ព័ត៌មានអន្ដរជាតិ

ក្រុមហ៊ុន Slack ឲ្យអ្នកប្រើប្រាស់ប្ដូរលេខសម្ងាត់ជាបន្ទាន់

បានផុស

៣ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

កាលពីពេលថ្មីៗនេះក្រុមហ៊ុន Slack បានផ្ញើអ៉ីមែលទៅអ្នកប្រើប្រាស់កម្មវិធី Slack សម្រាប់ប្រព័ន្ធប្រតិបត្តិការ Android ឲ្យធ្វើការផ្លាស់ប្ដូរលេខសម្ងាត់ជាបន្ទាន់ ព្រោះក្រុមហ៊ុនបានរក្សាទុកលេខសម្ងាត់ទាំងនោះ ដោយមិនបានប្រើប្រព័ន្ធអ៉ីនគ្រីបសិន (encryption) ចាប់ផ្ដើមពីថ្ងៃទី២១ ខែធ្នូដល់ថ្ងៃទី២១ ខែមករាកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីឆ្លើយតបពីការព្រួយបារម្ភរបស់អ្នកប្រើប្រាស់នោះ ក្រុមហ៊ុនក៏បានបញ្ជាក់ផងដែរថា ក្រុមហ៊ុនពុំទាន់បានឃើញការជ្រៀតចូលប្រើប្រាស់ណាមួយក្នុងរយៈពេលថ្មីៗនេះទេ ហើយសូមអ្នកប្រើប្រាស់កុំមានការព្រួយបារម្ភនៅពេល ដែលកម្មវិធីស្នើសុំឲ្យពួកគេបញ្ចូលលេខសម្ងាត់ថ្មីនោះ។ ជាងនេះទៅទៀតក្រុមហ៊ុន ក៏បានបញ្ជាក់ផងដែរថា បញ្ហានេះ គឺវាមានការប៉ះពាល់ទៅលើអ្នកប្រើប្រាស់ ដែលបានវាយបញ្ចូលអ៉ីមែលនិងលេខសម្ងាត់ក្នុងរយៈពេលមួយខែនោះតែប៉ុណ្ណោះ។ ប្រសិនបើលោកអ្នកបានប្រើប្រព័ន្ធ Single-sign-on (SSO) ដែលមិនតម្រូវឲ្យលោកអ្នកវាយបញ្ចូលលេខសម្ងាត់រាល់ពេលចូលប្រើកម្មវិធីនោះ លោកអ្នកនឹងមិនចាំបាច់ធ្វើការផ្លាស់ប្ដូរលេខសម្ងាត់ទេ។

សម្រាប់លោកអ្នកដែលពុំដែលប្រើកម្មវិធី Slack នោះវាគឺជាកម្មវិធីសម្រាប់អ្នកធ្វើពាណិជ្ជកម្ម ដើម្បីសម្រួលក្នុងការទំនាក់ទំនងនិងសហការគ្នា ក្នុងការគ្រប់គ្រងកិច្ចការប្រចាំថ្ងៃ ឬគម្រោងណាមួយឲ្យកាន់តែមានភាពងាយស្រួល៕

ប្រភព៖ នគរបាលប្រឆាំងបទល្មើសបច្ចេកវិទ្យា

Related Topics:បច្ចេកវិទ្យា