កីឡា

មន្ទីរពេទ្យកុមារអង្គរ៖ អំណរគុណសហព័ន្ធកីឡាទោចក្រយានបង្កើតព្រឹត្តិការណ៍ជិះកង់រៃអង្គាសថវិកាបាន ១០លានរៀល

បានផុស

១០ ខែ មុន

នៅ

ថ្ងៃព្រហស្បតិ៍ ២៦ មិថុនា ២០២៥

ដោយ

មន្ទីរពេទ្យកុមារអង្គរ ដែលគេដឹងថាជាកន្លែងដែលជួយសង្គ្រោះជីវិតកុមារនៅកម្ពុជាតាមរយៈការព្យាបាលដោយមិនយកថវិកានៅឯខេត្តសៀមរាប បានថ្លែងអំរគុណជាខ្លាំងដល់សហព័ន្ធកីឡាទោចក្រយានដែលបានរៀបចំ «ព្រឹត្តិការណ៍ជិះកង់ដើម្បីកុមារកម្ពុជា» លើកទី២ រៃអង្គាសថវិកាបានសរុបចំនួន ២,៥២៥ដុល្លារ (១០លានរៀល) ដើម្បីបរិច្ចាគជួយមកកាន់មន្ទីពេទ្យ។

រូបភាពលើផេកពេទ្យកុមារអង្គរ

នេះបើតាមការបង្ហោះនៅលើហ្វេសបុកផេកផ្លូវការរបស់មន្ទីរពេទ្យកុមារអង្គរ កាលពីម្សិលមិញនេះគឺបានថ្លែងអំរណគុណយ៉ាងជ្រាលជ្រៅដល់ក្រុមការងារអ្នកស្ម័គ្រចិត្តរបស់សហព័ន្ធកីឡាទោកច្រយានកម្ពុជា បានរៀបចំ «ព្រឹត្តិការណ៍ជិះកង់ដើម្បីកុមារកម្ពុជា» លើកទី២ ដែលត្រូវជិះកង់ពីរាជធានីភ្នំពេញឆ្ពោះទៅមន្ទីរពេទ្យកុមារអង្គរ ខេត្តសៀមរាប កាលពីថ្ងៃទី៣១ ខែឧសភា ឆ្នាំ២០២៥ លើចម្ងាយផ្លូវ ៣១០គីឡូម៉ែត្រ និងបានរៃអង្គាសថវិកាបានសរុបចំនួន ២,៥២៥ដុល្លារ (១០លានរៀល) ដើម្បីបរិច្ចាគជួយមន្ទីពេទ្យកុមារអង្គរ។

លោក នូ ចំរើន អគ្គលេខាធិការសហព័ន្ធទោចក្រយាន (ស្ដាំ)

«តំណាងមន្ទីរពេទ្យសូមអរគុណដល់សប្បុរសជនទាំងអស់ដែលបានចូលរួមជាចំណែកជួយឧបត្ថម្ភគាំទ្រដល់មន្ទីរពេទ្យកុមារអង្គរ តាមរយៈសកម្មភាពសប្បុរសធម៌មួយនេះដើម្បីការពិនិត្យព្យាបាលសង្គ្រោះអាយុជីវិតកុមារនៅកម្ពុជាប្រកបដោយក្តីមេត្តាករុណា និងមានគុណភាពខ្ពស់» ៕