់ វៀតណាម ០-២ អស់ឱកាសហើយ ទោះការប្រកួតចុងក្រោយជាមួយគុយវែតលទ្ធផលយ៉ាងណាក៏ដោយ។
ចំពោះ ក្រុមយុវជនថៃវិញបានឈ្នះក្រុមអ៉ីរ៉ាក់ ២-០ និងចាញ់អារ៉ាប៊ីសាអ៊ូឌីត ០-៥ ដើម្បីមាន៣ពិន្ទុឈរលេខ២ក្នុងពូល C ដូច្នេះថៃមានសង្ឃឹមច្រើនក្នុងការឡើងទៅកាន់វគ្គ៨ក្រុមចុងក្រោយ ដោយសារការប្រកួតសន្សំពិន្ទុក្នុងពូលចុងក្រោយប៉ះក្រុមបាតតារាង តាគីជីស្ថាន នៅទី២២ ខែមេសា ឆ្នាំ២០២៤។
រហូតដល់ពេលនេះ ការប្រកួត AFC U23 Asian Cup រកឃើញ៧ក្រុមឡើងវគ្គ៨ក្រុមចុងក្រោយហើយគឺ កាតារ ឥណ្ឌូណេស៊ី កូរ៉េខាងត្បូង ជប៉ុន អារ៉ាប៊ីសាអ៊ូឌីត អ៊ូបេគីស្ថាន និងវៀតណាម។ មួយក្រុមទៀតនឹងសម្រេចនៅក្នុងពូល C រវាង ថៃ និង អ៉ីរ៉ាក់ ដោយក្រុមទាំងពីរកំពុងមាន៣ពិន្ទុដូចគ្នា។
ពូល A
- កាតារ មាន៧ពិន្ទុ ឡើង
- ឥណ្ឌូណេស៊ី មាន៦ពិន្ទុ ឡើង
- អូស្ត្រាលី មាន២ពិន្ទុ ធ្លាក់
- ហ្សកដានី មាន១ពិន្ទុ ធ្លាក់
ពូល B
- កូរ៉េខាងត្បូង មាន៦ពិន្ទុ ឡើង
- ជប៉ុន មាន៦ពិន្ទុ ឡើង
- អារ៉ាប់រួម មានសូន្យពិន្ទុ ធ្លាក់
- ចិន មានសូន្យពិន្ទុធ្លាក់
ពូល C
- អារ៉ាប៊ីសាអ៊ូឌីត ៦ពិន្ទុ ឡើង
- ថៃ មាន៣ពិន្ទុ
- អ៉ីរ៉ាក់ មាន៣ពិន្ទុ
- តាជីគីស្ថាន មានសូន្យពិន្ទុ ធ្លាក់
ពូល D
- អ៊ូបេគីស្ថាន មាន៦ពិន្ទុ ឡើង
- វៀតណាម មាន៦ពិន្ទុ ឡើង
- ម៉ាឡេស៊ី មានសូន្យពិន្ទុ ធ្លាក់
- គុយវែត មានសូន្យពិន្ទុ ធ្លាក់
អត្ថបទ៖ វីរបុត្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ