ក្រុមនិស្សិតជឿជាក់លើរាជរដ្ឋាភិបាល ក្នុងការដោះស្រាយបញ្ហាជម្លោះព្រំដែនកម្ពុជា-ថៃ

ក្រុមនិស្សិតមកពីសកលវិទ្យាល័យប៊ែលធីអន្តរជាតិ បានបង្ហាញការជឿជាក់លើប្រមុខរាជរដ្ឋាភិបាលក្នុងការដោះស្រាយបញ្ហាជម្លោះព្រំដែលរវាងកម្ពុជា ថៃ តាមរយៈយន្តការការទូតដើម្បីចៀសផុតពីសង្គ្រាមប្រដាប់អាវុធ។

ពួកគេយល់ឃើញថា ថ្នាក់ដឹកនាំកំពូលរបស់ប្រទេសកម្ពុជា ដែលមានសម្តេចតេជោ ហ៊ុន សែន និងសម្តេចធិបតី ហ៊ុន ម៉ា ណែត ជាថ្នាក់ដឹកនាំដែលគិតគូរខ្ពស់ពីសុខសន្តិភាពជាធំ ជាមេដឹកនាំដែលចិត្តត្រជាក់ តែមិននៅស្ងៀមជាមួយការដោះស្រាយបញ្ហានោះឡើយ ព្រោះសម្តេចតែងតែព្យាយាមខិតខំដោះស្រាយបញ្ហាព្រំដែនកម្ពុជា ថៃ តាមរយៈយន្តការការទូតជាច្រើនតាមច្បាប់អន្តរជាតិ សំដៅធ្វើយ៉ាងណា ដើម្បីបញ្ចៀសឲ្យបាននូវការកើតឡើងជម្លោះប្រដាប់អាវុធ នៃប្រទេសទាំង០២។

ក្រុមនិស្សិត បានបន្តលើកឡើងទៀតថា ពួកគាត់រួបរួមគ្នាជាធ្លុងមួយ បង្ហាញគោលជំហរបន្តការជឿជាក់យ៉ាងមុតមាំទៅលើរាជរដ្ឋាភិបាល ក្នុងការដោះស្រាយបញ្ហាជម្លោះព្រំដែនកម្ពុជា-ថៃ តាមយន្តការសន្តិភាព។ ក្រុមនិស្សិតបានសង្កត់ធ្ងន់ថា សន្តិភាព ពិតជាមានតម្លៃណាស់ បើប្រទេសជាតិមួយមិនមានសន្តិភាព នោះប្រទេសជាតិមិនមានការរីកចំរើន មិនមានការអភិវឌ្ឍគ្រប់វិស័យ ,យុវជនមិនបានរៀនសូត្រជាដើម។

កាលពីថ្ងៃទី២៧ ខែកញ្ញា ឆ្នាំ២០២៥ ភាគីថៃបានរំលោភបំពានបទឈប់បាញ់ ដោយប្រើកាំភ្លើងត្បាល់ និងកាំភ្លើងយន្តបាញ់មកលើកងទ័ពកម្ពុជា។ តែភាគីកម្ពុជា ទាំងថ្នាក់រាជរដ្ឋាភិបាល ក៏ដូចជាវីរកងទ័ពឈរជើងនៅសមរភូមិមុខ បានរក្សាគោលជំហរអត់ធ្មត់ខ្ពស់មិនបានធ្វើការតបតទៅវិញនោះឡើយ នេះបានបញ្ជាក់ឲ្យឃើញយ៉ាងច្បាស់ថា កម្ពុជាគោរពបាននូវបទឈប់បាញ់ និងការរក្សាបាននូវសន្តិភាពនៅតាមតំបន់ព្រំដែន រវាងប្រទេសទាំង០២៕

អត្ថបទ៖ សុភា