កីឡា

ថ្ងៃកាត់សេចក្តី ក្រុម ២ នឹងឡើងវគ្គផ្តាច់ព្រ័ត្រថ្នាក់ខេត្ត ពានរង្វាន់សម្តេចតេជោ រសៀលនេះ

បានផុស

៥ ខែ មុន

នៅ

ថ្ងៃពុធ ៣ ធ្នូ ២០២៥

ដោយ

បន្ទាប់ពីជើងទី១បញ្ចប់ដោយលទ្ធផលស្មើគ្នាទាំងពីរប្រកួតក្នុងវគ្គពាក់កណ្តាលផ្តាច់ព្រ័ត្រ ថ្ងៃនេះក្រុមទាំង ៤ ត្រូវកាត់សេចក្តីដើម្បីស្វែងរក ២ ក្រុមឡើងទៅវគ្គផ្តាច់ព្រ័ត្រ ថ្នាក់ខេត្ត ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៩។

កាលពីជើងទី១ ក្នុងវគ្គពាក់កណ្តាលផ្តាច់ព្រ័ត្រ ក្រុម ភ្នំពេញហ្គាឡាក់ស៊ី និង ក្រុមឡាយអ៉ិនឃីងសៀមរាប បញ្ចប់ដោយលទ្ធផលស្មើគ្នា ០-០ នៅកីឡដ្ឋាន អាគីហ៊ីរ៉ូកាតុ ខេត្តសៀមរាប កាលពីថ្ងៃទី២៦ ខែវិច្ឆិកា ឆ្នាំ ២០២៥ ខណៈ ក្រុមខេត្ត ត្បូងឃ្មុំ និង ក្រុមខេត្ត កំពង់ចាម ក៏បានបញ្ចប់ដោយលទ្ធផលស្មើគ្នា ០-០ នៅទីលានវិទ្យាល័យ ព្រះសីហនុ។

ថ្ងៃនេះ វេលាម៉ោង ៣:៣០នាទីរសៀលដូចគ្នា ក្រុមភ្នំពេញហ្គាឡាក់ស៊ី បើកទ្វារទីលានវិទ្យាស្ថានជាតិអប់រំកាយ និងកីឡា ក្នុងរាជធានីភ្នំពេញ ដើម្បីទទួលក្រុម ឡាយអ៉ិនឃីង ខេត្តសៀមរាប សម្រាប់ការប្រកួតជើងទី២។ ចំណែកក្រុម ខេត្តត្បូងឃ្មុំ ទទួលក្រុម ខេត្តកំពង់ចាម នៅទីលានវិទ្យាល័យ ប៊ុនរ៉ានី ហ៊ុនសែន មេមត់។

ក្រុមត្បូងឃ្មុំ កំពុងឈរជាក្រុមជោគជ័យជាងគេបំផុត សម្រាប់ការប្រកួតពានរង្វាន់សម្តេចជោថ្នាក់ខេត្ត គិតចាប់តាំងពីចាប់ផ្តើមលើកដំបូងនៅឆ្នាំ ២០១៨។ ពួកគេបានឡើងដល់វគ្គពាក់កណ្តាលផ្តាច់ព្រ័ត្របានចំនួន ៦ លើក ដោយគិតទាំងរដូវកាល ២០២៥-២០២៦។ ជាលទ្ធផលពួកគេបានឡើងដល់វគ្គផ្តាច់ព្រ័ត្រ ៥ លើក គឺឈ្នះជើងឯកបានចំនួន ២ លើក គឺនៅឆ្នាំ ២០១៩ និងរដូវកាលមុន ២០២៤-២០២៥៕