ចរាចរណ៍

រថយន្តដឹកកម្មករ រ៉េចង្កូតទៅបុកដើមឈើទាំងព្រឹក បណ្ដាលឱ្យរងរបួសមនុស្សជាច្រើននាក់

បានផុស

៥ years មុន

នៅ

ថ្ងៃពុធ ២ មិថុនា ២០២១

ដោយ

គ្រោះថ្នាក់ចរាចរណ៍មួយបានកើតឡើងទាំងព្រឹកម៉ោង៦ មានរថយន្តម៉ាកហ៊ីយ៉ាន់ដាយ បានរ៉េចង្កូតទៅបុកដើមឈើ ដែលបណ្ដាលឲ្យកម្មករ កម្មការិនីរោងចក្ររងរបួសជាច្រើននាក់ នៅចំណុចភូមិច្បារច្រុះ ឃុំក្រាំងចេក ស្រុកឧដុង្គ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី០២ ខែមិថុនា ឆ្នាំ២០២១វេលាម៉ោង០៦ព្រឹក នៅលើផ្លូវលំ ត្រង់ចំណុចភូមិច្បារច្រុះ ឃុំក្រាំងចេក ស្រុកឧដុង្គ បង្កឡើងរថយន្តដឹកកម្មករ១គ្រឿង ( មិនដឹងចំនួនអ្នកជិះលើរថយន្ដ ..) ម៉ាកហ៊ីយ៉ាន់ដាយ ពណ៌ស គ្មានស្លាកលេខ បើកបរដោយឈ្មោះ ថុល ឆៃ ភេទប្រុស អាយុ២២ឆ្នាំ នៅភូមិត្បែង ឃុំរុងរឿង ស្រុកថ្ពង ដោយធ្វើដំណើរពីទិសខាងជើងទៅទិសខាងត្បូង លុះដល់ចំណុចខាងលើបានរ៉េចង្កូតទៅបុកដើមឈើ មូលហេតុនៅមិនទាន់ដឹង។

ព័ត៌មានបឋមនៅពេលនេះ តាមការបញ្ជាក់ពីកម្លាំងនគរបាលក្រោយទទួលបានព័ត៌មាន ជំនាញបានចុះទៅកាន់គោលដៅនិងបានជួយសង្គ្រោះបន្ទាន់ ក្នុងនោះ កម្មករ កម្មការិនី រងរបួសមានចំនួន ២១នាក់ ស្រី ០៩ នាក់ ក្នុងនោះរបួសធ្ងន់ចំនួន ០៦ នាក់ស្រី កម្លាំងនគរបាលកំពុងបន្តជួយជនរងគ្រោះផ្សេងទៀត។ បច្ចុប្បន្នជនរងគ្រោះ បានបញ្ជូនទៅសង្គ្រោះនៅមន្ទីរពេទ្យឯកជន និងមន្ទីរពេទ្យបង្អែកស្រុកឧដុង្គ៕

ប្រភព៖ ស្នងការដ្ឋាននគរបាលខេត្តកំពង់ស្ពឺ

សូមចុចអាន៖ បុរសម្នាក់ជិះម៉ូតូរេចង្កូតដួល ត្រូវរថយន្តទៅពីក្រោយកិនស្លាប់ភ្លាមៗ

Related Topics:គ្រោះថ្នាក់ចរាចរណ៍