ព័ត៌មានជាតិ

ស្ថានភាពជួរមុខ មានសភាពស្ងប់ស្ងាត់ ក្រោយចុះកិច្ចព្រមព្រៀងបទឈប់បាញ់ជាថ្មី

បានផុស

៤ ខែ មុន

នៅ

ថ្ងៃអាទិត្យ ២៨ ធ្នូ ២០២៥

ដោយ

ស្ថានការជួរមុខ មានសភាពស្ងប់ស្ងាត់ ខណៈកងកម្លាំងកម្ពុជានៅបន្តតាមដានដោយយកចិត្តទុកដាក់ជានិច្ច និងកំពុងបំពេញតួនាទីរបស់ខ្លួនជាមួយនឹងស្មារតីប្រុងប្រយ័ត្នខ្ពស់ ដើម្បីការពារអធិបតេយ្យ និងបូរណភាពទឹកដី។

លោកស្រី ម៉ាលី សុជាតា អ្នកនាំពាក្យក្រសួងការពារជាតិ បញ្ជាក់ថា សេចក្ដីប្រកាសរួមកាលពីម្សិលមិញនេះ ជាការបន្តអនុវត្តនូវអ្វីដែលបានឯកភាពគ្នាកន្លងមក រួមមានកិច្ចព្រមព្រៀងបទឈប់បាញ់រវាងកម្ពុជា និងថៃ ដែលបានចុះហត្ថលេខាកាលពីថ្ងៃទី ២៨ ខែកក្កដា ឆ្នាំ ២០២៥ សេចក្ដីថ្លែងការរួមស្ដីពីកិច្ចព្រមព្រៀងសន្តិភាពរវាងកម្ពុជា-ថៃ ដែលភាគីកម្ពុជា-ថៃ បានចុះហត្ថលេខាកាលពីថ្ងៃទី ២៦ ខែតុលា ឆ្នាំ ២០២៥ និងឯកសារព្រមព្រៀងផ្សេងៗទៀត។

ភាគីទាំងពីរ បានវាយតម្លៃខ្ពស់ចំពោះតួនាទីរបស់ក្រុមអ្នកសង្កេតការណ៍អាស៊ាន និងបានឯកភាពពង្រឹងអាណត្តិការងាររបស់គេក្នុងការផ្ទៀតផ្ទាត់ និងធានាដល់ការអនុវត្តប្រកបដោយប្រសិទ្ធភាពនូវវិធាការនានា ដែលបានឯកភាពគ្នាក្នុងថ្ងៃម្សិលមិញ៕