ព័ត៌មានជាតិ

គណៈបញ្ជាការឯកភាពខណ្ឌ ៧ មករា ចុះរៀបចំសណ្ដាប់ធ្នាប់ ណែនាំម្ចាស់អាជីវកម្មរំលោភផ្លូវសាធារណៈ ក្បែរបុរីកីឡា

បានផុស

៧ ខែ មុន

នៅ

ថ្ងៃសៅរ៍ ១ វិច្ឆិកា ២០២៥

ដោយ

កម្លាំងគណៈបញ្ជាការឯកភាពខណ្ឌ ៧ មករា បានចុះរៀបចំសណ្ដាប់ធ្នាប់ និងធ្វើកិច្ចសន្យាណែនាំប្រជាពលរដ្ឋ និងម្ចាស់អាជីវកម្មមួយចំនួនដែលរំលោភចិញ្ចើមផ្លូវសាធារណៈ បង្កឲ្យបាត់បង់សណ្ដាប់ធ្នាប់ និងកកស្ទះចរាចរណ៍ដល់អ្នកធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃទី ៣០ ខែតុលា ឆ្នាំ ២០២៥ ថ្មីៗ នេះ ដោយមានការណែនាំពីលោក ថេង សុថុល អភិបាលខណ្ឌ ៧ មករា បានចាត់ឲ្យលោក គ្រួច សុធន់ នាយករងរដ្ឋបាល និងលោកវរសេនីយ៍ទោ ទឹម វុទ្ធី អធិការរងទទួលផ្នែកសណ្ដាប់ធ្នាប់ នៃអធិការដ្ឋាននគរបាលខណ្ឌ ៧ មករា ដឹកនាំកម្លាំងគណៈបញ្ជាការឯកភាពខណ្ឌ ចុះណែនាំ និងធ្វើកិច្ចសន្យា ដល់ម្ចាស់អាជីវកម្មមួយចំនួន ស្ថិតនៅតាមបណ្ដោយផ្លូវលេខ ១៥៦ ក្បែរបុរីកីឡា សង្កាត់វាលវង់ ខណ្ឌ ៧ មករា រាជធានីភ្នំពេញ ដែលយកផ្លូវសាធារណៈប្រកបអាជីវកម្ម ដើម្បីប្រយោជន៍ផ្ទាល់ខ្លួន បង្កផលប៉ះពាល់ដល់សាធារណជន អ្នកធ្វើដំណើរ។

លោក គ្រួច សុធន់ នាយករងរដ្ឋបាល នៃរដ្ឋបាលខណ្ឌ ៧ មករា បញ្ជាក់ថា អាជ្ញាធរខណ្ឌ តែងតែចុះរៀបចំជាប្រចាំតាមបណ្ដាផ្លូវផ្សេងៗ ក្នុងមូលដ្ឋានខណ្ឌ បានណែនាំដល់ម្ចាស់អាជីវកម្មសូមចូលរួមជាមួយអាជ្ញាធរខណ្ឌ ដើម្បីរក្សាបរិស្ថាន អនាម័យ សណ្ដាប់ធ្នាប់សាធារណៈ ឲ្យបានល្អប្រសើរ។

ក្នុងនោះ លោក គ្រួច សុធន់ បានណែនាំ និងធ្វើកិច្ចសន្យា ដល់អ្នកគ្រប់គ្រងសាលារៀនឯកជន និងទីតាំងជួសជុលរថយន្ត ចូលរួមរក្សាសណ្ដាប់ធ្នាប់ កុំយកផ្លូវធ្វើជាចំណតបង្កការកកស្ទះ ត្រូវរក្សាសម្រាប់អ្នកធ្វើដំណើរ។