កីឡា

ការប្រកួតល្បុក្កតោថ្នាក់ជាតិ ក្រុមមជ្ឈមណ្ឌលកងយោធពលខេមរភូមិន្ទ ជាប់លេខ១

បានផុស

២ ថ្ងៃ មុន

នៅ

ថ្ងៃពុធ ១២ មីនា ២០២៥

ដោយ

បន្ទាប់ពីធ្វើការប្រកួតប្រជែងអស់រយៈពេល ៣ថ្ងៃកន្លងទៅនេះ សហព័ន្ធកីឡាល្បុក្កតោកម្ពុជា បានរកឃើញជើងឯកថ្នាក់ជាតិ ប្រចាំឆ្នាំ២០២៤ របស់ខ្លួនហើយដោយលេខ១ បានលើក្រុមមជ្ឈមណ្ឌលកងយោធពលខេមរភូមិន្ទ ឈ្នះមេដាយមាស៥ និងសំរឹទ្ធ១ សរុប ៦គ្រឿងកាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពបំពាក់មេដាយ(រូបភាពសហព័ន្ធ)

នេះបើតាមអគ្គលេខាធិការរងសហព័ន្ធលោក អ៊ូ តារា បានឲ្យដឹងថា ការប្រកួតជើងឯកថ្នាក់ជាតិ ឆ្នាំ២០២៤ មានរយៈពេល ៣ថ្ងៃចាប់ពីថ្ងៃទី៩ ដល់ ១១ ខែមីនា ឆ្នាំ២០២៥ នៅសាលការ៉ាតេ នៃសកលវិទ្យាល័យភូមិន្ទភ្នំពេញ។ ប្រតិភូ គ្រូបង្វឹក កីឡាករ កីឡាការិនី មន្ត្រីបច្ចេកទេស ក្រុមការងារស្ម័គ្រចិត្តសរុបទាំងអស់មានចំនួន ២៤៥នាក់។

ទិដ្ឋភាពបំពាក់មេដាយ(រូបភាពសហព័ន្ធ)

ការប្រកួតនេះផងដែរមានក្លឹប សមាគម មកពីរាជធានី-ខេត្ត ទាំងអស់ចំនួន ២៩ និងបានប្រកួតលើប្រភេទវិញ្ញាសា ចំនួន ១៨ រួមមានប្រយុទ្ធនារី ៤ វិញ្ញាសា ប្រយុទ្ធបុរស ៧ វិញ្ញសា សម្ដែងឯកត្តជន ៦ វិញ្ញាសា និងសម្ដែងក្រុម ៣នាក់ ១វិញ្ញាសា។

ទិដ្ឋភាពបំពាក់មេដាយ(រូបភាពសហព័ន្ធ)

ចំពោះលទ្ធផល នៃការប្រកួតនេះគឺ លេខ១ ក្រុមមជ្ឈមណ្ឌលកងយោធពលខេមរភូមិន្ទ មាស៥ សំរឹទ្ធ១, លេខ២ ក្រុមអង្គរមានឬទ្ធិ មាស៣ ប្រាក់២ សំរឹទ្ធ២, លេខ៣ ក្រុមល្បុក្កតោតារាជ មាស៣ សំរឺទ្ធ១ និង ក្រុមសកលវិទ្យាល័យជាតិគ្រប់គ្រង មាស២ សំរឹទ្ធ២៕