កីឡា
អនុប្រធានសហព័ន្ធហាប់គីដូ៖ លទ្ធផលកន្លងទៅនៅខ្វះចន្លោះ ប៉ុន្តែជាជោគជ័យ
អនុប្រធានសហព័ន្ធខ្មែរកីឡាហាប់គីដូ បានលើកឡើងពីការរៀបចំប្រកួត និងការងារមួយចំនួនកន្លងទៅមានការខ្វះចន្លោះ ប៉ុន្តែកិច្ចការងារទាំងនោះចាត់ទុកជាជោគជ័យមួយកម្រិតហើយ ព្រោះវាថ្មីសម្រាប់ក្រុមកីឡាហាប់គីដូ។
ថ្លែងក្រោយបញ្ចប់សន្និបាតបូកសរុបការងារប្រចាំឆ្នាំ២០២៤ លោក គួច ហុងជៀក អនុប្រធានសហព័ន្ធខាងលើបានឲ្យដឹងថា សហព័ន្ធបានរៀបចំការប្រកួតជើងឯកថ្នាក់ជាតិបាន២លើក និងបានបញ្ជូនកីឡាករ កីឡាការិនីចេញទៅប្រកួតកម្រិតអន្តរជាតិថែមទៀត។ ការងារទាំងនេះវាថ្មីសម្រាប់សហព័ន្ធ ដូច្នេះការខ្វះខាតតែងតែមាន។
លោក គង់ ចាន់ធីណា
អនុប្រធានរូបនេះបន្ថែមទៀតថា ទោះមានការលំបាកចំពោះការចំណាយលើការរៀបចំប្រកួត ការលំបាកលើកិច្ចការបច្ចេកទេស ចៅក្រម អាជ្ញាកណ្ដាល និងកិច្ចការរដ្ឋបាលមួយចំនួនក្ដី ប៉ុន្តែសហព័ន្ធនៅតែអាចបន្តដំណើរការបានរហូតមកដល់ពេលនេះ។ ដូច្នេះនេះជាជោគជ័យធំមួយសម្រាប់សហព័ន្ធលើកិច្ចការងារថ្មី និងបន្តដំណើរជម្នះរាល់ឧបសគ្គផ្សេងៗទៀតដើម្បីលើកស្ទួយវិស័យកីឡាហាប់គីដូនេះឲ្យមានភាពរីកចម្រើន និងអភិវឌ្ឍកាន់តែខ្លាំងបន្ថែមទៀត។
លោក គួច ហុងជៀក ផ្ដល់បទសម្ភាស
លោក គួច ហុងជៀក សំណូមពរដល់បណ្ដាក្រុមហ៊ុននានាសូមងាកមកជួយកីឡាហាប់គីដូផង ដើម្បីឲ្យសហព័ន្ធមានលទ្ធភាពពង្រីកផ្សព្វផ្សាយ រៀបចំការប្រកួតផ្សេងៗ បណ្ដុះធនធាន និងបានចេញទៅប្រកួតតំណាងកម្ពុជាលើឆាកអន្តរជាតិ។ កីឡាអ្វីក៏មានសារសំខាន់ និងបានជួយលើកកម្ពស់សុខមាលភាពមហាជនផងដែរ។ តួយ៉ាងដូចជាកីឡាហាប់គីដូនេះជាដើមបានជំរុញទឹកចិត្តយុវជនឲ្យមោះមុត និងជៀសឆ្ងាយពីអំពើអបាយមុខផ្សេងៗក្លាយជាពលរដ្ឋល្អក្នុងសង្គម។
ទិសដៅឆ្នាំថ្មីនេះសហព័ន្ធបានប្តេជ្ញាអភិវឌ្ឍសមត្ថភាពកីឡាករ កីឡាការិនី ពង្រឹងសមត្ថភាពអាជ្ញាកណ្ដាល ចៅក្រម និងបញ្ជូនក្រុមហាប់គីដូទៅចូលរួមការប្រកួតផ្សេងៗនៅអន្តរជាតិ។
កាលពីថ្ងៃទី១៦ ខែមីនា ឆ្នាំ២០២៥ សហព័ន្ធកីឡាហាប់គីដូ បានធ្វើសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារប្រចាំ២០២៥។ សន្និបាតនេះធ្វើឡើងនៅទីស្នាក់ការគណៈកម្មាធិការជាតិអូឡាំពិកកម្ពុជា ដោយមានការអញ្ជើញចូលរួមពីលោក គួច ហុងជៀក អនុប្រធានសហព័ន្ធ ថ្នាក់ដឹកនាំ និងលោកគ្រូ កីឡាករ កីឡាការិនីជាច្រើនរូប៕
អត្ថបទ៖ នួន ស៊ីណា
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៥ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ