Connect with us

ចរាចរណ៍

វីដេអូបង្ហាញពីកំហុសរបស់ប៉ូលិសចរាចរណ៍ដែលត្រូវដកសក្ដិ

បានផុស

នៅ

មន្ត្រីចរាចរណ៍នៅគោលដៅស្តុបទន្លេបាសាក់ ផ្លូវម៉ៅសេទុង ដែលប្រព្រឹត្តកំហុស​ត្រូវបាន​ដកឋាន​ន្តរសក្តិមួយកម្រិត និងបញ្ឈរជើងរយៈពេល ៣ខែនៅការិយាល័យបុគ្គលិក។

​ស្នងការដ្ឋាននគរបាលរាជធានីភ្នំពេញបានឲ្យដឹងថា មន្ត្រីនៅគោលដៅស្តុបទន្លេបាសាក់ ផ្លូវម៉ៅសេទុង ដែលបានប្រព្រឹត្តកំហុស ដោយបានហៅឃាត់រថយន្តមកមកធ្វើការផាកពិន័យ ខណៈអ្នកបើកបរគ្មានកំហុស ​ត្រូវបានលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញបញ្ជាឲ្យស្នងការរងទទួលផែនធនធានមនុស្ស ការិយាល័យបុគ្គលិកផ្នែកវិន័យ​កោះហៅមន្ត្រីគោលដៅទាំង៤រូប មកសួរនាំនៅការិយាល័យ​ ក្រោយធ្វើការសួរនាំរួច មន្ត្រីទាំង៤រូប បានសារភាពកំហុស និងបានទទួលស្គាល់កំហុសដែលបានប្រព្រឹត្ត​ដោយហៅអ្នកបើកបរធ្វើការផាកពិន័យ មិនចេញវិក្កយបត្រ​ស្របពេលដែលអ្នកបើកបរមិនមានកំហុសទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្នែកវិន័យ នៃការិយាល័យបុគ្គលិកបានសម្រេចដកមន្ត្រីទាំង៤រូបនេះមកបញ្ឈរជើងរយៈពេល៣ខែ បង្ហាញមុខជាប្រចាំរាល់ម៉ោងធ្វើការ នៅការិយាល័យបុគ្គលិក ធ្វើកិច្ចសន្យា ជាពិសេសមន្ត្រីដែល​ប្រព្រឹត្តកំហុសត្រូវបានដកឋានន្តរសក្តិមួយកម្រិត (ដកមួយសក្តិ) ដើម្បីជាការព្រមាន​ចំពោះការ​ប្រព្រឹត្តកំហុសនេះ។

កាលពីថ្ងៃទី ២១ ខែតុលា ឆ្នាំ២០២២ វេលាម៉ោង ០៩:១៥នាទីព្រឹក នៅចំណុចគោលដៅស្តុបទន្លេបាសាក់ តាមបណ្តោយមហាវិថីម៉ៅសេទុង មានករណីផាកពិន័យពុំត្រឹមត្រូវ និងមិនចេញវិក្កយបត្រប្រព្រឹត្តដោយក្រុមមន្ត្រីនៅគោលដៅនោះ ទៅលើរថយន្តមួយគ្រឿងម៉ាក ISUZU ពណ៌ទឹកប្រាក់ ខណៈពេលអ្នកបើកបរពុំបានប្រព្រឹត្តល្មើសភ្លើងសញ្ញាចរាចរណ៍ឡើយ (ភ្លើងពណ៌បៃតង) ដោយមានភស្តុតាងជាវីដេអូកាមេរ៉ាភ្ជាប់នៅក្នុងរថយន្ត ពេលកំពុងបើកបរឆ្លងស្តុប។

លុះដល់ព្រឹកថ្ងទី២២ ខែតុលា ឆ្នាំ២០២២ មានបែកសារជាសម្លេងទទួលកំហុសដែលលោកអនុសេនីយ៍ទោ ព្រំ ចាន់ដារ៉ា បានយកគណនីហ្វេសប៊ុករបស់លោកអនុសេនីយ៍ឯក ថាច ប៊ុនធឿន ផ្ញើសារទៅកាន់ម្ចាស់រថយន្ត ដើម្បីផ្ទេរប្រាក់ជូនវិញ និងស្នើសុំលុបវីដេអូដែលបានបង្ហោះក្នុងបណ្តាញសង្គម ប៉ុន្តែត្រូវបានម្ចាស់រថយន្តបដិសេធ។

ស្នងការដ្ឋាននគរបាលរាជធានីភ្នំពេញរីករាយក្នុងការទទួលព័ត៌មានពីបងប្អូនប្រជាពលរដ្ឋ ក្នុងករណីមានមន្ត្រីរូបណាដែលអនុវត្តខុសពីការណែនាំ ឬផ្ទុយពីច្បាប់ដែលបានកំណត់៕

វីដេអូខាងក្រោម៖

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ នាទី មុន

ពលរដ្ឋ​ក្នុងស្រុកព្រៃឈរ​ នៅតែបន្តរបរដាប់ថ្ម​ ធ្វេី​ត្បាល់​កិន​ម្សៅ​ ដើម្បី​បន្ថែម​ប្រាក់​កម្រៃ​ផ្គត់ផ្គង់​គ្រួសារ​

សន្តិសុខសង្គម១ ម៉ោង មុន

សមត្ថកិច្ចប្រើពេលជិត១២ម៉ោងដើម្បីគ្រប់គ្រងអគ្គិភ័យឆេះឃ្លាំងស្តុកបារីនៅខណ្ឌដង្កោ

សុខភាព១ ម៉ោង មុន

ស្រុកអង្គរធំក្លាយជាស្រុកទី៤ ក្នុងខេត្តសៀមរាបដែលសម្រេចបានជាស្រុកបញ្ឈប់ការបន្ទោបង់ ពាសវាលពាសកាល

ព័ត៌មានជាតិ២ ម៉ោង មុន

លោក ម៉ែន អេង៖ ខេត្តស្វាយរៀង មានតំបន់សេដ្ឋកិច្ចពិសេស៩ អាចរកការងារឱ្យកម្មករកម្មការិនីជិត ១០ម៉ឺននាក់

ព័ត៌មានជាតិ១៣ ម៉ោង មុន

រដ្ឋមន្ត្រីក្រសួង​ការងារ ៖ TVET មាន​តួនាទី​សំខាន់​មិនអាច​ខ្វះ​បាន​ក្នុងការ​អភិវឌ្ឍន៍​មូលធន​មនុស្ស

សន្តិសុខសង្គម១៧ ម៉ោង មុន

ឃ្លាំង​ស្តុ​ប​បារី​ដ៏​ធំ​មួយ​របស់​ក្រុមហ៊ុន​ចិន នៅ​ខណ្ឌដង្កោ ត្រូវ​បាន​អគ្គិភ័យ​ឆេះ​ខ្ទេច​ទាំងស្រុង

ជីវិតកម្សាន្ដ២១ ម៉ោង មុន

លោក ផៃ ផុងរ៉ាក់ តារាចម្រៀងខ្មែរសុរិន្ទ ឃ្លាតឆ្ងាយសិល្បៈ តើពេលនេះលោកនៅឯណា?

ព័ត៌មានអន្ដរជាតិ២១ ម៉ោង មុន

កូរ៉េ​ខាង​ជើង ចាប់​ផ្ដើម​សង់​ជញ្ជាំង​តាម​បន្ទាត់​ព្រំដែន​ជាមួយ​កូរ៉េ​ខាង​ត្បូង

ព័ត៌មានអន្ដរជាតិ២០ ម៉ោង មុន

ហ្សេលេនស្គី៖ សន្យា​បទ​ឈប់​បាញ់​របស់​ ពូទីន ដូច​សន្យា​របស់ ហ៊ីត្លែ មុន​ផ្ទុះ​សង្គ្រាម​លោក

សេដ្ឋកិច្ច១៨ ម៉ោង មុន

កសិករទម្លាយរឿងដំឡូងមីធ្លាក់តម្លៃខ្លាំង ស្ទើរតែថៃឈប់ទទួល ដោយសារ​ឈ្មួញកណ្តាល

Sokha Hotels

ព័ត៌មានពេញនិយម