កីឡា

ពេជ្រ សម្បត្តិ បុកហ្វឹកហាត់បានពេញ ៣សប្ដាហ៍ត្រៀមប៉ះជើងខ្លាំងម្ចាស់ផ្ទះចិន

បានផុស

៨ ខែ មុន

នៅ

ថ្ងៃសុក្រ ៣ តុលា ២០២៥

ដោយ

លោក ពេជ្រ សុផាន់ ហៅគ្រូឆ្នើម ថាកូនសិស្សរបស់ខ្លួនគឺកីឡាករ ពេជ្រ សម្បត្តិ បានហ្វឹកហាត់ពេញល្អមានរយៈពេល ៣សប្ដាហ៍មកហើយត្រៀមសម្រាប់ប៉ះកីឡាករជើងខ្លាំងដែលជាម្ចាស់ផ្ទះចិន Carlos Su នៅថ្ងៃទី៧ ខែតុលា ឆ្នាំ២០២៥ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាទិទេព និង សម្បត្តិ ក្រោយហាត់ចប់

ថ្លែងក្នុងកិច្ចសម្ភាសលោក ពេជ្រ សុផាន់ បានលើកឡើងថា ចំពោះកីឡាករ ពេជ្រ សម្បត្តិ គឺបានហ្វឹកហាត់ពេញល្អ ៣សប្ដាហ៍មកហើយ។ ដោយឡែកសម្រាប់ ពេជ្រ អាទិទេព ហ្វឹកហាត់នៅស្ទើរបន្តិច។

គ្រូឆ្នើមរូបនេះបន្តទៀតថា ទាំងដៃគូរបស់ សម្បត្តិ និង អាទិទេព គឺសុទ្ធតែល្អដូចគ្នា។ ម្នាក់ដែលនឹងប៉ះ សម្បត្តិ នេះគឺជាកីឡាករមានកេរ្តិ៍ឈ្មោះល្បី មានបទពិសោធប្រកួតច្រើន ចាត់ចូលចំណោមកីឡាករលំដាប់របស់ចិនហើយ។

សម្បត្តិ និងភរិយា

យ៉ាងណាក្រុមគ្រូឆ្នើមនឹងខំប្រឹងឲ្យអស់ពីសមត្ថភាពមិនធ្វើឲ្យអ្នកគាំទ្រខកបំណងនោះឡើយដែលទន្ទឹងរង់ចាំទស្សនាជាយូរមកហើយអាចទទួលយកបានក្នុងជំនួបប្រកួតផ្សព្វផ្សាយគុននៅឯប្រទេសចិននេះ។

បញ្ជាក់ដែរថា ក្រុមគុនខ្មែរចំនួន ៦រូបមានកីឡាករ៤ កីឡាការិនី២ រូបនឹងត្រូវទៅប្រកួតអន្តរជាតិនៅប្រទេសចិន ថ្ងៃទី៧ ខែតុលា ឆ្នាំ២០២៥។ ចំពោះក្លឹបលោក ពេជ្រ សុផាន់ មានកីឡាករ ២រូបផងដែរគឺ ពេជ្រ សម្បត្តិ និង ពេជ្រ អាទិទេព។ ពេជ្រ សម្បត្តិ ប៉ះ Carlos Su ចំណែកកីឡាករ ពេជ្រ អាទិទេព ប៉ះ Liu Junchao។ ការប្រកួតនោះនឹងធ្វើឡើងនៅទីក្រុងឆឹងទូ ខេត្តស៊ីឆ័ន ចាប់ពីម៉ោង ៦ល្ងាចតទៅ៕

ដៃគូរបស់ សម្បត្តិ និង អាទិទេព នៅចិន

អត្ថបទដោយ៖ នួន ស៊ីណា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា