តើ Hacker លួចចូលក្នុងទូរសព្ទ ឬកុំព្យូទ័ររបស់អ្នកបានដោយរបៀបណា?

នៅក្នុងសម័យឌីជីថលនេះ ចោរព័ត៌មានវិទ្យា (Hacker) តែងតែឆ្លៀតឱកាសក្នុងការក្លែងបន្លំ លួចចូលក្នុងទូរសព្ទ ឬកុំព្យូទ័ររបស់អ្នកដើម្បីចង់ដឹងអំពីព័ត៌មានផ្សេងៗ ដូចជា ព័ត៌មានគណនីធនាគារ ឬព័ត៌មានចូលប្រើប្រាស់ឧបករណ៍ធីជីថលរបស់អ្នកជាដើម។ តើ Hacker លួចចូលក្នុងទូរសព្ទ ឬកុំព្យូទ័ររបស់អ្នកបានដោយរបៀបណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងប្រប្រៃសណីយ៍ និងទូគមនាគមន៍ ការក្លែងបន្លំ (Phishing) ចោរព័ត៌មានវិទ្យាវាយប្រហារអ្នក ដោយផ្ញើសារអ៊ីមែលក្លែងបន្លំដែលមើលទៅដូចជាសារអ៊ីមែលត្រឹមត្រូវ ដែលជារឿយៗសារអ៊ីមែលនោះមើលទៅហាក់ដូចជាមកពីប្រភពដែលទុកចិត្តបាន ប៉ុន្តែវាមានបំណងបញ្ឆោតអ្នកឱ្យចែករំលែកនូវព័ត៌មានផ្ទាល់ខ្លួន ព័ត៌មានហិរញ្ញវត្ថុ ឬការចុចលើតំណភ្ជាប់ដែលមានមេរោគ។

ចំពោះមេរោគ (Malware) សំដៅទៅលើមេរោគ ដែលអាចជា Viruses, Spyware និងកម្មវិធីផ្សេងៗទៀតដែលត្រូវបានតំឡើងនៅលើឧបករណ៍ឌីជីថលរបស់អ្នក ដោយពុំដឹងខ្លួន ឬគ្មានការយល់ព្រម ដែលកម្មវិធីទាំងនេះអាចធ្វើឱ្យឧបករណ៍ឌីជីថលរបស់អ្នកគាំង បង្ហាញនូវការផ្សព្វផ្សាយពាណិជ្ជកម្មផ្សេងៗ និងអាចត្រូវបានគេប្រើដើម្បីតាមដាន និងគ្រប់គ្រងសកម្មភាពរបស់អ្នកលើអ៊ីនធឺណិត ព្រមទាំងអាចប្រើអត្តសញ្ញាណអ្នកដើម្បីលួចបន្លំ ឬបោកប្រាស់បុគ្គលផ្សេងៗដោយអ្នកមិនបានដឹងខ្លួនផងដែរ។

រីឯការវាយប្រហារតាមអ៊ីនធឺណិតបែបវិស្វកម្មសង្គម (Social Engineering) គឺជាវិធីសាស្ត្រវាយប្រហារបោកបញ្ឆោតមនុស្ស ឬធ្វើឱ្យគេទុកចិត្តដើម្បីទាញយកនូវព័ត៌មានវិទ្យាទាំងនេះត្រូវការ គឺពួកគេនឹងកំណត់ជាមុខសញ្ញា ហើយតែងតែព្យាយាមបញ្ឆោតអ្នកឱ្យផ្តល់ពាក្យសម្ងាត់ ព័ត៌មានគណនីធនាគារ ឬព័ត៌មានចូលប្រើប្រាស់ឧបករណ៍ធីជីថលរបស់អ្នក ដើម្បីពួកគេដំឡើងកម្មវិធីមេរោគដែលអាចទាញយកនូវអ្វីៗទាំងអស់ចេញពីឧបករណ៍ឌីជីថលរបស់អ្នក៕