កីឡា

ក្រសួងមហាផ្ទៃ B ឈ្នះជើងឯក Special Cup អមដោយប្រាក់រង្វាន់៧០លានរៀល

បានផុស

១ year មុន

នៅ

ថ្ងៃចន្ទ ២៨ មេសា ២០២៥

ដោយ

ក្រុមបាល់ទះក្រសួងមហាផ្ទៃ B បានក្លាយជាក្រុមទី២ក្នុងការឈ្នះជើងឯកបាល់ទះមហាជន Wurkz Special Volleyball Cup 4×4 រដូវកាលទី២ ឆ្នាំ២០២៥ បន្ទាប់ពីវិសាខាបានឈ្នះពានរង្វាន់នេះកាលពីរដូវកាលទី១ ឆ្នាំ២០២៤។

ក្រុមបាល់ទះខេត្តកោះកុងបានបង្កការចាប់អារម្មណ៍ដោយពួកគេបានឡើងដល់វគ្គផ្តាច់ព្រ័ត្រ ដែលបានចាញ់ក្រសួងមហាផ្ទៃ B ដោយលទ្ធផល ៣-១។ ពួកគេទទួលបានចំណាត់ថ្នាក់លេខ២ដោយទទួលបានប្រាក់រង្វាន់២០លានរៀល ហើយចំណាត់ថ្នាក់លេខ៣បានទៅ ក្រុមស្នងការដ្ឋាននគរបាលរាជធានីភ្នំពេញ B ដោយទទួលបានប្រាក់រង្វាន់១២លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករវាយផ្តាច់ដ៏មានទេពកោសល្យ ធី ម៉េងហួង បានទៅចូលរួមជាមួយក្លិបបាល់ទះ វិសាខា ហើយដើម្បីទៅប្រកួតការពារជើងឯកឆ្នាំចាស់ Win Streak Volleyball Invitational នៅកោះតៃវ៉ាន់ នាចុងខែនេះ បន្ទាប់ពីបានជួយក្រសួងមហាផ្ទៃ B ឈ្នះជើងឯក។

ធី ម៉េងហួង និង មឿន ម៉េងឡាយ ត្រូវបានក្លិបវិសាខាខ្ចីជើងដើម្បីរួមដៃគ្នាដើម្បីការពារជើងឯកនៅកោះតៃវ៉ាន់ ប៉ុន្តែពួកគេមិនបានចូលរួមភ្លាមៗទេ។ ពួកគេបានជួយក្លិបក្រសួងមហាផ្ទៃ B តាំងពីចាប់ផ្តើមរហូតដល់ ឈ្នះជើងឯកពានរង្វាន់បែបមហាជន Wurkz Special Volleyball Cup 4×4 រដូវកាលទី២។

ស្របពេលជាមួយគ្នានេះ ក្លិបវិសាខា បានដកខ្លួនចេញពីការប្រកួតពានរង្វាន់មហាជន៤ទល់៤នាក់ដែលខ្លួនត្រូវការពារតំណែងជើងឯកឆ្នាំ ដើម្បីយកពេលវេលាហ្វឹកហាត់ជាមួយសមាជិកថ្មីអន្តរជាតិ៤នាក់។ ការបុកហ្វឹកហាត់នេះគឺដើម្បីឲ្យយល់ចិត្តគ្នាជារឿងសំខាន់រវាងអ្នកវាយផ្តាច់ និងអ្នកប៉ះសេ ថ្វីពួកគេសុទ្ធតែជាកីឡាករអាជីពកម្រិតខ្ពស់ក៏ដោយ។

ទោះបីជាយ៉ាងណា ធី ម៉េងហួង និង មឿន ម៉េងឡាយ ជួយក្រុមក្រសួងមហាផ្ទៃ B ឈ្នះជើងឯក Special Volleyball Cup ដោយទទួលបានប្រាក់រង្វាន់៧០លានរៀល។ មិនត្រឹមតែប៉ុណ្ណោះ ធី ម៉េង បានឈ្នះពានរង្វាន់ឯកត្តជនចំនួន២ទៀតគឺ កីឡាករល្អប្រចាំព្រឹត្តិការណ៍ និងកីឡាករវាយសេវាល្អបំផុត។