ចរាចរណ៍
នារីម្នាក់ បើករថយន្តស៊េរីទំនើបប្រដេញគ្នាតាមផ្លូវ ជ្រុលបុករះម៉ូតូ ២ គ្រឿង របួសធ្ងន់-ស្រាល មនុស្ស ៣ នាក់
នារីម្នាក់ បើករថយន្តស៊េរីទំនើប BMW i8 ប្រដេញគ្នាតាមផ្លូវ ជ្រុលទៅបុករះម៉ូតូ ២ គ្រឿង បណ្ដាលឲ្យមនុស្ស ៣ នាក់ រងរបួសធ្ងន់-ស្រាល នៅខណ្ឌបឹងកេងកង។
ហេតុការណ៍នេះកើតឡើងកាលពីវេលាម៉ោង ១ និង ៣០ នាទី ទៀបភ្លឺ ឈានចូលថ្ងៃទី ១២ ខែកញ្ញា ឆ្នាំ ២០២៤ ស្ថិតត្រង់ចំណុចផ្លូវបំបែកជាបួន លេខ ៥៧ កែងផ្លូវលេខ ២៨២ សង្កាត់បឹងកេងកងទី ១ ខណ្ឌបឹងកេងកង រាជធានីភ្នំពេញ។
បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គាត់បានឃើញរថយន្តស៊េរីទំនើប ចំនួន ២ គ្រឿង បើកបរប្រដេញគ្នាតាមបណ្ដោយផ្លូវលេខ ២៨២ ក្នុងល្បឿនលឿន ទិសដៅពីកើតមកលិច លុះមកដល់ចំណុចកើតហេតុ មានម៉ូតូ ២ គ្រឿង បើកក្នុងទិសដៅពីត្បូងទៅជើង ឆ្លងកើតផ្លូវបំបែក ក៏ត្រូវរថយន្តបុកពេញទំហឹង បណ្ដាលឲ្យជនរងគ្រោះ ៣ នាក់ រងរបួសធ្ងន់-ស្រាល ក្នុងនោះ ម៉ូតូម៉ាកហុងដាឌ្រីមសេ ១២៥ ពណ៌ខ្មៅ ពាក់ស្លាកលេខភ្នំពេញ 1KN-4626 ជិះដោយបុរសម្នាក់ និង ១ គ្រឿងទៀត ម៉ាក SCOOPY ពណ៌ទឹកប៊ិច ពាក់ស្លាកលេខតាកែវ 1Z-7776 ជិះដោយបុរសម្នាក់ រួមដំណើរដោយនារីម្នាក់ទៀត។ ចំណែករថយន្ត ១ គ្រឿង បានបើករត់គេចបាត់ នៅសល់តែរថយន្តស៊េរីទំនើបម៉ាក BMW i8 ពណ៌ស លាយខៀវ ពាក់ស្លាកលេខ កម្ពុជា LM.8878 ត្រូវប្រជាពលរដ្ឋឃាត់ម្ចាស់រថយន្តប្រគល់ជូនសមត្ថកិច្ច។
ក្រោយពេលកើតហេតុ សមត្ថកិច្ចជំនាញ ក៏បានមកដល់ធ្វើការវាស់វែង និងយករថយន្តបង្ក ព្រមទាំងម៉ូតូរងគ្រោះទាំង ២ គ្រឿង ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ។ ចំណែកម្ចាស់រថយន្ត ត្រូវបានសមត្ថកិច្ចឃាត់ខ្លួនអ្នកបើកបររថយន្តដែលជាមនុស្សស្រី និងបុរសម្នាក់រួមដំណើរជាមួយទៅប៉ុស្តិ៍នគរបាលរដ្ឋបាលបឹងកេងកង ១ ដើម្បីធ្វើការសាកសួរនាំ៕
អត្ថបទ ៖ ម៉េង
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ