អាជ្ញាធរខណ្ឌពោធិ៍សែនជ័យ ចុះ​កាត់សំយាបសង់រំលោភផ្លូវសាធារណៈនៅផ្លូវបេតុងផ្សារព្រៃទា

នៅព្រឹកថ្ងៃទី២០​ ខែតុលា​ ឆ្នាំ២០២៥​ លោក​ ប៉ាង​ លីដា​ អភិបាលរង​នៃគណៈអភិបាលខណ្ឌពោធិសែនជ័យ បានសហការជាមួយក្រុមហ៊ុនមី​ស៊ូដា​ បានចុះរៀបចំសណ្ដាប់ធ្នាប់ បាញ់ទឹកលាងសម្អាត និងកាត់សំយាបផ្ទះពលរដ្ឋដែលសង់រំលោភលើចិញ្ចើមផ្លូវថ្មើរជើង ស្ថិតនៅតាមបណ្ដោយផ្លូវបេតុង ផ្សារព្រៃទា​ ភូមិព្រៃទា​ សង្កាត់ចោមចៅទី៣ ខណ្ឌពោធិ៍សែនជ័យ។

លោក​ ប៉ាង​ លីដា​ បានឲ្យដឹងថា​ ការចុះរៀបចំសណ្ដាប់ធ្នាប់នេះ ធ្វើឡើងបន្ទាប់ពីមើលឃេីញមានពលរដ្ឋមួយចំនួននៅមិនទាន់ចេះថែរក្សាបរិស្ថាន​ អនាម័យបានល្អ​ ទុកដាក់សំរាមគ្មានណ្តាប់ធ្នាប់បង្កជាក្លិនអាក្រក់​ ប៉ះពាល់ដល់សុខភាពដល់អ្នកដទៃទេីបលោក​ សហការជាមួយក្រុមហ៊ុនមីស៊ូដា​ (ក្រុមហ៊ុនប្រមូលសំរាម)ចុះរៀបសម្អាតសំរាម​ និងបាញ់ទឹកលាង​សម្អាតផ្លូវ​ ចាប់ពីផ្លូវវិមានសព​ ភូមិព្រៃទា១​ សង្កាត់ចោមចៅទី៣​ រហូតទៅដល់ព្រំប្រទល់ភូមិចាក់ជ្រូក​ សង្កាត់សំរោងក្រោម​។

លោក​ ប៉ាង​ លីដា​ បន្ថែមថា​ ក្រៅពីការបាញ់ទឹកសម្អាតផ្លូវ​ អាជ្ញាធរក៏បានកាត់សំយាបផ្ទះប្រជាពលរដ្ឋមួយចំនួនដែលបានសាងសង់រំលោភមកលេីចិញ្ចេីមផ្លូវសាធារណៈ ខណៈពលរដ្ឋមួយចំនួនក៏បានសុំពេលវេលាដើម្បីកាត់ដោយខ្លួនឯង។លោក​ ប៉ាង​ លីដា​ ក៏អំពាវវនាវ​ក៏ដូចជាណែនាំបន្ថែមទៀតដល់ប្រជាពលរដ្ឋទាំងអស់មេត្តាជួយថែរក្សាបរិស្ថាន​ អនាម័យ​ ជាពិសេសជួយថែរក្សាចិញ្ចេីមផ្លូវសម្រាប់អ្នកថ្មេីជេីងដេី​រ​ កុំសង់រំលោភតទៅទៀត​ដេីម្បីសម្រួលចរាចរណ៍៕

អត្ថបទ៖ សុខា