កីឡា
សហព័ន្ធកីឡាកាយសម្ព័ន្ធ ចំណាយរាប់ម៉ឺនដុល្លារក្នុងមួយឆ្នាំៗប្រមូលផ្ដុំកីឡាករក្រោយរំសាយរបស់ក្រសួង
ថ្នាក់ដឹកនាំកីឡាកាយសម្ព័ន្ធកម្ពុជា បង្ហើបពីចំណាយលើការប្រមូលផ្ដុំកីឡាករ កីឡាការិនីឈុតធំ និងថ្នាល អស់ចន្លោះពីជាង ១-៣ម៉ឺនដុល្លារក្នុងមួយឆ្នាំៗបន្ទាប់ពីក្រសួងអប់រំ យុវជន និងកីឡា រំសាយការប្រមូលផ្ដុំជម្រើសជាតិរៀងរាល់ឆ្នាំមកនេះ។
ទិដ្ឋភាពហ្វឹកហាត់កីឡាកាយសម្ព័ន្ធ
លោក ណយ ផាន់ណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា បានឲ្យដឹងថា កីឡាមួយនេះគឺផ្ដោតសំខាន់ខ្លាំងណាស់លើការហ្វឹកហាត់ទាំងបច្ចេកទេស រាងកាយ និងកម្លាំង ដែលទាមទារឲ្យហ្វឹកហាត់ជាប់ជារៀងរហូតដោយមិនអាចឈប់បាន។ លំហាត់បច្ចេកទេសភាគច្រើនផ្ដោតនៅលំហ និងការបង្វិលខ្លួនជាច្រើនជុំដូចបានឃើញស្រាប់ ដូច្នេះហើយការហ្វឹកហាត់ឲ្យរាងកាយ កម្លាំង សមស្របតាមលក្ខណៈបច្ចេកទេសគឺតម្រូវឲ្យហាត់ជាប់ និងមានរយៈពេលជាច្រើនឆ្នាំទើបឃើញលទ្ធផល។
ទិដ្ឋភាពហ្វឹកហាត់កីឡាកាយសម្ព័ន្ធ
គ្រូជំនាញរូបនេះបន្ថែមទៀតថា ហេតុខាងលើនេះហើយទើបថ្នាក់ដឹកនាំសហព័ន្ធយកចិត្តទុកដាក់ និងសម្រេចបន្ត នៃការប្រមូលផ្ដុំជាប់រហូតពីមួយឆ្នាំទៅមួយឆ្នាំបន្ទាប់ពីក្រសួងរំសាយក្រុមជម្រើសជាតិយ៉ាងណាក្ដី។ ការបន្តប្រមូលផ្ដុំដោយស្វ័យភាពរបស់សហព័ន្ធតាំងពីឆ្នាំ២០០៧ ដែលលោកជាប់ជាអគ្គលេខាធិការសហព័ន្ធមកម្ល៉េះ។
លោក ណយ ផាន់ណា
ងាកមកការចំណាយវិញក៏អាស្រ័យលើការរំសាយរបស់ក្រសួងដែរ ពោលបើខាងក្រសួងរំសាយមានពេលយូរខែ ដូច្នេះសហព័ន្ធនឹងត្រូវបម្រុងថវិកាដើម្បីផ្គត់ផ្គង់រឹតតែច្រើនផងដែរទម្រាំដល់ការប្រមូលផ្ដុំនៅឆ្នាំថ្មីរបស់ក្រសួងអប់រំ យុវជន និងកីឡាវិញ។
ទិដ្ឋភាពហ្វឹកហាត់កីឡាកាយសម្ព័ន្ធ
អគ្គលេខាធិការខាងលើបន្ថែមទៀតថា យ៉ាងណាបើតាមគិតទៅទាំងឈុតធំ និងថ្នាល សរុបប្រហែល ៣០នាក់ ដូច្នេះថ្លៃហូបចុកក្នុងមួយថ្ងៃអស់ជាង ១០០ដុល្លារហើយបើសរុបក្នុងមួយខែអស់ខ្ទង់ ៣,០០០-៤,០០០ដុល្លារនេះមិនបូកថ្លៃអង្ករផង។ បើការរំសាយរបស់ក្រសួងមានរយៈពេល ៣-៤ខែ ថវិកាបម្រុងក៏ត្រូវរកឲ្យបានចន្លោះចាប់ពីជាង ១ម៉ឺនដុល្លារទៅ ៣ម៉ឺនដុល្លារដែរទើបគ្រប់។
ទិដ្ឋភាពហ្វឹកហាត់កីឡាកាយសម្ព័ន្ធ
ចំពោះថវិកាដែលត្រូវរ៉ាប់រងសកម្មភាពនេះលោក ណយ ផាន់ណា ថាបានការឧបត្ថម្ភពីប្រធានសហព័ន្ធបណ្ឌិត ថោង ខុន លោកអនុប្រធាន សុខ ហុង និងរូបលោកផ្ទាល់។ ពេលខ្លះក៏ទទួលបានពីសមាជិកគណៈកម្មាធិការប្រតិបត្តិតាមសន្ដាន នៃចិត្ត។ ការលំបាកគឺចេះតែមានហើយ ប៉ុន្តែវាការចាំបាច់ និងចង់ឲ្យកីឡាមួយនេះទទួលបានផ្លែផ្កា ជោគជ័យជូនជាតិមាតុភូមិ ដូច្នេះហើយសហព័ន្ធត្រូវតែជម្នះចំពោះឧបសគ្គនេះឲ្យបាន។
ទិដ្ឋភាពហ្វឹកហាត់កីឡាកាយសម្ព័ន្ធ
បញ្ជាក់ដែរថា កីឡាកាយសម្ព័ន្ធជាប្រភេទកីឡាអូឡាំពិក និងចំណាយពេលវេលាហ្វឹកហាត់ជាច្រើនឆ្នាំហើយតាំងពីវ័យថ្នាលតូចៗទៅទើបមានសមត្ថភាពឈានដល់ការប្រកួតអន្តរជាតិ ឬដណ្ដើមមេដាយបាន។ កីឡាមួយនេះត្រូវការការចំណាយច្រើនលើការផលិតធនធាន និងត្រូវការពេលវេលាយូរផងដែរ។ កាយសម្ព័ន្ធនេះជាកីឡាអូឡាំពិក ដូច្នេះមានការប្រកួតប្រជែងកម្រិតអន្តរជាតិជាច្រើន និងជាប្រភេទកីឡាដែលពិបាកខ្លាំងក្នុងការដណ្ដើមយកមេដាយ។ សហព័ន្ធមាន ២កម្មវិធីប្រកួតផងដែរនៅឆ្នាំនេះដែលគ្រោងនឹងចូលរួមមានដូចជាការប្រកួតជ្រើសរើសជើងឯកអាស៊ី នៅប្រទេសឥណ្ឌា និងការប្រកួតស៊ីហ្គេម នៅប្រទេសថៃ៕
ទិដ្ឋភាពហ្វឹកហាត់កីឡាកាយសម្ព័ន្ធ
អត្ថបទដោយ៖ នួន ស៊ីណា
សហព័ន្ធកីឡាកាយសម្ព័ន្ធ ចំណាយរាប់ម៉ឺនដុល្លារក្នុងមួយឆ្នាំៗប្រមូលផ្ដុំកីឡាករក្រោយរំសាយរបស់ក្រសួង
ទារកមានទម្ងន់កំណើតជិត ៦គីឡូក្រាម ត្រូវបានក្រុមគ្រូពេទ្យជួយសង្គ្រោះដោយជោគជ័យ
អាវុធហត្ថរាជធានីបង្ក្រាបក្រុមឆបោក២នាក់ ក្នុងទំហំទឹកប្រាក់៧លានដុល្លារសហរដ្ឋអាមេរិក
មន្ត្រីជាន់ខ្ពស់នគរបាលជាតិ ទទូចឱ្យពលរដ្ឋប្រុងប្រយ័ត្នល្បិចបោក កុំផ្ទេរលុយមុនអីវ៉ាន់មកដល់ដៃ
ការលក់ឡាននៅអឺរ៉ុបកើនឡើង ប៉ុន្តែ Tesla ធ្លាក់ចុះជិត ៣០%
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ២៣ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក