ព័ត៌មានអន្ដរជាតិ

អ៊ីរ៉ង់តបអាមេរិកវិញថា «វានឹងក្លាយជារឿងល្ងង់ខ្លៅបំផុតសម្រាប់អាមេរិក» បើឲ្យអ៊ីស្រាអែលធ្វើស្រេចតែចិត្ត

បានផុស

៣ ខែ មុន

នៅ

ថ្ងៃសុក្រ ១០ មេសា ២០២៦

ដោយ

បន្ទាប់ពីអាមេរិកស្តីឱ្យអ៊ីរ៉ង់ជុំវិញការវាយប្រហាររបស់អ៊ីស្រាអែលលើប្រទេសលីបង់ អាចធ្វើឱ្យប៉ះពាល់ដល់បទឈប់បាញ់ដែលអាមេរិកនិងអ៊ីរ៉ងទើបយល់ព្រមជាមួយគ្នា រដ្ឋមន្ត្រីការបរទេសអ៊ីរ៉ង់ លោក Abbas Araghchi បានលើកឡើងទាំងខឹងថា វានឹងក្លាយជារឿងដ៏ល្ងង់ខ្លៅសម្រាប់សហរដ្ឋអាមេរិកក្នុងការអនុញ្ញាតឱ្យអ៊ីស្រាអែលធ្វើឱ្យប៉ះពាល់ដល់បទឈប់បាញ់ក្នុងតំបន់ ដោយការបន្តវាយប្រហារយ៉ាងខ្លាំងទៅលើប្រទេសលីបង់ និងសម្លាប់មនុស្សរាប់រយនាក់ចាប់តាំងពីបទឈប់បាញ់ចូលជាធរមាន។

រដ្ឋមន្ត្រីការបរទេសអ៊ីរ៉ង់ លោក Abbas Araghchi ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន Al Jazeera ផ្សាយថ្ងៃទី៩ ខែមេសា ឆ្នាំ២០២៦ នៅថ្ងៃព្រហស្បតិ៍ លោក Araghchi បានថ្លែងថា ការកាត់ក្តីពីបទអំពើពុករលួយរបស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) នឹងធ្វើឡើងម្តងទៀតនៅថ្ងៃអាទិត្យក្នុងប្រទេសអ៊ីស្រាអែល។ លោកបន្តថា មេដឹកនាំអ៊ីស្រាអែលមានហេតុផលលាក់កំបាំង[បញ្ហាផ្ទាល់ខ្លួន] ដើម្បីបន្តការប្រយុទ្ធ។

លោក Araghchi សរសេរនៅលើបណ្តាញសង្គមថា៖ « បទឈប់បាញ់នៅទូទាំងតំបន់ រួមទាំងប្រទេសលីបង់ផងដែរ នឹងពន្លឿនការជាប់ពន្ធនាគាររបស់គាត់ [ណេតាន់យ៉ាហ៊ូ]»។

លោកក៏បានបង្ហោះសារមួយទៀតសម្រាប់សហរដ្ឋអាមេរិកដែលបដិសេធថា ប្រទេសលីបង់មិនបានរាប់បញ្ចូលក្នុងបទឈប់បាញ់តាំងពីដំបូង។

លោក Araghchi សរសេរថា៖ « ប្រសិនបើសហរដ្ឋអាមេរិកចង់បំផ្លាញសេដ្ឋកិច្ចរបស់ខ្លួនដោយអនុញ្ញាតឱ្យ លោក ណេតាន់យ៉ាហ៊ូ សម្លាប់ការទូតខ្លួនឯង នោះវាជាជម្រើសផ្ទាល់ខ្លួន។ យើងគិតថា វានឹងក្លាយជារឿងល្ងង់ខ្លៅ ប៉ុន្តែយើងក៏បានត្រៀមខ្លួនរួចរាល់សម្រាប់វា [ ការប្រឈមមុខនានា]»។

ការលើកឡើងរបស់ លោក Araghchi ឆ្លើយតបទៅនឹងភាសារបស់អនុប្រធានាធិបតីអាមេរិក លោក JD Vance ដែលបានតិះដៀលអ៊ីរ៉ង់កាលពីថ្ងៃពុធ រឿងអ៊ីស្រាអែលវាយប្រហារលើប្រទេសលីបង់ បន្ទាប់ពីមានបទឈប់បាញ់រវាងអាមេរិក-អ៊ីរ៉ង។

លោក Vance ព្រមានប្រឆាំងនឹងអ៊ីរ៉ង់ដែលអនុញ្ញាតឱ្យបទឈប់បាញ់ដួលរលំដោយសារប្រទេសលីបង់និងលើកឡើងថា៖ « យើងគិតថា វាជារឿងល្ងង់ខ្លៅបំផុត ប៉ុន្តែនោះជាជម្រើសរបស់ពួកគេ[អ៊ីរ៉ង់]»។

គួរបញ្ជាក់ថា ចាប់តាំងពីបទឈប់បាញ់ប្រកាសនៅថ្ងៃអង្គារមក ភាពមិនចុះសម្រុងរវាងភាគីអ៊ីស្រាអែលនិងអាមេរិក លើ ថាតើការអនុវត្តចំពោះប្រទេសលីបង់ឬអត់ បានក្លាយជាការគំរាមកំហែងដ៏ធំមួយ សម្រាប់អនាគតនៃបទឈប់បាញ់ដ៏ផុយស្រួយនេះ៕

ប្រែសម្រួល៖ ណឺ មិនា