ព័ត៌មានជាតិ

សប្បុរសជន ក្រុមហ៊ុនឯកជន និងស្ថាប័នរដ្ឋ នៅតែបន្តនាំយកអំណោយសប្បុរសធម៌ ប្រគល់ជូនរដ្ឋបាលរាជធានី

បានផុស

៦ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

សប្បុរសជន ក្រុមហ៊ុនឯកជន និងស្ថាប័នរដ្ឋ នៅតែបន្តនាំយកអំណោយសប្បុរសធម៌ មកប្រគល់ជូនរដ្ឋបាលរាជធានីភ្នំពេញ ដើម្បីដឹកជញ្ជូនយកទៅបែងចែកជូនទៅដល់វីរកងទ័ពជួរមុខ និងពលរដ្ឋដែលជាជនភៀសសឹក ខណៈក្រុមទាហានថៃបាននិងកំពុងបន្តឈ្លានពានលើបូរណភាពទឹកដីកម្ពុជាយ៉ាងគឃ្លើនអស់រយៈពេលជិត ២០ ថ្ងៃ ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហួត ហៃ និង លោក ឆាយ វីរៈ អភិបាលរងតំណាងលោក ឃួង ស្រេង អភិបាលរាជធានីភ្នំពេញ នៅថ្ងៃទី ២៥ ខែធ្នូ ឆ្នាំ ២០២៥ នេះ បានអញ្ជើញទទួលអំណោយដោយផ្ទាល់ពីសប្បុរសជន នៅសាលារាជធានីភ្នំពេញ ហើយសប្បុរសជនដែលនាំយកអំណោយមកប្រគល់ជូនរួមមាន ៖ រដ្ឋបាលខណ្ឌច្បារអំពៅ , រដ្ឋបាលខណ្ឌពោធិ៍សែនជ័យ , រដ្ឋបាលខណ្ឌទួលគោក , រដ្ឋបាលខណ្ឌ ៧ មករា , គណៈកម្មាធិការផ្សារចាស់ , គណៈកម្មាធិការផ្សារបឹងកេងកង , ក្រុមហ៊ុន Baby Care និងសប្បុរសជន។

ក្នុងឱកាសនោះ លោក ហួត ហៃ និង លោក ឆាយ វីរៈ បានថ្លែងនូវការអរគុណយ៉ាងជ្រាលជ្រៅបំផុតចំពោះ សប្បុរសជន ក្រុមហ៊ុនឯកជនទាំងអស់ ព្រមទាំងមន្ត្រីរាជការតាមស្ថាប័នរដ្ឋ និងអាជ្ញាធរខណ្ឌនានា ដែលបានចូលរួម ចែករំលែកនូវធនធានទៅតាមលទ្ធភាពរៀងៗ ខ្លួន ដើម្បីឧបត្ថម្ភដល់វីរកងទ័ពជួរមុខ និងក្រុមគ្រួសារពលរដ្ឋជាជនភៀសសឹកដែលបាននិងកំពុងភៀសសឹកចេញពីផ្ទះសម្បែងទៅស្នាក់នៅទីកន្លែងសុវត្ថិភាព សកម្មភាពនេះពិតជាបានបង្ហាញឱ្យឃើញពីទឹកចិត្តសប្បុរសធម៌របស់ប្រជាពលរដ្ឋក្នុងរាជធានីភ្នំពេញក្នុងការសាមគ្គីភាពជាធ្លុងមួយខ្មែរស្រលាញ់ខ្មែរ។